GORGY RULA
Inspiring ang kuwento ni Jeraldine Blackman na napangasawa ang Australian na si Josh at sumikat ang pamilya nila sa social media dahil sa napaka-cute na anak nilang si Jette.
Tiyak na maraming mga Pinay ang makaka-relate.
Read: The Blackman Family of Jeraldine and Joshua Blackman teach kids stranger danger
Talagang mahirap daw ang adjustment nila noong mag-asawa na sila.
Pero ayon kay Jeraldine, napakabait ng kanyang asawang si Josh, lalo na’t napaka-religious daw nito at ng buong pamilya.
Salvation Army daw si Josh at si Jeraldine naman ay Roman Catholic, pero halos magkapareho raw sila ng beliefs.
Sumunod si Jeraldine sa relihiyon ng kanyang asawa, pero madalas ay sa kanya raw nakikibagay si Josh. Masuwerte raw niya dahil hindi siya nakaranas ng diskriminasyon, lalo na’t nasa Australia siya.
JERALDINE BLACKMAN ON SON NIMO EXPERIENCING DISCRIMINATION
Ang ikinalulungkot ni Jeraldine ay ang nakaranas na ng discrimination sa murang edad ang anak niyang si Nimo mula sa classmates nito.
Lahad ni Jeraldine noong Mayo 22, 2024, Miyerkules, sa headquarters ng Beautederm sa Angeles City, “Nung nasa pre-school siya [Nimo], konti lang kasi yung sa school na pinuntahan. Konti lang ang Asians doon.
“And then, Nimo would come home telling me that, ‘O Mama, they won’t play with me because I have, like, little eyes.’
“Kasi yung eyes niya, super little, pero parang Korean kasi siya. Kaya ano, they would always say that, 'Like, you know, even now, like, you know. Everyone is playing, but then they don’t play with him.'
“Kaya ang sakit ng ano, ang sakit ng loob. In-explain ko talaga siya, like, you know… in-explain ko siya talaga.
“Na ang hirap, ang hirap iano. Pero minsan sinasabi ko sa kanya, umiiyak ako sa toilet kasi ano, na-hurt talaga ako nung pinaka-first na sinabi niya…
“Ayaw nilang makipaglaro, pero sabi ko sa kanya, ano… 'I think may mga tao talaga na ano, na ganun.
“'Pero you just have to be, like… even though, like, they’re not very nice, you still have to, like, show them that you’re very nice. Otherwise, like, if you’re not nice, then walang mangyayari.'
“Naiintindihan naman niya na ano… so ngayon, ini-ignore na lang niya.
“Mas konti na ngayon kasi ano, I think nag-mature na yung ibang mga kids. Pero noon talaga, nung kindergarten siya, yun ang nangyari.”
Read: Diana Zubiri walks out of luxury shop; cries discrimination
NOEL FERRER
Magaling makisama si Jeraldine sa mga kaibigan niyang hindi Pinoy.
Nakaka-disappoint lang daw na ang mga anak pa niya ang nakakaranas ng ganitong diskriminasyon.
Mabuti at naipaliwanag daw niya ito sa mga bata, at proud naman daw ang mga anak niya sa kanilang lahi kahit hindi sila puro Australyano.
“Lagi ko pa rin talaga sinasabi sa kanila, even Jette now, like, I would always tell both of them na maraming differences.
“Like, we all have different colors ba… pati sa hair color, kasi black na black ang hair ni Nimo. May mga kaklase siyang blonde, like, he’s different sa ano, sa group nila.
“Kaya sinasabi ko, kahit ganun pa din, we are all the same, like, you know. Kaya alam din nila ang difference.
“Ayan si Jette, alam niya, ‘I’m half Filipino, I’m half Australian.’ Of course, I have…
“Alam niya, alam niya yung difference ba na… may mga kaklase din siya na half what like, maybe half-Indian and half-Australian.
“Hindi ko ini-expect na magiging aware sila at early age. Akala ko…
“Dumating din sa point noon, you know, nung buntis ako, sabi ko, ‘Siguro naman walang racism na mangyayari kapag mga bata pa sila.’
“Hindi ko ini-expect talaga na… you know, Nimo was five years old. I was explaining him between the race and the colors and everything.
“Kaya I think, iyon yung biggest challenge ko so far sa pagiging Filipina and then marrying an Australian.”
Read: Trans woman cries foul over alleged discrimination inside clothing store in BGC
JERRY OLEA
Kinaaliwan ang pamilya ni Jeraldine sa Tiktok, at ngayon ay nasa Pilipinas sila ni Jette para magbakasyon.
Ang ganda ng bakasyon nila dahil nagkakilala si Jeraldine at ang CEO ng Beautederm na si Ms. Rhea Anicoche-Tan.
Natuwa si Rhea dahil nakita niyang talagang ginagamit ni Jeraldine ang mga produkto niya, kaya kinuha niya itong brand ambassador. Si Jeraldine ang endorser ng mga bagong produkto nilang Cristaux Retinol Serum, Cristaux Zerum Hydra-Beauty, and Cristaux Vitamin C Serum.
Parehong Ilokana sina Rhea at Jeraldine, at magkasundung-magkasundo sila.
Pahayag ni Ms. Rhea, “Napansin ko po kasi sa kanya nung last time talaga na pumunta siya dito, to be honest, I did not pay her anything.
“Natuwa lang ako talaga, kasi adik din kaming dalawa sa bag. Parang ganun. So parang ganun nag-start ata.
“Kasi ako po yung type ng tao, pansinin nyo, hindi talaga ako namimilit na gamitin mo yung produkto ko. Kaya bago po nila i-endorse, gusto ko na gamitin mo para mas totoo, e.
“Makikita ng tao yung sincerity, at totoong ginagamit mo yung produkto. So ganun, parang getting to know lang.
“Sabi ko, ‘Adine, I’m a fan.’ Na sobrang overwhelming, kasi grabe ang schedule niya. Pumunta siya dito sa Pampanga, tapos natuwa kami.
“Tapos sabi ko, ‘Hindi naman madamot itong batang ito.’ Ako po ang nauumay, ‘Tama na, nakakahiya, I’m a very private person.’
“Wow! Private! Di ba, sinasabi ko? ‘Hindi, manang, gawin mo to!’ Ganyan-ganyan. Na hindi siya madamot, na super-post siya about me na…
“Aba! Parang ngayon lang ako literal na nakilala. I only had 200,000 followers on Facebook, nadagdagan ako ng 15,000 agad.
“Yes! Very effective siya na endorser for me talaga.” Naging friends online sila, bago nagpasya si Ms. Rhea na kuning endorser si Jeraldine, at nagkapirmahan ng kontrata noong Miyerkules.
This Friday, May 24, ay babalik na sa Australia sina Jeraldine.
By the way, isa sa mga nag-welcome kay Jeraldine sa pamilya ng iniendorso niyang beauty products ay ang vice-governor na Oriental Mindoro na si Ejay Falcon.
Ang nag-host ng mediacon noong Wednesday ay sina DJ Jhai Ho at Darla Saurer.