JERRY OLEA
Nanguna ang 2023 Metro Manila Film Festival (MMFF) entry nina Sharon Cuneta at Alden Richards na Family of Two sa Top 10 Movies in the Philippines Today sa Netflix.
Yung apat na nauna ay pumuwesto rin sa top spot.
Nag-No. 1 ang Rewind mula Marso 27 hanggang Abril 2; ang Becky & Badette noong Abril 6, 9, at 10; ang GomBurza noong Abril 11 hanggang 14; at ang Kampon noong Abril 20 at 21.
Ang Firefly ay sa Amazon Prime Video nag-streaming umpisa Abril 30.
Sa Hunyo 7 nakatakdang mag-streaming sa Netflix ang MMFF 2023 entry ni Matteo Guidicelli na Penduko.
Sa Hunyo 26 naman ang streaming ng GG: Good Game ng mag-inang Donny Pangilinan at Maricel Laxa. Hindi ito nakapasok sa Final 6 ng MMFF 2023.
Pupuwesto rin kaya ang Penduko at GG: Good Game sa number 1?
Ang Top 10 Movies in the Philippines sa Netflix ngayong Hunyo 1, Sabado — Family of Two, Atlas, I Am Not Big Bird, To Catch A Killer, Wonder Woman, Bionic, Security, Road Trip, at Color of Evil Red.
Ang unang title ng Sharon-Alden movie ay A Mother and Son’s Story. Kapagkuwan ay ginawang Family of Two (A Mother and Son Story), dahil prinodyus ito ng Cineko na nagprodyus ng Family Matters.
Nang mag-streaming sa Netflix ay Family of Two na lang ang title nito.
NOEL FERRER
At least, tatlong Pinoy films ang nasa Top 10 Movies in the Philippines Today sa Netflix — Family of Two, I Am Not Big Bird, at Road Trip.
Sa listahan ng Top TV Shows ng Netflix PH, lahat ay pawang gawang-banyaga.
Matapos maligwak doon ang DonBelle series na Can’t Buy Me Love noong Mayo 12, 2024, wala nang Pinoy series na pumasok sa Top 10.
Ang Top 10 TV Shows in the Philippines Today sa Netflix — Demon Slayer, The Atypical Family, The 8 Show, Bridgerton, Kaiju No. 8, Jurassic World Chaos Theory, Dancing For The Devil: The 7M TikTok Cult, Queen of Tears, Young Sheldon, at Garouden: The Way of the Lone Wolf.
Sa sampung iyan ay apat ang animated series.
At heto na, ang akala ng iba ay yung Thai film na How To Make Millions Before Grandma Dies ay sa Netflix mapapanood.
Hindi po, naka-exclusive showing siya sa SM Cinemas.
Habulin po ninyo at maganda talaga. At nagulat ako at maraming tao nang mapanood ko kahapon, P290 din lang kasi with free bottled water. So, worth it talaga!
GORGY RULA
Hindi lahat ng Pinoy movies na nag-streaming sa Netflix ay nagna-number one sa listahan ng Top 10 Movies in the Philippines Today.
Last year, nanguna sa nasabing talaan ng Netflix PH ang apat na pelikula ni Carlo Aquino — Seasons (Hulyo 9-15) with Lovi Poe; Love You, Long Time (Agosto 23-29) with Eisel Serrano; Third World Romance (Nobyembre 18-20) with Charlie Dizon; at I Love Lizzy (Disyembre 19 at 21) with Barbie Imperial.
Pero yung animated movie ni Carlo na Iti Mapukpukaw (The Missing) kasama sina Gio Gahol at Dolly de Leon na nag-Netflix streaming umpisa Pebrero 24, 2024, ni hindi pumasok sa Top 10.
Ang Iti Mapukpukaw ay best film ng 2023 Cinemalaya filmfest, at natamo rin nito roon ang parangal na best supporting actress para kay Dolly.
Ito ang aspiring entry ng Pilipinas sa 96th Academy Awards o Oscars, pero ligwak ito sa shortlist.
Dekalidad ang Iti Mapukpukaw, pero hindi nito masyadong pinukaw ang interes ng Pinoy viewers sa Netflix.
Yung Ikaw Pa Rin Ang Pipiliin Ko nina Aga Muhlach at Julia Barretto, No. 2 sa Top 10 Movies ng Netflix PH noong Mayo 9-11. Ispageting pababa na ito kapagkuwan. Bigong makapuwesto sa top spot.
Ganoon din ang comeback movie ni Enrique Gil na I Love Big Bird, na nag-umpisang mag-streaming noong Mayo 21, Martes.
Nag-peak ang birdkada movie ni Enrique sa No. 2 position — Mayo 25, 28 hanggang 31.
Co-stars dito ni Enrique sina Pepe Herrera, Nikko Natividad, at Red Ollero, sa direksyon ni Victor Villanueva.
Sabi-sabi, ito ang pinakamahina sa mga pelikulang handog ng Black Sheep.