JERRY OLEA
Raratsada ang BarDa tandem nina Barbie Forteza at David Licauco sa Hulyo. Hulyo 4, 2024, Huwebes, ang premiere night sa SM Megamall ng first BarDa movie na That Kind of Love.
Love story ito ng dating coach and certified psychologist na si Milagros “Mila” Maharlika, at ng yayamaning executive na si Adam de Dios.
Hulyo 10, Miyerkules, ang showing nito sa local cinemas.
Read: Barbie Forteza reveals what David Licauco did for love
Hulyo 26, Biyernes, naman ang Netflix streaming ng historical drama series na Pulang Araw, kung saan gaganap sina Barbie at David bilang Adelina de la Cruz at Hiroshi Tanaka, respectively.
Ang pilot episode nito sa GMA primetime ay Hulyo 29, Lunes ng gabi.
Mabuti at ieere na ito ng Kapuso Network bago ang Ghost Month na mula Agosto 4, Linggo hanggang Setyembre 2, Miyerkules.
Read: Pulang Araw ng GMA-7, unang mapapanood sa Netflix
Sa mediacon ng That Kind of Love noong Hunyo 20, Huwebes sa Plaza Ibarra, Timog Avenue, Quezon City, inusisa ko si David kung gaano ka-similar sa kanya ang character niyang si Adam de Dios as far as being richie-richie is concerned.
“Hindi! Wala naman akong private jet. Meron lang ako… meron lang ako, helicopter. Joke lang! Wala! Wala akong helicopter,” sabi ni David.
DAVID LICAUCO ON PULANG ARAW
Kumusta naman ang character niya sa Pulang Araw?
“I think very hard iyong aking character… napakahirap ng character na ginagampanan ko dito dahil malaki ang ipinaglalaban niya sa buhay niya,” saad ni David.
“Iniisip niya kung pipiliin ba niya yung mga kaibigan at mahal niya sa buhay, or yung bansa niya.
“So, napakahirap nun! Napakabigat nun. So, talagang grabe yung preparations ko dito and every day talagang nag-aaral ako.
“Siyempre kasama ko dito, mga batikang aktor. Kailangan kong makisabay.”
Nasa Pulang Araw rin sina Alden Richards bilang Eduardo de la Cruz, Sanya Lopez bilang Teresita Borromeo, at Dennis Trillo bilang Colonel Yuta Saitoh.
Meron bang pinagdadaanang hard at malaki si David, o gumagaan ang mga iyon dahil sa suporta ni Barbie at tuluy-tuloy ang projects nila?
Read: Barbie Forteza denies "carrying" loveteam with David Licauco
Natigilan sandali si David bago sumagot, “Every day naman ang mga challenge. Maraming challenges sa life. Nasa atin pa rin naman yun kung paano tayo babangon, di ba?”
Nakakatulog na siya nang maayos matapos sumailalim sa operasyon noong Abril 30 para sa sleep apnea?
“It’s better, better. Pero meron pa ring times na nahihirapan akong matulog,” pagtatapat ni David.
“Kasi hindi naman ako talagang full operation, e.”
BARDA LOVETEAM
Nag-manifest si Divine Aucina na magiging National Artist si Barbie in the future. Sang-ayon ba siya roon?
Read: Divine Aucina, bilib sa work etiquette ni Barbie Forteza
“Siyempre naman, ano yun, napakagaling ni Barbie na actress. Dapat, e, she deserves more recognition as an actress.”
Magtatagal kaya ang loveteam nila ni Barbie? Sa mga susunod na taon, sila pa rin ang magkatambal?
“Bakit hindi, di ba? If it’s working, siyempre. If it’s working, yes,” pakli ni David. Magkasawaan kaya sila?
“Siguro depende pa rin yun sa mga fans. Kumbaga, Nasa kanila naman yun kung magsasawa sila o hindi,” sambit ni David.
“Kami, ginagawa lang naman namin yung best namin.”
Just in case, kaya na ba niyang humiwalay sa pakikipag-loveteam kay Barbie?
“Hindi ko alam actually. Hindi ko alam dahil hindi ko pa siya nape-face, di ba?” pag-amin ni David.
“But I don’t know, I think this is my comfort zone as of the moment. I think andami ko nang ginawang uncomfortable decisions sa buhay ko na… pagnenegosyo, maraming uncertainties.
“I think this one is, you know, I’m in my comfort zone. And siguro as much as possible, I wanna be in that comfort zone muna.”
Read: David Licauco to BarDa fans: "Iwasan lang ang hate."
GORGY RULA
Naaapektuhan pa ba siya kapag bina-bash siya?
Sagot ni David, “Siguro pag bina-bash ang acting ko. Dun ako naba-bad trip. Kasi parang…
“Napipikon siya?
“Kung minsan, napipikon ka. Minsan gusto kong mag-reply.
"Pero siyempre, e, entitled naman sila sa opinions nila, e,” sambit ng Pambansang Ginoo.
“Pero OK lang naman sa akin. Sa totoo lang, immune na rin ako. Pag minsan lang, kunwari bad mood ka, nakita mo. Parang hmmnn…
“Nung birthday ko, may nakita ako. Birthday ko na nga, imbes na i-greet ako, sinabi sa akin, ‘Babanu-bano umarte.’”
Noong nakaraang Sabado, Hunyo 15 ang ika-30 kaarawan ni David.
Read: David Licauco dreams of starring in a movie with Kathryn Bernardo
NOEL FERRER
Suwerte si David sa lahat ng breaks na sumasakanya ngayon, sana pagbutihin na niya talaga.
May napuntahan tayong probinsya, di ba, mga Ka-Troika na sabi’y hindi na makakaulit si David dahil pinetiks-petiks niya ang pagpe-perform sa kanila dati.
Sana, lalo pang magsanay at magpakahusay si David sa pagkanta, pagpe-perform lalo na ang pag-arte dahil iyan ang dahilan kaya siya nasa showbiz na isang career at art, hindi raket lang.