JERRY OLEA
Pinaghalong budget ng Ben & Ben at December Avenue ang first major concert ni Andrew E. na 1Time For Your Mind, na nakatakda sa Disyembre 11, 2024 sa New Frontier Theater, Cubao, Quezon City.
Isiniwalat iyan ng producer na si Jonathan Wee ng Ticket1 sa contract signing nila ni Andrew E nitong Hunyo 23, Linggo ng hapon, sa Golden Ballroom ng Okada Manila, Parañaque City.
Ibinunyag din ni Mr. Wee na tinanggihan ng rapper-comedian ang pagko-concert sa Araneta Coliseum.
“Well, malapit din sa kanya,” pakli ni Andrew E.
Maliit ang New Frontier Theater para sa venue ng first major concert niya, considering na noong Disyembre 1990 pa siya nag-umpisa sa local showbiz sa debut single niyang "Humanap Ka Ng Panget."
Napangiti si Andrew E, “May joke nga kami. Itong mangyayaring major concert is only a dress rehearsal. Di ba?
“Kumbaga, protruding to another bigger one.
“But then again, of course there can never be anything big than the first one… and yes, this is long overdue.
“For the longest time, imagine mo yung nagsimula ako ng career — single, no wife, no family, no children.
“At ang first major concert ko now, I got a family, I got three kids. Imagine! Imagine yung paghihintay!”
HIGH PRODUCTION BUDGET
Payanig daw ang production budget ng Ticket1 para sa kanyang first ever major concert! Ang TF niya, hindi pipitsugin!
“On behalf of Ticket1 siyempre, the convincing factor that Ticket1 gave me, was so high,” pagtatapat ni Andrew E.
“Na tipong, you know, money is very immaterial to anything, that’s first, di ba?
“Lalo na kung ang offer mo is such a welcome offer na, you know, I can do whatever I like. Mapa-concept-wise, mapa-gimik-wise.
“Well, puwede ba nating aminin, sila yung unang you know, sumampa sa akin.
“Pagkakasundo na, ‘Let it all have it, Andrew. Let it all have it,’ sabi ni Boss Jonathan. ‘Let it all have it, and Ticket1 will support you all the way.’”
Nagra-rap ang tatlong anak ni Andrew E, at magpe-perform sila sa 1Time For Your Mind concert.
Read: Mga lumang kanta ni Andrew E., patok pa rin sa bagong henerasyon
GORGY RULA
Bale ika-34 anibersaryo na ni Andrew E sa showbiz sa darating na Disyembre.
May mga bagong io-offer ba siya sa 1Time For Your Mind, o itatanghal dito ang best of the best niya bilang veteran rapper?
“No, no, no, no, no, no! No, no, no, no, no!” pag-iling ni Andrew E.
“Let’s break it down to pieces. Number one, hindi ba for more than thirty years na, nasanay tayo sa Manila, sa Philippines, pag may nagme-major concert, nagga-grand concert…
“Di ba, nasanay tayo na the artist talks to the people. And then kanta-kanta. Then, ‘Nag-enjoy ba kayo?’
“And then, you know, ‘OK ba kayo?’ And then, ‘My last song, you want more?’ Yun yung linya palagi.
“This time, it will be so different. Kumbaga, ii-introduce ko ang concert public to the House of Andrew E wherein everything will be so different.
“Na akala mo, ‘Wait! Ito yung concert na ano…’ No, no, no. No! Walang offing ito to anything.
“Meaning to say, wala itong pinagmulan na kahit saang concert. Wala. So the moment na manood ka nito, you will say, ‘Wow! We got introduced to a different kind of entertainment.’
“Yun ang pinag-usapan namin ni Ticket1, ni Boss Jonathan. Yun ang pinag-agree-han namin, at the only way I can sit down and sign, and do the major concert, is kapag meron akong basbas na ganun.
“Kasi kung wala, I can’t do it. I mean, you know, how can I do it kung ang gagawin ko lang ay yung nagawa na?
“How can I entertain the people, kung na-entertain na kayo ng dating ginagawang ganun?
“So everything will be new, and in fact… sa totoo lang, puwede ko nang aminin… na walang spiel-spiel dito. There will be no spiel. You will be introduced to a different kind.
“Well, maybe merong makakasilip na, ‘Wait, lemme think about it. One time, siguro 10 years ago, or 15 years ako, nakapanood ako ng isang ganyan sa Las Vegas.’ Maybe.
“Pero yung dito mo… no. Kasi dito, you know, ang mahalaga sa performer sa Pilipinas, yung kakausapin mo yung tao.
“You spiel to your segment, you spiel to your song. No. Kumbaga you will be entertained from top to bottom, start to finish, without expecting the previous concert na pinanoodan mo.
“And you will say, ‘Wait, wait, wait! Nasaan na ako?’ Nag-uumpisa pa lang, ‘Wait, wait! Nasaan na ako?’ O, nasa gitna na kami, ‘Wait, wait, wait! Nasaan na ako?’
“So you will get lost. You will get lost.”
Read: Andrew E. denies acquiring two sports cars after campaigning for BBM-Sara
NOEL FERRER
Mahigit dalawang dekada nang concert producer si Jonathan Wee.
Naipagprodyus niya ng concert sina Ogie Alcasid, Apo Hiking Society, Jon Santos, Nanette Inventor, at Mitch Valdes.
Sold out ang iprinodyus niyang concert ng Neocolours noong Abril 13, 2024 sa Music Museum sa Greenhills, San Juan, Metro Manila.
Pinamagatan iyong Tuloy Pa Rin Ang Awit ng OPM, at panauhin doon sina Gloc-9, Noel Cabangon, Ice Seguerra, at Jinky Vidal.
Si Jonathan din ng Ticket1 Concerts ang producer ng ALL HITS: Just The Way You Want It na gaganapin sa Hulyo 11 sa The Theatre at Solaire.
Magsasanib-puwersa rito ang Rivermaya, NeoColours, at MYMP. Panauhin sina Geneva Cruz, Lloyd Umali, Wency Cornejo, at Jon Santos.
Ang Ticket1 travel agency ay merong 50+ na sangay nationwide.
Para sa ALL HITS: Just The Way You Want It concert, ang manonood ay may chance magwagi ng Roundtrip Airline Tickets sa Bangkok, Ho Chi Minh, Hong kong, Kuala Lumpur, Singapore, Seoul, Taipei, o Tokyo.
Per DTI Fair Trade Permit No. FTEB-194075 Series of 2024. See Ticket1 or Ticket1 Concerts' Facebook page for more details.