JERRY OLEA:
7-7-7-7! Ngayong Hulyo 7, 2024, Linggo ng 7:00 p.m. gaganapin ang 7th The EDDYS (Entertainment Editors' Choice) ng Society of Philippine Entertainment Editors (SPEEd).
Sosy ang venue, ang Ceremonial Hall ng Marriott Grand Ballroom, Newport World Resorts sa Pasay City. May red carpet ng 6:00 p.m., na iho-host ni Mr. Fu.
Modern Filipiniana ang motif ng awards ceremony, na iho-host nina Janine Gutierrez, Gabbi Garcia, at Jake Ejercito.
Ito ay sa direksyon ni Eric Quizon, na siya ring nagdirek ng The EDDYS last year.
7th EDDYS PERFORMERS
Performers sina Jed Madela, Ogie Alcasid, RAMPA Reynas, at ang mga baguhang mang-aawit na sina Elisha Ponti at Andrea Gutierrez.
AWARDEES
Pagpupugayan bilang Icons ng local movie industry sina Nova Villa, Leo Martinez, Lito Lapid, Eva Darren, at Gina Alajar.
Isang posthumous award ang ibibigay sa comic strip creator, movie producer at direktor na si Carlo J. Caparas.
Kikilalanin bilang Box-Office Heroes sina Dingdong Dantes, Marian Rivera, Alden Richards, Julia Montes, Kathryn Bernardo at Piolo Pascual na malaki ang ambag sa muling pagbangon ng Philippine movie industry.
DELAYED TELECAST ON JULY 14
Mapapanood ang kabuuan ng awards night sa delayed telecast sa ALLTV sa Hulyo 14, Linggo ng 10:00 p.m.
Ang Brightlight Productions ang line producer ng awards night.
Sa pakikipagtulungan ng Newport World Resorts at ALLTV, kasama pa rin ng SPEEd sa pagtatanghal ng The 7th EDDYS ang Globe Telecom at iFern/Kim's Diary bilang major sponsor.
Katuwang ng grupo ngayong taon si DILG Secretary Benhur Abalos, Mayor Albee Benitez, Beautéderm ni Rhea-Anicoche Tan, Unilab, Frontrow, Kat Corpus Atelier, Sen. Chiz Escudero, Sen. Bong Revilla, Camille Villar, Sen. Nancy Binay, former Ilocos Sur Governor Chavit Singson, Emelette Gorospe, Rowena Gutierrez, Kamiseta, Casa Juan, at ang Echo Jham Entertainment Production.
Read: DJ Mo claims Angelicopter dumped him on their wedding anniversary
NOEL FERRER:
Magtatagisan sa 7th The EDDYS ng SPEEd ang mga de-kalibreng pelikula na ipinalabas sa mga sinehan at online platform noong 2023.
Ang limang nominado sa kategoryang Best Film ay ang About Us But Not About Us, Firefly, GomBurZa, Iti Mapukpukaw, at Mallari.
Nominado sa kategoryang Best Director sina Derick Cabrido (Mallari), Pepe Diokno (GomBurZa), Zig Dulay (Firefly), Jun Robles Lana (About Us But Not About Us), at Carl Joseph Papa (Iti Mapukpukaw).
Magpapatalbugan sa pagka-best actress sina Kathryn Bernardo (A Very Good Girl), Charlie Dizon (Third World Romance), Julia Montes (Five Breakups And A Romance), Marian Rivera (Rewind), Vilma Santos (When I Met You In Tokyo), at Maricel Soriano (In His Mother’s Eyes).
Nominado sa Best Actor category sina Elijah Canlas (Keys to the Heart), Dingdong Dantes (Rewind), Cedrick Juan (GomBurZa), Piolo Pascual (Mallari), Alden Richards (Five Breakups And A Romance), at Romnick Sarmenta (About Us But Not About Us).
Para sa kategoryang Best Supporting Actress, nominado sina Dolly de Leon (Keys to the Heart), Alessandra de Rossi (Firefly), Gloria Diaz (Mallari), Gladys Reyes (Apag), at Ruby Ruiz (Langitngit).
Sa Best Supporting Actor category magkakatunggali sina Enchong Dee (GomBurZa), Keempee de Leon (Here Comes The Groom), Nanding Josef (Oras de Peligro), Roderick Paulate (In His Mother’s Eyes), at JC Santos (Mallari).
Ang SPEEd ay binubuo ng mga current at former entertainment editors ng mga leading broadsheets, tabloids at online portals sa bansa.
Ang kasalukuyang presidente ng SPEEd ay si Salve Asis ng Pilipino Star Ngayon at Pang Masa.
Ang Internal Vice President ay si Tessa Mauricio-Arriola ng The Manila Times, at ang External Vice President ay ang ka-Troikang Jerry Olea.
Kabilang pa sa officers sina Gerardine Fe Trillana ng Malaya Business Insight, Maricris Nicasio ng Hataw, Dondon Sermino ng Abante, Dinah Ventura ng Daily Tribune, Nickie Wang ng Standard Today, Ervin Santiago ng Bandera, at Rohn Romulo ng People’s Balita.
Founding members/advisors sina Eugene Asis ng People’s Journal, Ian Fariñas ng People’s Tonight, at Isah V. Red (RIP).
Consultants sina Nestor Cuartero ng Manila Bulletin at Tempo, at Dindo Balares ng Balita.
Board members sina Neil Ramos ng Tempo, Nathalie Tomada ng Philippine Star, Bobby Requintina ng Manila Bulletin, at Rito Asilo ng Philippine Daily Inquirer.
Associate members sina Jun Lalin ng Abante, Janiz Navida ng Bulgar, at Anna Pingol ng Pika Pika.
Read: WHAT PEP KNOWS: Is Dominic Roque courting Kathryn Bernardo?
GORGY RULA:
Itong EDDYS Awards ang hindi talaga nakakakuha ng leakage. Nakakaloka sila!
Sobrang higpit ng auditing firm nila na pinangungunahan ni Mr. Juancho Robles.
Hanggang sa pagsisimula ng awarding ay hawak niya ang envelope at walang makakasilip kung sino ang wagi.
Kaya bilang talent coordinator nito ngayong gabi, ipinapanalangin ko na lang na sana present iyung winners at kahit paano mabigyan naman ng magandang moment ang ilang makakadalong nominees na hindi na makakaakyat ng stage.
Nagpasalamat na rin ako sa Sparkle ng GMA Artist Center, na pinangungunahan ng Vice President nilang si Ms. Joy Marcelo, dahil napaka-accomodating niya sa lahat na pakiusap naming ipahiram ang ilang artists ng kanilang talent management arm.
Dadalo rin ang presidente ng AKTOR (League of Filipino Actors) na si Dingdong Dantes, bilang suporta na rin sa ganitong parangal para sa ating movie industry.
Isa rin siya sa pararangalang Box-Office Hero at nominado sa Best Actor category.
Napaka-cooperative rin ng ibang talent managers para padaluhin ang kanilang mga artista para maging presenter ng iba’t ibang category.
Hindi personal na nakuha nina Janine Gutierrez at Elijah Canlas ang kanilang best actress at best actor award last year, kaya bibigyan din sila ng moment ngayong gabi para magpasalamat sa parangal na natanggap nila.
Pero si Elijah ay lalaban uli ngayong gabi sa Best Actor category.
Congratulations sa grupong SPEEd na malalagpasan na nila ang 7-year itch ng kanilang samahan!