JERRY OLEA
Tungkol sa isang batang bingi na biktima ng pang-aabuso ang pelikulang The Hearing, isa sa sampung feature-length films na magko-compete sa 20th Cinemalaya filmfest sa Agosto 2-11, 2024 sa Ayala Malls Manila Bay.
Si Mylene Dizon ang gumanap na ina ng paslit na inabuso.
Read: Highlights and sidelights of Cinemalaya 2023 awards night
Kabilang sa Cinemalaya entries ni Mylene before ang 100 (2008) kung saan nag-best actress siya, Aparisyon (2012), Marikina (2014), at Belle Douleur (2019).
Kumusta ang pagbabalik-Cinemalaya?
“Well, Cinemalaya is a very comfortable scene, kumbaga, for me,” sabi ni Mylene sa mediacon ng Cinemalaya 2024: Lalim, Loob, Lakas nitong Hulyo 10, Miyerkules, sa Metropolitan Theater, Ermita, Manila.
“Simula pa lang ng 100, nandito na ako and it’s very welcoming. It’s always nice to be back.
“It’s always nice to do a film for Cinemalaya because we all know that it’s somebody’s dream project.
“And of course, I’d like to be part of that dream to come into fruition.”
Ngayon pa lang ay may mga nagru-root na upang mag-best actress muli siya sa Cinemalaya.
Napakunot-noo si Mylene, “Wala na yung ganun! Walang ganunan! We are here for the filmmaker’s art. We are here for the filmmaker’s project.
“This is not about winning awards. It’s about dreams becoming true.”
NOEL FERRER
Ang direktor ng The Hearing ay si Lawrence Fajardo, na isa sa mga direktor ng Kapamilya teleseryeng Pamilya Sagrado kung saan kabilang si Mylene Dizon.
Nagustuhan ni Mylene iyong istorya ng The Hearing.
“Nung kinuwento ni Direk Law sa akin, I really, really wanted to be part of it. I thought it was a very moving and important project to do lalo na ngayon,” pagtatapat ni Mylene.
Nahirapan pa ba siya sa role na iyon? O minani na lang niya?
“Hindi! 'Day, nagke-cleansing ako ngayon dahil napagod ako nang husto,” bulalas ni Mylene.
“It was very, very tiring. We had only seven days to shoot. And we really put our hearts into this kaya how can you say ‘no’ to Direk Law?
“When you see the film, it’s very, very emotionally taxing.”
MYLENE DIZON VS MARIAN RIVERA FOR BEST ACTRESS?
Sabi-sabi, mahigpit na kalaban niya si Marian Rivera ng Balota para mag-best actress sa Cinemalaya 2024.
Read: Marian Rivera no body double in fight scenes in Balota
Napatili muli si Mylene, “Walang ganyanan! Walang ganyanan! We are here for the film. We are here for the project.”
Mas exciting pag may ganyang tunggalian, di ba?
“For you guys probably. For us, it’s not exciting. That’s pressure!”
Ang maganda lang, sa kabila ng komersiyo sa paggawa ng teleserye, may mga artistang tulad ni Mylene na nakukuhang gumawa ng Cinemalaya entry para sa sining at para sa kaluluwa.
GORGY RULA
Maganda ang relasyon nina Paolo Paraiso at Mylene Dizon bilang co-parents sa dalawa nilang anak, ang 19-anyos na si Tomas at 15-anyos na si Lucas.
Pahayag ni Paolo sa premiere night ng pelikulang Karma noong Hunyo 18, 2024 sa SM North EDSA, Quezon City, “I’m thankful na si Mylene, over the years, yung relationship namin ni Mylene, co-parenting, it works.
“It worked with us. Pero ngayon na matanda na sila… parang nakakagulat. Tomas graduated last week.
“Kami ni Mylene, nag-attend kami. Naiyak si Mylene, ‘Nakapagpalaki tayo ng ganito.’ So, yeah, nakakatuwa siya.
“Hindi ko rin akalain. Sabi ko nga, parang magka-age na kami. Ha! Ha! Ha! Ha! Ha! Parang hindi ako tumatanda, feeling ko. Ha! Ha! Ha!”
Read: OMB board member Paolo Paraiso, namroroblema sa piracy
Friends sina Paolo at Mylene, na may kani-kanya nang partner sa buhay.
Dagdag ng aktor, “When we had Tomas, usapan talaga namin, if ever maghihiwalay kami, magiging co-parents kami. Simula pa lang, malinaw na yon.
“Na if ever hindi tayo mag-work, we’ll be there for our kids… So through the years, yun ang naging paninindigan naming dalawa. If ever magkainisan kami, isipin na lang si Tomas at si Lucas.
“I commend Mylene with all my heart because napakagaling niyang nanay sa mga anak ko.
“Every Mother’s Day, I send her special text. My, I appreciate…”
Read: Paolo Paraiso gives a peek into his life as a dad
MYLENE DIZON ON CO-PARENTING
Ano ang masasabi ni Mylene sa papuri sa kanya ng ex niyang si Paolo bilang ina nina Tomas at Lucas?
“Pinaghirapan ko naman. Lagi ko namang sinasabi sa inyo na talagang my children are very important to me,” sambit ni Mylene.
“And how I raise them is very important. Ito na lang ang legacy na maiiwan ko sa kanila.”
Ano ang thoughts niya sa co-parenting?
Sagot ng aktres, “It’s very healthy kesa naman yung unhealthy relationship kung saan lumalaki ang mga bata.
“Co-parenting kung mas magiging harmonious for the child, we are all for co-parenting!”
Ampogi-pogi ni Tomas. Bet ba ng binata niya na mag-artista?
Napailing si Mylene, “Hindi type mag-artista ng mga anak ko!”
Read: Mylene Dizon on marriage: "It’s not for me, it’s not just for me."