JERRY OLEA
Diretsong ipinalabas sa Netflix umpisa Mayo 3, 2024 ang pelikulang Pula na tinampukan nina Coco Martin, Julia Montes, at Raymart Santiago sa direksiyon ni Brillante Mendoza.
Hindi na iyon nag-theatrical release.
Read: Coco Martin-Julia Montes movie na Pula, diretso sa Netflix
Ganun din ang isa pang pelikula ni Direk Brillante, yung Moro nina Piolo Pascual, Baron Geisler, at Laurice Guillen.
Mag-i-streaming na ito sa Netflix (Asia-Pacific region, kabilang ang Pilipinas) umpisa Hulyo 19, Biyernes.
Bakit nag-Netflix agad ang Moro at hindi muna ipinalabas sa local cinemas?
“Paano ko ba sasabihin ito, bakit Netflix?” sambit ni Direk Brillante matapos ang special screening ng Moro noong Hulyo 14, Linggo ng gabi, sa Victoria Sports Tower, EDSA, Quezon City.
“Napaka-sad ng ating situation ngayon, 'no. Ang reality ngayon sa mga theaters at saka…
“Alam naman natin, ang mga pelikulang ipinapalabas, so I don’t know if you’re aware. Ano na ngayon, July?
“Mula January right after ng Metro Manila Film Fest hanggang ngayon, wala pang isang pelikula na… o really, parang… pinanood ng mga audience, 'no. Wala pa.”
Pelikulang Pinoy ang tinutumbok ni Direk Brillante.
LOCAL FILMS IN LOCAL THEATERS
Rumatsada sa takilya ng bayang magiliw ang American animated film na Inside Out 2.
Nag-resonate sa Pinoy audience ang Thai film na How To Make Millions Before Grandma Dies, na exclusively sa SM cinemas nag-showing.
Pagpapatuloy ni Direk Brillante, “So, medyo sad yon, 'no. Medyo sad yon. So inasmuch as gusto ko siyang mapanood ng mga tao sa sinehan, parang…
“As a producer kasi, malaki ang gagastusin mo, e. Hindi lang naman yung para maipalabas mo siya.
“Dadaan ka sa distribution. Dadaan ka sa, alam mo yun, sa promotion. Malaking gastos yon.
“And usually, halos yung ginastos mong yun, hindi mo pa makukuha, e, sa kikitain ng film.
“Especially kung one week lang siya. Suwerte ka na kung maka-one week ka, okay? Normally mga five days yan.
“Pero, generally, one day or two days lang pinapalabas sa mga sinehan, okay, regardless whether it’s mainstream or indie. That is the sad reality.
“Kung sana, mabago natin, di ba? Siyempre ang Netflix, on the… parang lighter side, advantage naman ng Netflix, maraming makakapanood.
“Hindi lang dito sa Pilipinas kundi sa ibang bansa, which is actually very encouraging naman.
“The only advantage naman ng sinehan is that eto, yung ganitong experience, di ba? Nasa cinema ka. Tama yung audio mo, okay.
“Siyempre, pag Netflix film, di ba, nanonood sila sa cellphone. Sa laptop. So, parang nakaka-sad din yon, di ba?
“Kasi kaming mga production, pinaghirapan namin yan, di ba? Kahit na sa post-production, talagang hindi ko binibitawan yan. Ultimo yung maliit na sound ng baril, you know.
“And the music. Everything kailangan nakaano yan… measured. Measured. The color, andiyan si Ody [Flores], yung aming cinematographer.
“In-invite ko siya dito, kasi gusto kong makita niya yung trabaho niya on a big screen, hindi sa cellphone. Or sa gadget, 'no.
“Kasi dun ka lang nagiging proud, e, as an artist, di ba? Dun ka lang natutuwa. Yung parang, ‘Hindi nasayang ang oras ko! Hindi nasayang yung hirap ko.’
“Parang it’s all worth it.”
Read: Direk Brillante Mendoza optimistic for Moro's Netflix run
UPCOMING LOCAL FILMS/SERIES ON NETFLIX
Streaming na rin sa Netflix Philippines umpisa Hulyo 19, Biyernes, ang Cinemalaya 2022 entry na 12 Weeks, kung saan bida si Max Eigenmann.
Hulyo 26, Biyernes, mag-uumpisang mag-streaming sa Netflix ang advance episodes ng Kapuso primetime series na Pulang Araw, starring Alden Richards, Sanya Lopez, Barbie Forteza, David Licauco, and Dennis Trillo.
Hulyo 29 naman ang streaming ng MMFF 2023 entry nina Vilma Santos at Christopher de Leon na When I Met You In Tokyo.
Sa Agosto 1 ang streaming ng pelikulang Men are from QC, Women are from Alabang starring Marco Gallo and Heaven Peralejo.
At sa Agosto 7 ang streaming ng pelikulang Lolo and The Kid nina Joel Torre at Euwenn Mikaell.
GORGY RULA
Nagkomento si Direk Laurice Guillen kaugnay sa diretsong pagpapalabas ng Moro sa Netflix, sa halip na ipalabas muna sa mga sinehan.
Pahayag ni Direk Laurice, “Looking at all these years of being in film, and having made films myself, and more than half of my films I can’t even see anymore.
“Kasi hindi natago, especially during the time when we’re using celluloid and not really katulad ngayon na, you know, it’s digital already.
“So, whether it’s sa sinehan o sa Netflix or some streaming platform, the point is that the film was made, and it’s there.
“And it can be shown again in the theatre in the future when the trend, alam mo naman ang mga trends, paanu-ano lang yan, pabagu-bago lang yan with years, you know, with the coming years.
“So, I’m so glad na this film was made. I consider it one of my best works, if not my best work as an actress.
“And it’s a gift na I’m so thankful for. I don’t want to get greedy and say, ‘Kunin mo uli ako, ha, next time?’
“I don’t want to get greedy pero, yon, I’m so glad na it landed on my lap.”
Inusisa rin si Piolo Pascual kaugnay sa straight-to-streaming ng mga pelikulang Pinoy.
Sabi ni Piolo, “Me as a producer, I’m all for streaming because, you know, you get to at least recoup your money.
“Kasi pag nag-theatrical ka, chances are hindi ka sigurado kung makakabalik yung investment, may ROI ka o wala.
“So the easiest way out is go streaming. I mean, you know, it’s the norm right now.
“So para sa akin, gagawa ako ng pelikula pero hindi ko iri-risk ipalabas kung hindi siya tentpole. Kung hindi festival. Kailangan talaga, tentpole.”
By the way, maliban kina Direk Brillante, Direk Laurice, Piolo at Baron, dumalo sa special screening ng Moro sina Direk Chito S. Roño, Iñigo Pascual, Kyle Echarri, Felix Roco, Kirst Viray, Nikki Valdes, Alvin Anson, Onyl Torres, at Rolando Inocencio.
Read: Piolo Pascual switches roles with Baron Geisler in Moro
NOEL FERRER
Aabangan natin itong Moro sa Netflix, at sana kahit nasaang platform siya, papanoorin pa rin ng mga tao dahil maganda at nagkukunek talaga!
Bukas, Hulyo 16, Martes, ay ihahayag na ang first four or five na pelikula sa 50th MMFF based on scripts.
Manalangin tayo na sana’y magaganda ang mga ito at tiyak kokonek din sa mga kababayan natin enough para lumabas muli at manood sa sinehan mismo.
Muli, sa dinami-dami ng mga artista at taga-industriya ng pelikula na nasa Kongreso at Senado, sana’y mas matulungan pa natin ang pagpapasigla talaga ng ating industriya ng pelikulang Filipino!