JERRY OLEA
Nanood ako ng 1:00 P.M. IMAX screening ng Deadpool & Wolverine nitong Hulyo 28, 2024, Linggo, sa SM North EDSA, Quezon City.
PHP750 ang tiket doon, na may kasama nang meryenda. Pila-pila ang manonood.
Read: Deadpool & Wolverine, patok sa takilya kahit bumabagyo
Ikalawang IMAX screening na iyon for the day. Nauna ang 10:30 A.M. screening.
Pagkatapos ng screening, andami nang nakapila sa lobby para sa kasunod na screening. Ang saya-saya!
Mahigpit ang mga bantay sa takilya. R-16 ang MTRCB rating ng D&W.
Kagaya ng naunang dalawang Deadpool film ay irreverent ang comedy rito.
Kaya kung mukhang bata pa ang kasama, kailangang magpakita ng ID na may birthdate para patunayang at least 16 years old ang manonood.
Sa lobby ng IMAX cinema, bago papasukin sa mismong sinehan ang mukhang bagets ay kailangang ipakita rin ang ID.
MUST-WATCH BUDDY COMEDY
Sa mga masusugid na tagasubaybay ng MCU films, X-men films, Wolverine films, at Deadpool films, must watch ang buddy comedy na Deadpool & Wolverine.
Keber kung may bahid na nakaka-buddy’ng, ito’y nakakatuwa at nakakatawa at nakaka-Loki.
Swak na swak ang kanta ni Madonna na "Like A Prayer" (1989). Epic and refreshing.
Na-enhance lalo ang mga eksena sa liriko: “Life is a mystery/ Everyone must stand alone/ I hear you call my name/ And it feels like home
“When you call my name, it's like a little prayer/ I'm down on my knees, I wanna take you there/ In the midnight hour, I can feel your power/ Just like a prayer, you know I'll take you there
“I hear your voice/ It's like an angel sighin'/ I have no choice/ I hear your voice/ Feels like flying…”
Read: Deadpool & Wolverine: Odd pairing delivers gore and laughs to Marvel's universe
CAMEO APPEARANCES
SPOILER ALERT!!! Marvelous marvelous ang cameos at callbacks at easters eggs sa Deadpool & Wolverine! Meta moments overload! Chimichanga!
Kumaldag-kaldag si Deadpool sa iconic dance moves ng NSYNC sa kantang "Bye Bye Bye" (2000).
Totoo bang dobol si Dancepool?
May reference kay Furiosa ng Mad Max saga.
Merong singsing na Infinity Stone, at merong pa-shawarma.
Markado ang cameo ni Chris Evans bilang Johnny Storm/Human Torch ng Fantastic Four. Silang tatlo nina Ryan Reynolds at Hugh Jackman ang nasa post-credit scene.
E, di ba, si Chris Evans ang pogilicious yummylicious Steve Rogers/Captain America sa Marvel Cinematic Universe (MCU)?
Multiverse kung multiverse, Deadpools and Wolverines galore!
Sa mga variant ni Wolverine, takaw-pansin si Henry Cavill bilang Cavillrine. E, di ba, si Henry Cavill ay gumanap bilang yummylicious pogilicious Clark Kent/Superman sa DC Extended Universe (DCEU)?
Mas marami ang variants ni Deadpool, sa pangunguna ni Nicepool na ginampanan din ni Ryan Reynolds, pero credited as Gordon Reynolds.
Ang characteristics ni Nicepool — nice as in mabait at friendly, long-haired, makisig, hindi nagmamaskara, at hindi nagre-regenerate.
Nakatira si Nicepool sa Void, kung saan kasa-kasama niya si Dogpool aka Mary Puppins. (Kilala kaya ng Millennials, Zoomers, at Generation Alpha si Mary Poppins?)
Ang army ng Deadpool Corps ay pinangungunahan ni Lady Deadpool. Kabilang sa members niyan sina Kidpool, Babypool, Headpool, The Deadpool Kid o Cowboy Deadpool, Welshpool, Canadapool, Watari aka Roninpool, Deadpool 2099, Kingpool, Golden Age Deadpool, Piratepool, Zenpool, among others.
More and more and more ang mga paandar o pauga o pautot na kung iisa-isahin ko ay aabutin tayo ng siyam-siyam.
May archival footage ni Thor (Chris Hemsworth). Kung anu-ano ang naka-display sa office ni Happy Hogan (Jon Favreau).
Nasa Void din sina Elektra (Jennifer Garner), Blade (Wesley Snipes), Gambit (Channing Tatum), at Laura/X-23 (Dafne Keen).
Andiyan sina Hulk, Victor Creed/Sabretooth, Toad, Pyro, Callisto, Azazel, Juggernaut, Lady Deathstrike, Psylocke, The Russian, smoky monster na Alioth, at Hunter B-15 (Wunmi Mosaku) na lider ng Time Variance Authority (TVA).
And sir, yes, sir! May appearance sa Deadpool & Wolverine si Stan Lee!
NOEL FERRER
Ang running time ng Deadpool & Wolverine ay 2 oras, 7 minuto, 45 segundo.
SPOILER ALERT!!! Ang mga dahilan kaya R-16 ang nakuha nitong rating ay ipinaliwanag sa Facebook page ng MTRCB:
“The film Deadpool and Wolverine has been rated R-16 due to its mature content across several categories. This rating restricts viewership to those 16 years of age and older. The justification for this rating is as follows:
“1. Theme. The movie explores complex and mature themes including: Revenge and its consequences, Loss and grief, Moral ambiguity and anti-heroism, Family and belonging.
“These themes are presented in a way that requires emotional maturity and critical thinking skills more developed in older teenagers and adults.
“2. Language — Pervasive use of strong language throughout the film, including: Frequent profanity, Sexual references and innuendo, Crude humor.
“While often presented in a comedic context, the frequency and nature of the language is deemed inappropriate for viewers under 16.
“3. Nudity/Sex — The film contains: Sexual references and innuendo, Suggestive content and sexual humor.
“4. Violence. Intense and frequent violent content, including: Graphic depictions of bodily harm, Bloody and gory scenes, Stylized and exaggerated combat.
“Although much of the violence is presented in a comic book style and often played for comedic effect, its graphic nature and frequency may be disturbing to younger viewers.
“5. Horror. While not primarily a horror film, Deadpool and Wolverine contains: Some intense and potentially frightening scenes, Graphic depictions of injuries and mutilations.
“The film's approach to these elements, while often humorous, requires the maturity to distinguish fantasy from reality.
“6. Drugs — The movie includes: References to drug use, Scenes depicting alcohol consumption.
“While not glamorized, the presence of such content requires viewer maturity to understand its context within the narrative.”
Kasabay ng Deadpool & Wolverine na nag-open sa local cinemas noong Hulyo 24, Miyerkules, ang All My Friends Are Dead, at Sagrada Luna nina Rash Flores at Alexa Ocampo. R-16 din ang MTRCB rating ng mga ito.
Ayon sa website ng Click The City, sa Hulyo 31, Miyerkules, nakatakdang mag-open sa local cinemas ang Trap, Mother Teresa & Me, Consumed, Black Pink World Tour [Born Pink], Blue Lock The Movie - Episode Nagi, at How To Slay A Nepo Baby starring Sue Ramirez, Barbie Imperial, and Phi Palmos.
Sa Agosto 2-11 naman ang Cinemalaya Bente: Loob Lalim Lakas, kung saan more or less 200 films ang ipapalabas sa Ayala Malls Manila Bay, Greenbelt, Trinoma, UP Town Center, at Market Market.
Read: 20th Cinemalaya opening film, ipapalabas sa apat na sinehan
GORGY RULA
Dala ng word of mouth, lalo pang lumakas itong Deadpool & Wolverine.
Ang unang estimate nila ay halos maka-PHP160M ito mula Miyerkules hanggang Linggo, Hulyo 24-28.
Mas malakas pa pala! Dahil umabot na raw ng PHP185M ang kinita nito sa loob ng limang araw pa lamang sa mga sinehan sa Pilipinas.
Kahit rave na rave sila at ayaw tumigil ang pag-hallelujah ni Sir Jerry sa pelikulang ito, hindi pa rin ako interesadong panoorin ito.
Hindi pa rin nawawalan ng pag-asa ang movie producers natin na patuloy pa ring gumagawa ng pelikula.
Ang iba nga, nagdodoble na sa paggawa ng pelikula. Meron silang pang-cinema, meron din silang ginagawang pang-streaming.