GORGY RULA:
Sa edad na 62 ay bukas pa rin sa posibilidad na magpapakasal si Martin Nievera sa non-showbiz long-time partner niyang si Anj del Rosario.
Madalas na nakakasama ni Martin si Anj sa mga pinupuntahan niya. Sa mga presscon na dinadaluhan niya ay nandiyan lang si Anj, tahimik lang ito at magiliw naman sa entertainment press na malapit sa concert king.
Pero hindi siya napapag-usapan at minsan ay iniiwas siyang pag-usapan.
Pero sa nakaraang media conference ni Martin para sa The King 4ever concert na ginanap sa Sky Bar ng Solaire Resort North nung Biyernes, August 16, tinanong siya kung may plano na rin ba silang magpakasal sa darating na araw.
MARTIN, BUKAS PA RIN SA POSIBILIBAD NG PAGPAPAKASAL KAY ANJ
Kaagad namang sinagot ni Martin na hindi imposible na darating ang araw na magpapakasal sila ni Anj.
Aniya, “I’m not against marriage. I see it in our future. I’m with this woman for the longest time, that she’s giving me happiness beyond happiness.
“And she made me the man I am today. So settled, so calm, so at ease, not in a rush to do anything. But I’m… we can get married one day. I don’t see it not happening, put it that way.
"I’m not against it.”
Habang sinasabi iyon ni Martin ay bini-video siya ni Anj. Napangiti na lamang siya nang bumaling na sa kanya ang camera ng ilang press.
“Get used to the camera, sweetheart. Welcome to my world,” sabi ni Martin sa kanya.
“She completes me,” dagdag ni Martin.
Ang The King 4ever concert ni Martin ay nakatakda sa September 27 sa Smart Araneta Coliseum, sa ilalim ng produksyon ng A Team ni Ogie Alcasid at ng IME ni Cacai Velasquez-Mitra.
Co-presentor nila rito ang MWell na nakiisa sa 42nd anniversary celebration ni Martin Nievera.
Read:
Martin Nievera opens up about relationship with Anj del Rosario
JERRY OLEA:
Pagkatapos ng Q&A sa mediacon ay nag-follow up interview pa ang PEP Troika kay Martin tungkol sa balak niyang pagpapakasal kay Anj.
MARTIN, SINABING DESERVE NI ANJ NG KANYANG SARILING 'MOMENT'
Hindi naman daw nila ito itatago. Pero gusto niya, si Anj ang masusunod dito, dahil siya raw ang bida sa araw na iyon.
Dapat ay naka-focus daw sa kanyang magiging bride ang espesyal na araw na iyun.
“Our relationship is always been about me. And I think it’s time that she gets her moment. In our history so far, she hasn’t been asking about it. That’s why our relationship works.
“She doesn’t want to have that storybook wedding. She knows I have a very big load on my shoulder with my family. I’m still very close to my exes. I’m still raising children with my exes.
“So, she knows very well that it would be selfish of her to just think of herself. That’s what makes her the most beautiful person of my life—that she’s so understanding.
“But her time has to come where she walks that aisle, small aisle, maybe the beach… that we don’t know.
“I would like to give her a proposal that’s unforgettable.
“Do I see it in the near future? I don’t think I can wait too long, I’m 62. I don’t want to walk down the aisle with walker in the hand. I don’t want to be like that.
“I can’t tell you when. I don’t know when. But when the feeling is right, she will know first, you will know second,” saad ni Martin.
Read:
Martin Nievera recounts the time he said "I love you" to an American singer
NOEL FERRER:
Ano kamo ang dream wedding ni Martin para kay Anj? Kay Anj pa rin daw iyon kung ano ang gusto nito.
Ani Martin, “It’s a wish whatever, she goes first. ‘Sure sweetheart! You want an elephant, come on! Let’s get an elephant! It’s your day!’
“But my ideal one is very private. Coz, we’ve never been showbiz. You only know about it today.
“So, it would be wrong for me to over produce a wedding or a proposal whatever and make it all showbiz, all about social media. That’s one thing I don’t think we should do.”
Sinundan pa rin ng tanong kung sino ang gusto niyang kumanta sa kanilang wedding.
“If Michael Buble is available, I’ll take it!” pakli ni Martin.
Akala namin, joke lang iyun ni Martin. Pero ang sabi ni Ogie, magkumpare pala sina Martin at Michael Buble.
Pero masaya raw siya para kay Martin, at sana nga ay matupad ito lahat para sa kanyang kaibigan.
“I think the way they are right now, and sabi nga niya, they are a blended family. That’s not a surprise anymore, that they ended up that way.
“I’ll be most happy for them, for all of them if that happens. Kasi kami pinagdaanan na namin yan, di ba?
“Nag-asawa na si Michelle. Kami nag-asawa na. Ang wala lang ako, apo. Wala pa akong apo,” pagtukoy ni Ogie sa kanyang ex-wife na si Michelle Van Eimeren.
Read:
Martin Nievera, ikinuwento na nakita na sa wakas ni Pops Fernandez ang kanilang unang apo