Trigger Warning: Graphic description and mention of sexual harassment, sexual abuse, rape
GORGY RULA
Na-release na sa detention facility ng senado ang writer-director na si Jojo Nones ngayong Miyerkules, Agosto 28, 2024.
Pagkatapos ma-detain ng sampung araw, pinirmahan ni Senate President Chiz Escudero ang release order ni Nones. Ang release order ay hiniling ni Senator Robin Padilla, ang chairman ng Committee on Public Information and Mass Media.
Na-detain si Nones matapos siyang patawan ng contemp order ni Senator Jinggoy Estrada sa senate hearing na isinagawa noong August 19.
Read: Jojo Nones cited in contempt by Senator Jinggoy Estrada
NONES'S HANDWRITTEN LETTER TO SENATOR ESTRADA
Bago ang kanyang release ay nagpadala muna ng handwritten letter si Nones kay Senator Estrada, kung saan humingi siya ng paumanhin sa inasal niya sa hearing noong nakaraang Martes.
Hindi napigilan ni Nones na makipagtalo kay Senator Jinggoy dahil sa hindi niya pagsagot sa ilang katanungan ng senador.
Read: Sandro Muhlach, idinetalye ang naranasan umanong pang-aabuso
Bahagi ng sulat ni Nones sa senador: “I recognize that my words and tone may have come across as disrespectful, and I deeply regret allowing my emotions to get the best of me.
“The anxiety and stress I’ve been experiencing due to my detention unfortunately clouded my judgment, and I did not express myself in the manner intended. Please know that it was never my intention to be disrespectful to you or the Senate.”
Tinanggap naman ni Senator Jinggoy ang kanyang apology kaya hindi na nito kinontra ang release order kay Nones.
Post ni Senator Jinggoy sa Facebook at Instagram nitong Wednesday night, “Sa muli naming personal na paghaharap kanina, matapos ko matanggap ang kanyang letter of apology kung saan nanghihingi siya ng paumanhin sa kawalan niya ng galang sa pagsagot sa aking mga katanungan sa Senate hearing nitong Martes, kinatigan ko na ang kanyang release order.
“Isinaalang-alang natin ang kanyang kalagayan para payagan na siyang makaalis mula sa kustodiya ng Senado.”
Sinamahan si Nones ng kanyang legal counsel na si Atty. Maggie Abraham-Garduque na makalabas ng senado.
Read: Jojo Nones, nanindigang inosente sa mga paratang ni Sandro
NOEL FERRER
Narito ang statement ni Atty. Garduque sa release ng kanyang kliyenteng si Jojo Nones:
“We are very happy that Jojo is finally released from the Senate detention facility.
“At least now we can concentrate with the case pending before the DOJ. We thank you for all who prayed for Jojo.”
Aabangan na natin ang next level na, ang actual hearing ng kaso.
Read: GMA-7 headwriter Suzette Doctolero, pinuna sina Senator Jinggoy Estrada at VP Sara Duterte
JERRY OLEA
Hindi pa malinaw kung ang sinapit ba nina Sandro Muhlach, Gerald Santos, at unnamed male talent sa mga inakusahang taga-TV industry ay rape, sexual harassment, sexual exploitation, sexual abuse, acts of lasciviousness, o kung ano pa man.
Sa kaso ng unnamed male talent, inilahad niya noong Agosto 9, 2024 sa programang Wanted sa Radyo ni Senator Raffy Tulfo na isinubo umano ni Cliff Gingco ang kanyang private part, at pinahahawakan daw nito sa kanya ang ari nito.
Read: Talent accuses TV5 program manager of sexual harassment
SANDRO MUHLACH'S ORDEAL
Sa kaso ni Sandro, inilahad niya sa senate hearing nitong Agosto 27, Martes, na tinuruan daw siya ni Jojo Nones na suminghot ng white substance.
Kapagkuwan ay hinila raw ni Jojo si Sandro sa kama. Tinanggal daw ni Richard “Dode” Cruz ang polo ng young actor.
Sinipsip daw ni Dode ang dalawang nipple ni Sandro. Ibinaba naman daw ni Jojo ang pantalon ng panganay ni Niño Muhlach.
Hanggang doon lang ang naisalaysay ni Sandro.
Nang usisain ni Sen. Jinggoy Estrada kung naghalinhinan sina Jojo at Dode sa kanya, ang tugon ni Sandro, “Yes po, Your Honor.”
Read: Sandro Muhlach, idinetalye ang naranasan umanong pang-aabuso
GERALD SANTOS NAMES DANNY TAN IN RAPE ALLEGATION
Nasa Senate hearing din si Gerald nitong Martes.
Ibinunyag niya na ang musical director na si Danny Tan ang humalay umano sa kanya noong Disyembre 2005 na kinse anyos pa lamang siya.
Inusisa ni Senator Jinggoy si Gerald kung meron bang male-to-male penetration sa pagitan nila ni Danny. Minabuti ni Gerald na huwag muna iyong sagutin.
Read: Gerald Santos, pinangalanan na ang humalay umano sa kanya
Facebook post ni Senator Jinggoy matapos ang Senate hearing noong Martes, “Irerekomenda natin ang pagrepaso sa mga kasalukuyang batas sa sexual harassment para sa pagpapataw ng mas mabigat na parusa.
"Sa pagpapatuloy ng imbestigasyon ng Senado sa kaso ni Sandro Muhlach, napag-alaman namin na maraming TV network ang nakatanggap ng reklamong sexual harassment mula sa kanilang empleyado.
“Titiyakin natin na ang anumang uri ng pang-aabuso ay magkakaroon ng karampatang kaparusahan sa batas at walang sinuman ang maagrabyado.”
THREE SHOWBIZ SCANDALS
Dumulog ang kampo ni Sandro sa GMA management, NBI, at DOJ.
Dumulog ang unnamed talent sa TV5 management at sa NBI.
Pinag-aaralan pa ng kampo ni Gerald ang kanilang legal options.
Nakakaeskandalo na ang reklamo ni Sandro sa dalawang independent contractors na kagaya niya ay dumalo sa GMA Gala.
Mas tumindi ang isyu dahil sa pagsasalita ni Gerald, at lumutang din ang kaso ng unnamed talent.
Kumbaga, tatlong reklamo iyon na merong similarities, at meron ding differences.
Read: Sandro, Gerald, TV5 talent scandals pinagpipistahan ng publiko
May mga kilalang pulitiko sa “circus” na ito.
Humingi ng payo si Niño kina Senador Bong Revilla Jr. at Congresswoman Lani Mercado.
Sa unang hearing ay kasama pa si Senator Bong nina Senators Jinggoy Estrada at Robin Padilla.
Si Senator Raffy Tulfo ang pinagsumbungan ng unnamed talent.
Naghinaing ang unnamed talent na sobrang close si Cliff Gingco sa Kapatid executive na si Luchi Cruz-Valdes, na multi-awarded broadcast journalist.
Read: Raffy Tulfo calls out TV5 for sexual harassment complaint
Naghimutok si Gerald kaugnay sa loyal friend ni Danny Tan na female Kapuso executive.
Read: Gerald Santos speaks up about "sexual harassment" at 15
UNKNOWN VARIABLES
The mere fact na may unknown variables pa sa mga kaganapang ito ay nananatili itong interesting sa mga tao.
Lalantad ba ang unnamed talent na nag-akusa sa program manager ng Budol Alert na si Cliff Gingco?
Noong Sabado ng gabi, Agosto 24, ay umere pa sa TV5 ang programang Budol Alert. Hindi pa ba ito sisibakin?
Sino ang female Kapuso executive na loyal friend ni Danny Tan? Totoo bang hinarang niya at iba pang kakampi ang pag-usad ng career ni Gerald sa Kapuso Network?
May lalaking celebrity ba na susunod kay Ahron Villena at sasabihing na-exploit din siya ng isang pinagpipitaganang personalidad sa showbiz?
Read: Did Ahron Villena take a swipe at director Joel Lamangan?
History repeats itself.
Kung tama ang pagkaalala ko, dekada ‘80 nang ipagtapat ng isang local actress, “I was raped at 14.”
Kaagad-agad ay sumegunda ang isa pang aktres, “Ako rin!”
At makalipas ang dalawang dekada ay isa pang aktres ang nagpahiwatig na niluray rin ang kanyang puri sa edad na katorse.