GORGY RULA
Ilang araw munang magpapahinga ang GMA-7 independent contractor na si Jojo Nones pagkatapos niyang ma-detain ng sampung araw sa senado.
Nakalaya si Nones mula sa detention facility ng senado kahapon, Agosto 28. 2024.
Read: Jojo Nones, pinalaya na ng Senado makalipas ang sampung araw
Ayon sa legal counsel ni Nones na si Atty. Maggie Abraham-Garduque, hinayaan muna niyang magpahinga ang kanyang kliyente, kasama ang pamilya nito, dahil sobrang apektado raw ang physical at mental health nito.
“Hindi biro ang naidulot sa physical and mental health niya ng ten days detention sa senate,” text ni Atty. Maggie sa PEP Troika.
Ang isa pa niyang kliyenteng si Richard "Dode" Cruz ay nakalabas na raw ng hospital, pagkatapos nitong magka-gastro intestinal bleeding.
Pero ang payo raw ng doktor nito ay kailangan niyang mag-bed rest ng tatlo hanggang limang araw.
Sabi ni Atty. Maggie, baka next week ay kailangan na niyang maka-meeting sina Nones at Cruz dahil paghahandaan na nila ang isusumiteng counter affidavit.
Sa September 12 daw nila isusumite ang kanilang counter affidavit sa Department of Justice.
Read: Jojo Nones, Dode Cruz deny allegations of Sandro Muhlach
ON GERALD SANTOS'S COMPLAINT
Samantala, kinumusta rin ng PEP Troika kay Atty. Noel Malaya, ang legal counsel ni Gerald Santos, kung may nakahanda na ba silang isasampang reklamo laban kay Danny Tan.
Ang pangalan ng musical director ang binanggit ni Gerald na inakusahan niya ng panghahalay noong kinse anyos pa lamang siya.
Read: Gerald Santos, pinangalanan na ang humalay umano sa kanya
Sabi ni Atty. Malaya, pinag-aaralan pa niya, pero mukhang child abuse ang reklamong isasampa nila.
Pero napag-usapan nila sa nakaraang hearing na ang isa sa concern nila sa kasong child abuse ay ang prescriptive period, dahil nangyari ang sinasabi ni Gerald na umano’y panghahalay sa kanya 19 taon na ang nakaraan.
Pero masusi raw nila itong pinag-aaralan sa ngayon, sabi ni Atty. Malaya.
Read: Gerald Santos, apat na beses tinangkang tapusin ang sariling buhay
NOEL FERRER
Hindi lang ang ang dalawang independent contractors na sina Dode Cruz at Jojo Nones ang sobrang apektado sa pangyayaring ito, kundi ang kanilang mga mahal sa buhay.
May partner si Jojo na isa ring gay, at 17 years na ang kanilang pagsasama. Meron silang isang anak na inilalayo nila sa iskandalong ito.
Pero sobrang apektado raw ang partner ni Jojo, lalo noong naka-detain ito, dahil ngayon lang sila nagkahiwalay.
Read: Longtime partner ni Jojo Nones, may apela sa publiko
Hindi pa siya allowed dumalaw dahil ang immediate family lang ang puwedeng dumalaw sa writer/TV director.
“Bawal kasi dumalaw ang hindi immediate relative sa Senate detention. Ang weird, 'no? Pag LGBT, hindi immediate relative ang partner mo,” text ni Atty. Maggie.
Kaya dinalasan daw ni Atty. Maggie ang pagdalaw kay Nones, dahil siya na lang ang nag-a-update sa partner nito.
“Naaawa ako sa kanila. Every day, I have to talk to him [partner] to ensure him na okay si Jojo. Kaya dinadalaw ko si Jojo,” dagdag na text ni Atty. Maggie sa PEP Troika.
Read: Sandro Muhlach, idinetalye ang naranasan umanong pang-aabuso
JERRY OLEA
Si Gerald Santos ang kumanta ng theme song ng pelikulang Mamay: A Journey to Greatness 'The Marcos Mamay Story' na nag-premiere night nsa SM Megamall oong Agosto 27, Martes.
May mga nag-expect na dadalo roon si Gerald. Pero, di ba, noong Martes din ay um-attend si Gerald sa senate hearing?
Napagod si Gerald sa nasabing hearing, kung saan isiniwalat niya na ang musical director na si Danny Tan ang humalay umano sa kanya noong Disyembre 2005 na kinse anyos pa lamang siya.
Minabuti na rin ng kampo ni Gerald na tumahimik na lang muna.
Inaasam nilang lumantad na rin at magsalita ang iba pang nabiktima umano ni Danny.
Read: GMA insiders stunned by mention of "rape" in Gerald Santos senate testimony
NINO MUHLACH'S POST
Samantala, ni-repost ni Niño Muhlach ang Facebook shoutout ng current partner niyang si Diane Abby Tupaz na ina ni Alonzo Muhlach, “IN OUR FAMILY NO ONE FIGHTS ALONE! “WE WILL FIGHT FOR JUSTICE! “WE WILL FIGHT FOR OUR KIDS!!!”
Nangako si Diane kay Onin, “I will always stand beside you in the battles we face against life…. It’s going to be okay… We’re going to get through this together…. Niño Muhlach”