JERRY OLEA:
Saan pupulutin ang career nina Sandro Muhlach, Gerald Santos, at unnamed talent-news researcher na naghayag ng reklamong may kinalaman sa sekswal na pang-aabuso.
Mabubuhay ang 23-anyos na si Sandro kahit magpahinga muna siya sa pag-aartista. Nakaririwasa at may mga negosyo ang kanyang pamilya.
Understandable na matakot ang mga producer na kunin sa ngayon si Sandro para sa kanilang project.
Read: CCTV footage shows Sandro Muhlach's state after alleged incident
Ang 22-anyos na unnamed talent ay ayaw nang bumalik sa TV5. Nakahanap na siya ng ibang trabaho. Nasa program grid pa rin ng TV5 ngayong Agosto 31, 2024 ang Budol Alert. Bahagi ng Budol Alert ang inakusahan ng unnamed talent.
Nasa 11:30 P.M. timeslot na iyon bago pa man pumasok sa TV5 ang unnamed talent.
GERALD SANTOS MOVES FORWARD
Ngayong Sabado ang flight ni Gerald pa-Taiwan. Dadalo siya sa Wu Wei Taipei International Film Festival 2024 bukas, Setyembre 1, Linggo ng 6:00 P.M. sa Westar Theater sa Ximeding, Taipei, Taiwan.
Noong Agosto 12 pa pinost ni Gerald sa kanyang Facebook page ang paanyaya, at ang sabi niya, “See you Taipei!”
Sa Setyembre 3, Martes ang balik ni Gerald sa bansa. Kasama rin si Gerald sa Beyond Measure: A Worship Celebration na nakatakda sa Setyembre 24, Martes ng 6:00 P.M. sa Araneta Coliseum, Cubao, Quezon City.
Ipagdiriwang dito ang 30th anniversary ng CBN Asia. Tampok din dito sina Gary Valenciano, Morissette, Dulce, Sam Concepcion, Gerald Santos, Carla Martinez, Tricia Amper-Jimenez, Felichi Pangilinan-Buizon, RJ de la Fuente, Angela Ken, Kayla Rivera, Acel Bisa-van Ommen, John Roa, Benj Pangilinan, Hazel Faith, Caleb Santos, Via Antonio, at Dave Lamar.
Kasama rin sa event sina Trisha Denise, Jericho Arceo, Shenikah Gram, Nolo at Jasmine Lopez, James Reyes, Jex de Castro, Ava Canaceli, Sheena Lee, Neo Rivera, Joselle Feliciano, Rhea Rodriguez, Viola Natividad, Jack D’Preacher, at iba pa.
Kabilang din si Gerald sa pararangalan sa Las Piñas City Icons of Change Awards sa Setyembre 29, Linggo ng 2:00-5:00 P.M. sa Southville International School and Colleges.
Bahagi ng citation kay Gerald na nasa Facebook page ng Icons of Change: “Beyond his artistic achievements, Gerald Santos is celebrated for his courage and advocacy.
"He has stood firm on issues of truth and justice, particularly as an advocate for victims of sexual harassment, exploitation, and assault.
"His commitment to supporting and amplifying the voices of those affected by these challenges marks him as an Icon of Change."
Awardees din doon sina Gino Padilla, Patricia Javier, Dr. Robert Walcher, PBGen Restituto Blaquera Arcangel, Cong. Brian Yamsuan, Joselito M. Luarca, Howell Adrian Liao Pantollana, Rosendo Dial, Sheena Lee, Johann Enriquez, Edward Q. Perez, Joey J. Bernales, Lauro Panganiban Matundan, Reynaldo M. Salonga, Cherry Babol, at Mary Joan Saquing Ocampo.
Awardees din sina Antonio Eder, Rowena Gregorio Morta, Malvin Dinlasan, Ric Gemora Hernandez, Alexander Arceno, Hemilyn Escudero-Tamayo, Hilbert Macagaling Flor, Gerry Mercado, at Annie Mercado.
Honorees din sina Noli Berioso, Zahra Bianca Saldua, Jefferson Bugayong, Marilena Perez Shirakawa, Milo Sandig, Irene Gallardo, Lerma Bernabe, Rev. Edwin Loma, Mylene Manalo, Jan Louise Lopez Abejero, Jose Montemayor Jr., Ernie Abella, Ka Leody de Guzman, Nelson Antijendra Silva, Dr. Rene Aligonero, Elydia R. Reyes, Elba S. Cruz, Emmanuel Garibay, PMaj. Fulgencio M. Canon Jr., Rosie Biale Gonzalo, Dra. Lorna Dideles, Engr. Teofilo Corrales, Commissioner Jennifer Sibug-Las, at Bishop Vincent Vicencio.
Pararangalan din ang DALTA-JONELTA Foundation, Inc., Southville Communication Society, Artists Anonymous, Community Anti-Crime Group, Christian Coalition Movement, Revitalized PNP KASIMBAYANAN Program, Brgy. Talon Uno, Love Las Piñas City Pastoral Movement, at Bless Our Cops.
Abang-abang din tayo kung ano ang sasapitin ng mga akusado—ang independent contractors na sina Jojo Nones at Richard “Dode” Cruz, ang program manager na si Cliff Gingco, at ang musical director na si Danny Tan.
Read: Sandro Muhlach formally files complaint at NBI
NOEL FERRER:
Kahit sabihing “Life Goes On,” hindi natin sigurado kung mag-a-apply ka ito kina Sandro, Gerald, at lahat ng mga nasangkot sa sexual harassment issue, pati na iyung mga akusado.
Talent may carry you through, pero iba pa rin ang character at kakayahang patuloy na humarap sa laban ng buhay.
Ipagdarasal natin na even if they are all scarred, ay makayanan nilang mag-heal at bumangon ulit kahit papaano.
Read: Sandro Muhlach speaks up about sexual abuse
GORGY RULA:
Lumabas ang pangalan ni Sandro Muhlach sa isa sa mga supporting cast ng bagong afternoon drama ng GMA-7 na Shining Inheritance na magsisimula na sa September 9, Lunes.
Pero wala siya sa media conference kagabi, August 30, dahil mukhang hindi naman ganun kalaki ang role niya rito. Saka hindi dapat isama siya sa haharap sa entertainment media, at baka sa kanya naka-focus ang buong mediacon.
Sabi ng direktor nitong si Jorron Lee Monroy, mga two to three days pa raw ay matatapos na ang kanilang taping.
Sabi naman ng handler ni Sandro, sa pagkakaalam niya ay meron pa dapat i-tape ang aktor sa naturang afternoon drama.
Gusto naman daw ni Sandro na makabalik na sa trabaho, para kahit paano ay makalimutan niya ang traumang pinagdaanan niya. Sana nga ay bigyan siya ng chance na makatrabaho, at pilitin nang kalimutan itong malaking iskandalong pinagdaanan niya.
Makakatulong kaya sa pagtaas ng ratings ng Shining Inheritance ang partisipasyon dito ni Sandro Muhlach?
Samantala, sinabi naman noon ni Gerald Santos sa nakaraang Senate hearing na iginapang niya ang kanyang showbiz career pagkatapos ng pinagdaanan niya nung kinse anyos pa lang siya.
Nairaos naman niya. Kasama siya sa 2017-2019 Miss Saigon UK International Tour by Cameron Mackintosh where he played 553 performances as Thuy.
Gumanap si Gerald na Anthony Hope sa Atlantis' production ng Sweeney Todd: The Demon Barber of Fleet Street, alongside Lea Salonga sa Manila at Singapore.
Ni-reprise niya ang role na Thuy sa 2023 productoon ng Miss Saigon Denmark where he played Thuy 64 times. Kinanta ni Gerald ang theme song ng pelikulang A Journey To Greatness (The Marcos Mamay Story) na nag-premiere night noong Agosto 27, Martes sa SM Megamall.
So, tiyak namang maipagpatuloy ni Gerald ang kanyang singing career pagkatapos ng ibinunyag niya sa Senado.
Magiging adbokasiya na lang siguro niya itong laban sa sexual harassment sa trabaho, para kahit paano ay may nagawa siya sa pagsugpo nito at hindi na ito mangyari sa mga kabataang nagbabakasaling magka-career sa showbiz.
Sabi kasi ni Gerald, magmula nang binanggit niya ang pangalan ni Danny Tan na inakusahan niyang umano’y nanghalay sa kanya, may iba pa raw kabataan na lumapit sa kanya na naranasan din umano iyon sa naturang musical director.
Tingnan natin kung lalabas si Danny Tan para maipagtanggol ang kanyang sarili.