GORGY RULA:
Sa media conference ng bagong afternoon prime ng GMA-7 na Shining Inheritance, hindi napigilan ni Coney Reyes na ibulalas ang saloobin tungkol sa mga kumakalat na fake news.
Nagbigay ang buong cast ng kanilang parting words, at si Coney ang panghuling nagbigay ng mensahe.
Napahaba ito at nagpaalam muna siya kung puwede niya itong sabihin na wala namang kinalaman sa kanilang programa. Kailangan lang daw niyang sabihin ang opinyon niya tungkol sa fake news.
“I hate fake news!” bulalas ni Coney.
CONEY REYES ON PEOPLE SPREADING FABRICATED INFO
Dire-diretsong sabi pa niya: “How can people try to put down other people just for their own gain? Ano? To earn money? God can bless you. God can give you your own place to shine and your own niche.
"Bakit kailangan natin magsiraan? Bakit kailangan nating mag-imbento ng kung anu-anong kuwento? Bakit kailangan nating siraan ang bawat isa?
"Tama na! Paano tayo aasenso bilang isang bansa? Paano?
"If we are going to be thinking about ourselves, our own gains. Kung magkano ang kikitain dito, ilang views, ilang ganito, etcetera, etcetera.
"Madadala na ba natin… and dami nating mga kaibigang sumakabilang buhay recently. So many of them were very affluent. Pero nakita natin, ano ang naalala sa kanila? Hindi naman yung pera nila, e.
"Ang naalala sa kanila, kung ano yung kabutihan na naiwan nila. Di ba, mas maganda ganun, yung may maiwan tayong maganda sa kapwa natin? Sa bansa natin kahit papano?”
Hindi lang namin nasundan ng tanong si Coney kung may kinalaman ba ito sa pinagdadaanan ngayon ng anak niyang si Pasig City Mayor Vico Sotto.
Pero masama ang loob niya sa mga taong masaya sa pagkakalat ng mga maling balita sa kapwa.
Read: Carmi Martin reveals getting sexual advances during her prime
NOEL FERRER:
Idinagdag pa ni Coney ang kuwento niya noong bata pa siya kasama ang kanyang kapatid.
Aniya, “Alam niyo nung maliit pa akong bata lagi ko tong sinasabi, e.
“Hindi ko alam bakit, maliit pa akong bata…. I remember my brother before, throwing a piece of wrapper of candy outside the window, popsicle stick or something.
“My dad was driving the car, my mama was there. Kaming siblings nandun sa likuran.
“I must be around eight years old, and I reprimanded my brother, ‘Why are you throwing that piece, that wrapper out of the window?’"
Buwelta raw sa kanya ng kanyang kapatid, “Why, who cares! Everybody does it anyway,”
Patuloy ni Coney: “I said, ‘If everybody thinks the way you do too, wow what a mess this country is gonna be with all the dirty stuff there.’
“Kaya ako pag nakakita ako ng may papel na ganyan, pag nakita yung nagtatapon, lalo kong pinapakita na kinukuha ko at tinatapon sa basura."
Ipinunto pa ni Coney na maraming paraan para magpakalat ng kabutihan.
Pahayag niya: “We have to be good examples to the people around us.
“Hindi ko sinasabing in a big, big way. Even in a little way. And when you do that? It triples. May mga effect yan na maganda.
“It’s just like the power of the pen, okay? Yung mga manunulat. I’m sure our creative team knows that.
“The people watched your shows, your body of work, will be so blessed… it’s either they learned something or not.
“So kayo din, di ba? Yung mga influencers, bloggers, vloggers, mga kaibigan namin sa press. Alam naman ninyo kung sino yung mga sino… kung anu-ano yung mga pinagsasabi at pinagsusulat.
“Sana let’s try to influence each other to do good. Let’s honor God in what we do.
“You know, there’s power of life and death in the tongue? When you bless people and you say, 'God bless you,' there’s a reason.
"Your blessing, God does something to that person, when you say God bless you. But when you curse, something can happen to that person if he deserves the curse.
"But, in the Bible it also says an undeserved curse will not rest. So kung yung sinabi mong curse binitawan mo sa isang tao, babalik at babalik yun. It will not rest on the person that you cursed. Babalik at babalik sa ‘yo yun.
"Remember, every good deed that we do, will come back to us. So every bad deed of you [will also reap]… nakakatakot, di ba?"
Read: CCTV footage shows Sandro Muhlach's state after alleged incident
JERRY OLEA:
Nagpapasalamat ang buong cast, mga production staff, lalo na ang direktor nilang si Jorron Lee Monroy na kasama nila si Coney, dahil ang dami raw nilang natutunan sa mga sinasabi ng veteran actress.
Saad ni Direk Jorron, “Nung sinabi po sa amin na si Tita Coney yung ina-eye namin na magiging Aurea dela Costa, hindi ko na pinakawalan. Iniisip ko na siya dapat yung makuha namin.
“More than pressure po, parang mas na-excite talaga ako. I really wanted to work with her, because it’s not every day that you get the chance to work with someone as reputable, as talented as a Coney Reyes.
“And I really told her personally, I tell her everytime na tuwing may taping, I really feel blessed.
“Parati po akong nakangiti pag siya yung kaeksena, because marami akong natutunan sa kanya.
“Bilang director… siyempre, sabi nyo nga po hindi pa tayo… mas bata pa tayo relatively.
“So, continuously po, gusto ko ring matuto, and the only way to learn is from people na nauna sa inyo sa industriya. Like sina Tita Coney, si Ms. Glydel [Mercado],si Sir Wendell [Ramos], si Aubrey Miles, di ba?
“So, you learned a lot from the ones who are ahead of you.”
Sa September 9 na magsisimula ang Shining Inheritance, pagkatapos ng Lilet Matias: Attorney-At-Law sa GMA primetime block.