JERRY OLEA
Ngayong Setyembre 8, 2024, Linggo ng 7:00 P.M., ang awards night ng 6th Sinag Maynila filmfest sa Metropolitan Theatre ng Maynila.
Indie chic Filipiniana at barong ang attire sa gabi ng parangal, kung saan magtatagisan ang pitong full-length feature, pitong documentary, at sampung short films.
Read: Sinag Maynila, simula na; classic Pinoy films, libreng mapapanood
BEST ACTOR AND BEST ACTRESS FRONTRUNNERS
Wagas ang labanan sa pagka-best actor sa kategoryang full-length.
Frontrunners sina Jansen Magpusao ng The Gospel of the Beast, Tony Labrusca na dalawa ang karakter sa What You Did, at Perry Dizon bilang nag-uulyaning art critic, historian at propesor sa Salome.
Dark horses sina L.A. Santos ng Maple Leaf Dreams, Bryan Wong ng Banjo, at Joem Bascon ng Talahib.
Read: Tony Labrusca, nag-"all out" sa skin exposure sa What You Did
Sa kategoryang best actress, llamado si Rebecca Chuaunsu na nakadalawang best actress award na sa abroad para sa Her Locket.
If ever, puwedeng makalaban niya o makatabla ang co-star na si Sophie Ng.
Dark horse bilang best actress sina Kira Balinger ng Maple Leaf Dreams, at Gillian Vicencio ng Talahib.
Read: Her Locket film, a poignant family drama on grief, dementia
BEST SUPPORTING ACTOR AND BEST SUPPORTING ACTRESS FRONTRUNNERS
Para sa best supporting actor, kaabang-abang kung matatalo ba si Ronnie Lazaro for The Gospel of the Beast considering na napagwagian na niya ang kategoryang iyon sa Gawad Urian.
Dalawa ang panlaban ni Tommy Alejandrino, Salome at Her Locket.
Puwede ring makasilat ang isa pang aktor sa Her Locket na si Boo Gabunada.
May laban din si Joey Marquez for Maple Leaf Dreams, Francis Mata for Her Locket, at Epy Quizon for What You Did — kahit maiikli ang kani-kanyang exposure.
Dark horses sina Jess Mendoza, Dax Alejandro, at Kristoff Garcia na pawang nasa Talahib.
Read: Boo Gabunada amusedly recalls Epy Quizon's Banayad Whiskey parody
Para sa best supporting actress, andiyan si Elora Españo ng Her Locket. Puwede ring sa kategoryang ito ilagay ang taga-Her Locket din na si Sophie Ng.
Tatlo ang panlaban dito ng What You Did — sina Mercedes Cabral, Mary Joy Apostol, at Ana Abad Santos.
Si Mercedes ay may special participation pa sa Talahib.
May chance din sina Snooky Serna ng Maple Leaf Dreams, Dolly de Leon ng Salome, at ang may special participation din sa Talahib na si Sue Prado.
Nasa Talahib din ang mahuhusay na sina Kate Alejandrino at Angellie Sanoy pero hindi gaanong masustansya ang papel nila rito.
Read: Tony Labrusca grateful for "scary, challenging, rewarding role"
NOEL FERRER
Nominado ang The Gospel of the Beast sa mga kategoryang best director (Sheron Dayoc), best actor (Jansen Magpusao), best supporting actor (Ronnie Lazaro), best cinematography (Rommel Andreo Dales), at best editing (Lawrence Ang, Benjo Ferrer) sa 47th Gawad Urian noong Hunyo 8, 2024 sa De La Salle University, Taft Avenue, Manila.
Nagwagi ito sa dalawang kategorya — best supporting actor at best editing.
Read: Romnick Sarmenta, Charlie Dizon win at 47th Gawad Urian
Itong The Gospel of the Beast ang opening film ng Cinemalaya Bente: Loob Lalim Lakas noong Agosto 2 sa Ayala Malls Manila Bay.
Si Jansen Magpusao ay itinanghal na best actor sa Cinemalaya 2019 para sa John Denver Trending.
Dalawa ang pelikula ni Perry Dizon sa Cinemalaya 2024, Gulay Lang, Manong at Kantil.
Sa MMFF 2023 ay dalawa ang pelikula ni Tommy Alejandrino, Mallari at GomBurZa.
Best actor si Tommy sa Cinemalaya 2022 para sa The Baseball Player.
Ang bida sa Banjo na si Bryan Wong ay siya ring writer, director, stunt coordinator, editor plus co-producer ng nasabing pelikula.
Sana, magpatuloy pa ang Sinag Maynila, at mapalawak at maayos pa nila ang conduct ng kanilang film festival.
Read: Director Gayle Oblea owes debt of gratitude to Epy Quizon
GORGY RULA
Nakita namin si Rebecca Chuaunsu sa set ng pelikulang Fatherland nung Sabado, September 7 ng gabi.
May special participation siya sa pelikulang yun, at last shooting day na ng naturang pelikula.
Read: Rebecca Chuaunsu immortalizes her family's story in Her Locket
Tinanong namin kung dadalo siya sa awards night ng Sinag Maynila ngayong gabi.
Malakas nga raw siya, parang nahihiya pa siya nang sinabi kong malakas siya bilang Best Actress.
“Magaling daw po si Dolly de Leon,” parang nahihiya pang sagot sa amin ni Ms. Rebecca.
Natutuwa lang daw siya sa mga nagsasabing okay ang performance niya sa pelikulang Her Locket.
Samantala, hindi pa masagot sa amin ni Dennis Evangelista, ang manager ni Allen Dizon kung makakadalo siya sa awards night dahil may ilang eksena pang kukunan sa Fatherland.
Isa raw si Allen sa paparangalan ngayong gabi.
Sana, sa susunod na taon ay marami pang makakaalam sa Sinag Maynila at mas mapili pa sila sa mga pelikulang isasali sa film festival na ito.