GORGY RULA
Hindi nakaiwas si Dimples Romana sa tanong tungkol sa matalik niyang kaibigan na si Angel Locsin nang nakatsikahan siya ng PEP Troika sa set ng pelikulang Caretakers, na pinagbibidahan nila ni Iza Calzado.
Read: Iza Calzado at Dimples Romana, perfect timing ang unang pagsasama
Minamadali na ni Direk Shugo Praico si Dimples na mag-take habang wala pang ulan kaya isiningit na namin ang pagkumusta sa BFF niyang si Angel.
HOW IS ANGEL LOCSIN?
Okay ba ang kalagayan ngayon ng aktres?
“Opo. Ano naman kami, nung huli kaming nagkita, nakikita ko naman po siya,” sabi ni Dimples, na tila naalangan pang magsalita tungkol sa kanyang kaibigan.
“Naku! Ako na naman ang representative… I have yet to check on her, but last time naman po, she’s happy.
“We had a meal together… it was her birthday. Tapos yun, nagkikita naman kami. And then, I get to talk to her naman,” dagdag niya.
Noong April 23 ang kaarawan ni Angel.
Read: Dimples Romana reiterates love for best friend Angel Locsin
Hindi naman daw niya masagot ang tanong namin kung may balak pang bumalik sa pag-aartista si Angel.
“Parang nag-e-enjoy pa po siya sa kanyang life at home. Iba kasi, naintindihan ko rin po kasi, ako din bilang pamilyado ako.
“Parang kung ako rin, alam mo kasing-yaman ako ni Angel, baka nasa bahay na talaga ako!” natatawa niyang sagot sa amin.
Iba raw talaga ang nakikita niyang masaya si Angel sa buhay niya ngayon na wala sa limelight at hindi pinagpiyestahan sa social media.
Read: Dimples Romana says friend Angel Locsin happy despite being away from limelight
JERRY OLEA
Hanggang ngayon ay hindi pa rin nagso-social media si Angel Locsin, at sa tingin daw ni Dimples Romana ay mas okay yun dahil napapanatili ang privacy nito.
“Hindi siya nagso-social media. I think it is a wonderful choice, because ngayon din, di ba, a lot of the news are also…
"Ako nga, sometimes when I watch the news, I feel anxious. I feel worried for the future.
“So, it’s nice that she’s taking this time off for herself. Beautiful choice,” sabi pa ni Dimples.
NOEL FERRER
Nandiyan naman daw at nakatutok kay Angel ang mister nitong si Neil Arce.
“Ayan! Nandiyan si Direk Lino [Cayetano], best friend ni Neil,” bulalas ni Dimples.
Napabalitang nagbebenta raw si Angel ng ilang properties niya.
Sabi naman ni Dimples, wala siya sa lugar para sagutin yan dahil kay Angel naman daw yun.
“Alam niyo po, kahit ako naman ay every now and then, when you own kasi properties, you really let go of them.
“So, I’m not quite sure if they have. I’m not one to say because it’s not mine.
"So, I don’t think there’s anything wrong kung gawin man nila,” sambit ni Dimples.
Ako, basta nami-miss ko si Angel Locsin. At lagi kong hangad na nasa mabuti siyang estado. Miss na miss ko siya!
Mabuti’t may mga mabubuti siyang kaibigan tulad ni Dimples.
Read: Dimples Romana says Angel Locsin “very much aware” people look for her