JERRY OLEA
Anak ng character actor na si Dennis Coronel ang isa sa official candidates ng Mr. Grand Philippines 2024.
Ito ay ang 23-anyos na si Mark Joseph “MJ” Macalintal na kinatawan ng Caloocan City.
Supportive ba ang parents ni MJ sa pagsali niya sa naturang timpalak?
“Yes, actually nagulat sila nung sumali ako,” sabi ni MJ matapos ang press presentation at sashing ceremony noong Oktubre 8, 2024, Martes, sa Viva Cafe, Cubao, Quezon City.
“Kasi hindi po nila ine-expect na sasali po ako sa ganitong pageant and nung nalaman nila, suportado naman po nila ako, and tuwang-tuwa sila.”
Read: Mr. Grand Philippines 2024 candidate may pasilip habang rumarampa
Susundan ba niya ang mga yapak ng kanyang ama? Papasukin din ba niya ang showbiz?
“Actually, gustung-gusto ko po talagang maging artista. Siyempre lahat naman po. Gusto ko pong mapabilang sa showbiz,” sambit ng 5’11” na si MJ.
“Nung bata po ako, may mga commercial na po ako. And napag-usapan po namin ni Papa na tapusin ko muna ang studies ko.
“Kaga-graduate ko lang po sa TUP Manila noong August 28 sa kursong Culinary Technology po.”
LIKE FATHER, LIKE SON?
Nakita ba niya iyong sexy photos noon ng kanyang papa?
“Yes, and idol ko po siya,” sabi ni MJ.
Batid ba niya kung gaano ka-daring before ang kanyang ama sa pictorial?
Natatawang sagot ni MJ, “Kaya nga po, grabe! Siguro kung same age kami ngayon, talung-talo talaga.”
OK lang sa kanya iyong pagrampa nang naka-white underwear?
“Yes, kasi para sa akin, nabu-boost ang confidence ko. Dati, hindi ko kaya yun. Ngayon, natutuwa ako dahil nao-overcome ko yun,” sey ni MJ.
“Nakikita ko rin dun yung pagod ko, like yung pagdyi-gym ko, na OK, may improvement pala.”
Sa press presentation noong Tuesday ay isa si MJ sa pitong ginoo na nagkamit ng special award na "Smiles of the Night.”
Ang pitong iba pa ay sina Dale Danielle Fisher ng Australia Fil Community, Sandy "Zandro" Sales Jr ng Mandaluyong City, Albert Decio ng Marikina City, Jonathan Perez ng Bulacan Province, Kim Cenia ng Cebu, John Jerricho Porciuncula ng Antipolo, Rizal, at John Denmark Tomelden ng Quezon City.
Sa Pre-Pageant Competition noong Oktubre 11, Biyernes ng gabi, sa Gavino Solidum Park sa Ibajay, Aklan ay first runner-up si MJ sa Best in Ati-Ati Festival Costume.
Ang winner ng nasabing special award ay si Austin Gabriel Otu na kinatawan ng Filipino community sa Nigeria, samantalang ang second runner-up ay si Jonathan Perez ng Bulacan Province.
Read: TikToker Jayden Fernandez joins Mr. Grand Philippines 2024
NOEL FERRER
Ano ang impression niya sa mga bading sa showbiz at sa bikini pageant world?
“For me, yung mga gays, sobrang mababait sila. And sila yung kadalasan mong makakatulong when it comes to showbiz and pageant,” sagot ni MJ Macalintal.
“So for me, wala naman pong problema sa ganun. Mababait po sila and humble at the same time.”
Ano ang ina-advise sa kanya ng papa niyang si Dennis?
“Sabi niya, just do my best and don’t expect the expected daw po.”
IS MJ OPEN TO DOING VMX PROJECTS?
Payag ba siyang magpa-sexy sa pelikula?
“Sexy films? Siguro ano, there’s always opportunity for that pero I think, sa ngayon, pagdating sa ganyan, hindi ko pa kaya,” sabi ni MJ.
“Pero mao-overcome ko naman, e. Like I said before na kagaya ngayon, nakapag-underwear ako, na-overcome ko. Baka someday.”
Keri niyang mag-VMX (dating Vivamax) eventually?
“Let’s see, let’s see. Ha! Ha! Ha! Ha!”
GORGY RULA
Matangkad, makisig, at maganda ang katawan ni Mark Joseph “MJ” Macalintal. Bakit parang nahihiya siyang mag-VMX?
“Hindi pa ho ako marunong humalik, e,” sagot ni MJ.
Mas gusto raw niyang maging character actor. Tiyak na manghihinayang ang mga bading…
“Mapag-uusapan naman. Ha! Ha! Ha! Ha! Ha!” pagtawa ni MJ.
Paano ba siya pinalaki ng kanyang mga magulang? Conservative ba sila?
“Hindi naman po kami ganun ka-conservative since yung tatay ko nga ho, e, nagso-showbiz din before,” pahayag ni MJ.
“And kumbaga, sila naman, nakasuporta lang po sa akin, and nag-a-advise po sila. Yung advice po nila, hindi po porke’t sinabi nila sa akin… ganun po ang sabi nila sa akin.
“Na yung advice is a choice. Kumbaga, ite-take mo or hindi. So, yun po ang sabi nila sa akin.
“‘Anak, ina-advise-an ka lang namin, option mo pa din yan. Kung ano ang gusto mo, suportado ka namin dun.’ Ayun po.”
Nakaisang girlfriend pa lang daw si MJ. At the moment ay single daw siya.
Ang Swimwear Competition ng Mr. Grand Philippines 2024 ay sa Oktubre 14, Lunes ng gabi, sa Ambassador in Paradise Resort sa Boracay.
Sa Oktubre 25, Biyernes, ang Grand Coronation Night sa Metrotent, Ortigas, Pasig City.