JERRY OLEA
Ka-alternate ni Ricky Davao si Jamie Wilson bilang Leo sa original Filipino musical na Silver Lining Redux.
“Ang mga magulang namin, the late Johnny Wilson and my father, Charlie Davao, were really good friends,” pagsisiwalat ni Ricky sa mediacon noong Oktubre 15, 2024, Martes, sa Red Rhino, Greenfield District, Mandaluyong City.
“Mga bad boys ng Philippine cinema, at saka sila rin yung nag-start ng mga gay roles nung mga ‘60s.
“And yung father niya, naging lover ko sa Lovingly Yours, Helen 35 years ago!”
Ang biruan tuloy ay may bromance sina Ricky at Jamie.
Read: Ricky Davao, tinanggihan ang ibang proyekto dahil sa musical play na 'Silver Lining'
SILVER LINING REDUX
Sa unang staging ng Silver Lining noong Oktubre 2023 sa Carlos P. Romulo Auditorium sa RCBC Plaza, Makati City, si Jamie ay technical director.
Walong pagtatanghal ang rerun ng Silver Lining musical sa Nobyembre 8-10 at 15-17, 2024, doon pa rin sa Carlos P. Romulo Auditorium.
Kabilang si Ricky sa mga line producer ng Silver Lining Redux. First time iyon sa kanyang career.
“I’m really honored and privileged to be invited to be one of the producers pero kasi, I’m really part of this show from the very beginning,” lahad ni Ricky.
“And my age, di ba? Bigla akong nagkaroon ng isang lead role. Musical pa! Kung kilala niyo ako, alam niyo na yun.”
Batid ng mga kaibigan ni Ricky na mahilig itong kumanta. Sa mga pagtitipon o videokehan, kapag hawak na nito ang mic ay para bang ayaw na niya iyong bitawan.
Dagdag ni Ricky, “Saka yung project kasi, I’m really proud of this project. We did it last year, grabe ang response ng mga tao.
“And ngayon, when I read the… hindi naman new script, ano, yung mga additional… mas nakakakilabot, mas nakaka-in love, mas nakakaiyak. Nakaka-excite.”
Kumita ba iyong Silver Lining last year?
Tumango si Ricky, “Oo naman kaya meron ulit nito. Kaya lang, kasi si Mr. Jack Teotico [composer at lyricist], parang feeling niya na dapat mas marami pang makapanood nito.
“Actually, may thoughts na nga na sana, magawa natin itong parang ano, indie film or something. So, may mga planong ganun in the future.
“So hopefully, dahan-dahan. Kasi si Jack Teotico, artist din, e. He owns a lot of galleries, di ba? Tapos, siya ang nag-compose most of the songs during the pandemic.”
Read: Silver Lining musical: Slaying fake news via '70s flashback and contemporary hip-hop
GORGY RULA
Dalawa ang timeline sa kuwento ng Silver Lining Redux — present time sa panahon ni BBM, at noong late ‘60s hanggang early ‘70s sa pamamayagpag ni Pangulong Ferdinand R. Marcos.
May koneksiyon ba sa election next year kaya magkakaroon ng rerun ang Silver Lining?
“No naman. Iyong redux kasi, parang ano lang, take 2, e, di ba? Pero, well, timing na rin,” tugon ni Ricky.
“Kasi dito, may politics involved dito. Kasi yung characters namin, naging aktibista rin kami. Dinaanan lang yun.
“Sinasabi namin, it’s not a political play pero ano ang gagawin natin? Ang buhay natin, merong politics. So, dinadaanan mo iyan.
“And dito, it’s the same thing. Kung ano ang nangyari noong ‘70s, it’s still happening now. And actually same family name pa nga, e! Ha! Ha! Ha! Ha! Di ba?”
Nakapagdirek na si Ricky ng ilang TV drama series. Noon pa niya gustong magdirek ng pelikula.
Ngayon ay balik-entablado muna siya, at line producer pa.
“Waiting lang ako ng magandang material sana, at saka the right producer who will trust me,” sambit ni Ricky.
Read: Ricky Davao, bakit binabalik-balikan ang teatro kahit maraming proyekto sa TV at pelikula?
NOEL FERRER
Silver Lining Redux explores themes of love, friendship, redemption, and the search for meaning, resonating deeply with Filipino audiences.
This reimagined run promises to enhance those themes with new interpretations and performances from its exceptional cast and creative team.
Fans and theater enthusiasts can expect a musical experience that celebrates both continuity and transformation, as the production stays true to its heart while embracing exciting new elements.
SILVER LINING REDUX CAST
Wala na sa Silver Lining Redux si Noel Comia Jr. Ang kahalili niya ay si Drei Sugay
Nasa cast din ng Silver Lining Redux sina Albert Silos, Jake Macapagal, Raul Montesa, Krystal Brimner, Jay Cortez, Don Anthony, Gina Respall, Johnnie Moran, Raflesia Bravo, Moi Gealogo, at Sara Sicam.
Bahagi ng ensemble sina Rodel Pingol II, Nayr de Luna, Nadia Tuviera, at Misha Fabian.
Pahayag pa ni Ricky, “Kalahati ng cast ng Silver Lining Redux, bago. Last year, sinabi ko na ito, nung first rehearsals namin, nanliit ako.
“Ang gagaling ng mga bata! Sobra! Isang ganun lang, pok! Kuha na! ‘Dito, mga la. Ito, fa.’ Musical, ha? ‘O lahat ng tenor, lahat ng ganito…’ ‘Ahh excuse me, layman’s term, please.’
“Tapos ang bilis mag-memorize. Tapos parang… wow! Nakakakuha ako ng energy from them saka natututo rin ako.
“Tapos nakikita ko yung sarili ko, yung enthusiasm nung nag-uumpisa sila, nag-uumpisa pa rin ako. Tulungan kami. Ganda!
“Ang sarap din talagang makipagtrabaho sa mga bata.”
Ang production na ito ay suportado ng College of the Holy Spirit Alumni Foundation, La Salle Green Hills Alumni Association, UP School of Economics Alumni Association at iba pa.
Available ang tiket sa Ticket2Me.