GORGY RULA
Bago pa in-announce ang limang finished films na pasok sa 50th Metro Manila Film Festival (MMFF), pinag-usapan na namin ni Sylvia Sanchez ang pelikulang Topakk na isinumite ng Nathan Studios sa Selection Committee.
Ang Nathan Studios ang pag-aaring production company ng Atayde family.
Bida sa Topakk ang anak ni Sylvia na si Arjo Atayde.
Read: MMFF 2024 Final 5 official entries announced
Ayon kay Sylvia, isinumite rin nila ang script ng Topakk, pero hindi ito napili sa unang limang pelikulang in-announce ng MMFF Selection Committee.
Pero isinumite pa rin nila ang finished film dahil naniniwala silang kaya nitong lumaban sa iba pang entries sa MMFF ngayong 2024.
Umikot na ang Topakk sa international film festivals kagaya ng Cannes, Locarno, sa Spain, at sa Austin, Texas. Nagustuhan daw ito roon.
Read: Arjo Atayde, challenging ang roles sa dalawang bagong projects
VIOLENT SCENES
Ipinarating ko kay Sylvia ang komento ng iba na sobrang bayolente ng Topakk at hindi raw nababagay sa MMFF, sa Pasko.
Pero buo raw ang kumpiyansa niyang tatanggapin ito ng selection committee, kahit marami itong violent scenes.
Saad ni Sylvia, “Sa mga scenes ng movie na ito, hindi ako kabado, e. Maayos naman lahat.
"Pero alam ko kasi ang panlaban ko, maganda itong movie na ito. Itong Topakk na ito.
"At proud ako dito dahil inimbitahan ito sa ibang bansa at, honestly, pinalakpakan ito doon.
"At naniniwala ako na pagdating dito, magustuhan ng mga Pinoy dito,” pakli ni Sylvia nang nakausap ng PEP Troika pagkatapos ng announcement ng second batch ng MMFF 2024 official entries.
Ang isa pang pagdadaanan ng pelikulang Topakk ay ang MTRCB (Movie and Television Review and Classification Board). Pinangangambahang baka ma-X o R18 ito.
Baka mahirapan silang mag-R16 dahil sa napakabayolente ng pelikula.
“Nakahanda kami. Alam namin kung ano ang gagawin namin.
"Kung R18, ilalaban ko. Kung R16, mabuti,” kaagad na sagot sa amin ni Sylvia.
Read: DGPI, kinondena ang X-rating ng MTRCB sa dalawang pelikula
JERRY OLEA
Sabi naman ng direktor ng Topakk na si Richard Somes, willing silang mag-adjust, at baka magbawas ng mga violent scenes kung kinakailangan.
Buo raw ang kuwento ng movie kahit mabawasan ang mararahas na eksena.
Sabi ni Sylvia Sanchez, “Makikipag-usap kami sa kanila. Oo naman. Susunod naman kami sa MTRCB, pero tingnan natin kapag nagkausap na kami talaga at maayos na.
“Gagawin naman namin ng paraan na maging R16. Oo naman.
"Titingnan namin kung ano ang puwedeng i-cut, di ba? Titingnan namin kung ano ang puwedeng i-cut.
“Kung tingin namin puwedeng ma-cut na hindi makakaapekto sa pelikula, go ahead. Mag-a-adjust kami.”
Read: To abolish or to retain: Is MTRCB censorship still relevant in the digital age?
NOEL FERRER
Aayusin daw nila ang schedule ng promo ng Topakk para hindi makaapekto sa maraming commitments ni Arjo Atayde bilang kongresista ng Quezon City, pati sa ibang cast ng pelikula na sina Julia Montes, Sid Lucero, Enchong Dee, at Kokoy de Santos.
ARJO ATAYDE FOR BEST ACTOR
Hindi na raw iniisip ni Sylvia na magwaging best actor si Arjo dito. Basta kumita lang daw ito sa takilya, sobrang saya na raw sila.
“Hindi kami nag-iisip ng best actor si Arjo. Basta ang sa amin lang, kumita.
"Of course, lahat naman ng producers, gustong kumita, di ba? Tapos magustuhan ng mga Pinoy ang movie niya, yun lang.
“Kung manalo man ang cast ko, si Arjo, si Julia, si Sid, si Kokoy, si Enchong Dee, marami. Kung manalo man sa kanila, bonus yun,” saad ni Sylvia.