JERRY OLEA
Ipinaliwanag ni Tom Rodriguez ang Biblical connection ng Korben na ipinangalan sa kanyang four-month old baby boy.
“One name for him is ano, parang consecrated gift to God, Korben,” sabi ni Tom matapos ang premiere screening ng pelikulang Huwag Mo ‘Kong Iwan nitong Nobyembre 21, 2024, Huwebes ng gabi, sa Gateway Cineplex 18, Cubao, Quezon City.
“Tapos Korben is also raven, yung unang ibon na pinalabas ni Noah. But for me, yung covenant ni David kay Lord, kay God, was his broken soul.
“Tapos nung binigay niya yung broken soul niya kay God, ibinalik sa kaya ni God nang buo.
“Kaya Korben is ‘broken’ na anagram. So yung broken soul ko rin, ibinalik ni God sa akin nang buo.”
Read: Tom Rodriguez, inamin ang pagkakaroon ng four-month-old baby boy
TOM RODRIGUEZ IS WHOLE AGAIN
Pagkatapos ng unos na pinagdaanan niya more than two years ago, buo na siya dahil sa kanyang mag-ina?
“Sobra. Sobra.”
Ano ang idinadasal niya sa ngayon?
“Si Tita Coney [Reyes] was so nice to introduce me kay Pastor Paolo Punzalan,” pahtukoy ni Tom sa kapatid ng aktres na si Princess Punzalan.
“There was a time na ikinukuwento niya sa akin yung kay Nathanael, na noong nasa fig tree siya, tapos parang tinatapon niya yung ibang mga gawa niya.
“Tapos sabi niya kay Lord, ‘Why did you turn your face away from me?’ Tapos nung nakita uli siya ni Jesus… kinausap siya, ‘I never turned away from you.’
“Nung ikinukuwento yun sa akin ni Pastor Paolo, there was a bit of parang, ‘Yeah, right,’ parang hindi sa akin.
“I don’t think na parang I felt abandoned na parang ganun. Like there was a moment na ganun pero hindi naman palagi.
“There was a moment na ganun, tapos later on you see na He’s there the entire time, He doesn’t turn His face away from you.
“And your struggles, and your troubles, everything is for a reason and andun Siya talaga…”
Read: Tom Rodriguez on overcoming suicidal thoughts after failed marriage
HUWAG MO 'KONG IWAN PREMIERE SCREENING
Maliban kay Tom, present sa premiere screening ng Huwag Mo ‘Kong Iwan ang iba pang mga artista sa movie kabilang sina Rhian Ramos, JC de Vera, Rita Avila, Lloyd Samartino, Jim Pebanco, Simon Ibarra, Nella Dizon, Felixia Crysten, Mygz Molino, at King David.
Siyempre, present ang direktor na si Joel Lamangan, at ang executive producer na si Engr. Benjamin Austria ng BenTria Productions.
Sumuporta rin sa premiere sina Michelle Dee, Allen Dizon, Royce Cabrera, Yasser Marta, Prince Clemente, Josh Ford, Yuki Sonoda, Sam Verzosa, at Brandon Ramirez.
Showing sa local cinemas ang Huwag Mo ‘Kong Iwan umpisa Nobyembre 27, Miyerkules.
NOEL FERRER
Unfair iyong eksena sa Huwag Mo ‘Kong Iwan na naka-shorts si Tom Rodriguez na lumangoy sa swimming pool, at pag-ahon niya ay agad siyang nagtuwalya.
Natawa si Tom at nagmuwestra, “Kitang-kita ko, puro monay ang likod ko dun! Binigla ako ni Direk dun!”
Pagtatapat ni Tom, sobrang payat siya nang bumalik sa Pilipinas matapos ang two-year hiatus sa US.
“Kain ako nang kain para lumaki. Nung mag-shoot ako nung movie, di ko in-expect na biglang may ganun,” sey ni Tom.
“Only Direk Joel can make me do that.”
Sa last movie ni Tom with Direk Joel na The Significant Other (2018) ay may passionate scenes siya with Lovi Poe and Erich Gonzales.
“Yun naman, at least, napaghandaan, e!”
Read: Tom Rodriguez reveals relationship status: "I am seeing someone."
BURYING THE PAST
Open pa ba siya sa mga mapangahas na eksena?
“Hindi pa namin napapag-usapan ni Popoy [Caritativo] pero ako, personally, in the stage of my life, sabi ko, dati pa lang, nung sine-search ng mga pamangkin ko yung pangalan, yung mga Bench ang lumalabas,” saad ni Tom.
“Ang hirap i-explain sa kanila. Kaya para sa baby ko rin, gusto kong gumawa ng iba pang klaseng role para matabunan ang mga yon.
“Para pag na-search ng anak ko, hindi naman yung mga yun ang lumalabas. Siguro tingnan natin, di ba?
“I have to discuss with my manager. Pero for now, personally, parang…”
Read: Tom Rodriguez is back after two-year showbiz hiatus: “I do feel na buo na ako ulit.”
GORGY RULA
May mga limitasyon na si Tom Rodriguez pagdating sa bold and daring scenes dahil kay Baby Korben.
“Time out muna ako. Kasi iba na, e. Naiba yung perception ko,” pagtatapat ni Tom.
“Kunwari, too torrid na kissing… siguro for now, hindi pa kaya. Kahit nasa kondisyon ako, iniisip ko, dahil lang ba hindi ako nakakondisyon ngayon?
“Kung nakakondisyon ako, ganun pa rin ba ang magiging resolusyon ko? Sa ngayon, oo ang magiging sagot ko.
“Pero tingnan natin. Kasi puwedeng magbago pa rin.”
Depende siguro sa project?
“Yeah.”
Pero BL [boys’ love], gaya ng My Husband’s Lover?
“I would be a hypocrite if tanggihan ko dahil lang sa anak, kasi those are people pa rin, e,” tugon ni Tom.
“In the same way na I accepted My Husband’s Lover, I really believed in the project and the role, I think yun mae-explain ko at made-defend ko sa anak ko that these people exist and they’re just like us.
“They only love just like you would love your partner. Kahit nga yung anak ko, hindi ko alam yun, kung ano ang magiging kasarian.”
Read: My Husband's Lover memorable moments
Siyanga pala, may mall tour ang Huwag Mo ‘Kong Iwan sa Nobyembre 24, Linggo ng 2:00 P.M. sa SM Manila, at 4:00 P.M. sa SM Bacoor.
Ayon sa line producer na si Dennis Evangelista, mamimigay ang BenTria Productions ng T-shirts at cash sa lucky audience sa naturang mall shows.