JERRY OLEA
Nine consecutive days nang nangunguna ang Un/happy For You sa Top 10 Movies in the Philippines Today sa Netflix — mula Nobyembre 16, 2024, Sabado, hanggang Nobyembre 24, Linggo.
Nag-umpisang mag-Netflix streaming ang reunion movie nina Joshua Garcia at Julia Barretto noong Nobyembre 14, Huwebes, isang araw matapos ipalabas sa mga sinehan ang KathDen reunion movie na Hello, Love, Again.
Noong Nobyembre 15, Biyernes bumalik sa Top 10 Movies ng Netflix PH ang 2019 film nina Kathryn Bernardo at Alden Richards na Hello, Love, Goodbye.
Nag-see-saw ito sa pang-apat at pangatlong puwesto. Pero kahapon at ngayon ay nasa fifth place na ito.
Noong Nobyembre 21, Huwebes pa nag-streaming sa Netflix ang Whispers in the Wind nina Carlo Aquino at Barbie Imperial, pero ngayong Linggo lang ito pumasok sa Top 10 list.
Sa talaan naman ng Top 10 TV Shows ng Netflix Philippines, taas-baba, taas-baba ang rank ng Lavender Fields nina Jodi Sta. Maria, Janine Gutierrez, at Jericho Rosales. Bumalik ito sa top spot noong Nobyembre 21 at 22, Huwebes at Biyernes.
Sa pamamayagpag ng pelikulang Hello, Love, Again kung saan lead actor si Alden Richards, ang Kapuso series niyang Pulang Araw ay naliligwak naman sa Top 10 TV Shows ng Netflix PH.
Na-extend nang two weeks ang airing ng Pulang Araw sa Kapuso primetime. Sa halip na Disyembre 13, ang finale episode nito ay mapapanood sa Disyembre 27.
Sana naman, bago magwakas ang Pulang Araw ay tangkilikin ito nang lubos ng mga manonood sa Netflix.
Naligwak ang Pulang Araw sa Top 10 TV Shows ng Netflix noong Oktubre 3, 13, 19, at 20, ganoon din noong Nobyembre 18, 19, 20, 22, 23, at 24.
Apat na araw ng Oktubre na nalaglag ito sa Top 10 TV Shows, at anim na araw na ng Nobyembre na natanggal ito sa talaan. Tsk! Tsk! Tsk!
Ang Top 10 Movies in the Philippines Today sa Netflix:
1. Un/happy For You
2. GT Max
3. Ready or Not
4. The Hunt
5. Hello, Love, Goodbye
6. The Lost Children
7. Spellbound
8. A Place Called Silence
9. Conquer Lahad Datu
10. Whispers in the Wind
Ang Top 10 TV Shows in the Philippines Today sa Netflix:
1. Dan Da Dan
2. Mr. Plankton
3. Lavender Fields
4. The Story of Pearl Girl
5. A Man on the Inside
6. Arcane League of Legends
7. Beyond Goodbye
8. Don’t Come Home
9. Our Oceans
10. Marry You
GORGY RULA
Naligwak man sa top 10 ang Pulang Araw, nakaka-proud pa ring nakagawa ang GMA-7 ng ganito kagandang serye na tumatalakay sa ating kasaysayan.
Inaasahan naming babalik ito sa top ten, dahil mas kapana-panabik na ngayon ang takbo ng kuwento.
Gusto pa rin siguro ng mga tao ang soap na soap na kuwento at predictable kagaya nitong Lavender Fields.
Nakakawindang itong huling episode na napanood namin dahil bongga ang pagiging stalker ni Bernard Palanca na gumaganap bilang loyal na tauhan ni Vittorio Benavidez (Edu Manzano).
Kahit saan magpunta si Tyrone (Jericho Rosales) ay nasusundan niya at nakukunan ng video pag nagtatagpo sila ni Lavender (Jodi Sta. Maria).
Hindi ba siya nahahatala ni Tyrone na may sumusunod sa kanya?
Hindi naman kalayuan si Bernard sa kanila, hindi siya nakikita na kinukunan sila ng video?
Pero sabi nga ng ilang artistang kasali sa mga sinusubaybayang teleserye, huwag nang maghanap ng logic sa kuwento ng isang teleserye, lalo na kung patuloy itong pinapanood.
NOEL FERRER
Kahit nasa streaming na, oras ang problema natin ngayon.
Ang dami nang ganap ngayong palapit na ang Pasko, kaya imbes na mapirmi sa Netflix, busy tayo sa mga nagaganap sa buhay-buhay.
Thirty-one Days Before Christmas — and it’ll get busier!!!
MMFF na siguro ang susunod na big event sa atin, maliban sa mga Christmas parties at reunions.
Good luck sa mga pelikulang palabas, sa sinehan man o sa online.