JERRY OLEA
As expected, natanggal na ang Hello, Love, Again sa Top 10 ng takilya sa North America nitong nakaraang weekend, Nobyembre 22-24, 2024.
Pumuwesto ang KathDen reunion movie noong November 15-17 weekend sa pangwalo, with estimated gross of $2.326M sa 248 theaters sa U.S. at Canada.
Ito ang first Filipino film na may widest release sa North America, at ito rin ang unang napasama sa Top 10 weekend grosses.
Read: Hello, Love, Again nalampasan na ang box-office record ng Rewind
U.S. AND CANADA BOX OFFICE
Ayon sa Box Office Mojo, sa Domestic 2024 Weekend 47 ay meron pa ring 244 sinehan ang Hello, Love, Again, pero ang hinamig nito ay tinatayang $299K na lamang.
Pumuwesto ito sa No. 13.
Ang nanguna, siyempre pa, ay ang bagong bukas na Wicked na naka-$112.5M sa 3,888 theaters.
Pangalawa ang bagong bukas ding Gladiator II, na naka-$55M sa 3,573 sinehan.
Iyong dating kampeon na Red One ay pumangatlo on its second week, with $13.2M sa 4,032 sinehan.
Pang-apat ang kao-open din lang na Bonhoeffer: Pastor. Spy. Assassin., na naka-$5M sa 1,900 sinehan.
Panlima ang Venom: The Last Dance, na on its fifth weekend ay naka-$3.9M sa 2,558 sinehan.
Pang-anim ang The Best Christmas Pageant Ever, na on its third weekend ay naka-$3.4M sa 2,279 sinehan.
Pampito ang Heretic, na on its third weekend ay naka-$2.2M sa 1,622 sinehan.
Pangwalo ang The Wild Robot, na on its ninth weekend ay naka-$2.1M sa 2,110 sinehan.
Pansiyam ang Conclave, na on its fifth weekend ay naka-$1.14M sa 1,013 sinehan.
Pansampu ang Smile 2, na on its sixth weekend ay naka-$1.11M sa 952 sinehan.
Panlabing-isa ang A Real Pain, na on its fourth weekend ay naka-$1.08M sa 1,185 sinehan.
Panlabindalawa ang Anora, na on its sixth weekend ay naka-$675K sa 500 sinehan.
At panlabintatlo ang Hello, Love, Again, na on its second weekend ay tinatayang naka-$299K sa 244 sinehan.
Read: Marian Rivera congratulates Kathryn Bernardo, Alden Richards
PHILIPPINE BOX OFFICE
Noong nakaraang Miyerkules, Nobyembre 20, nagbukas sa mga sinehan ng Pilipinas ang tentpole film na Wicked, kasabay ang Conclave at Kang Mak.
Iyong Lights Go On Again ay exclusive sa SM cinemas noong Nobyembre 22-24.
May mga mall na malakas pa rin ang Hello, Love, Again, at meron ding ang mas patok ay ang Wicked.
Halimbawa, noong Nobyembre 24, Linggo, sa SM Sucat sa Parañaque ay tatlo ang sinehan ng Hello, Love, Again, samantalang isa lamang ang nakalaan para sa Wicked.
Nitong Nobyembre 25, Lunes, sa Power Plant Mall ng Rockwell Center, Makati City, ay lima ang sinehan ng Wicked, dalawa para sa Hello, Love, Again, at doon sa isang sinehan ay hati ang Red One at Conclave.
SPOILER ALERT!!!
Sa ending ng pelikulang Conclave, ang na-elect na bagong Papa ay ang Mexican na si Cardinal Vincent Benitez, na ginampanan ng Mexican actor na si Carlos Diehz.
Ang pelikula ay base sa 2016 novel na Conclave ng British writer na si Robert Harris.
Sa nobela, si Cardinal Vincent Benitez ay Pilipino.
Siyanga pala, bukas, Nobyembre 27, Miyerkules, ay showing na sa local cinemas ang tentpole movie na Moana 2, kasabay ang Huwag Mo ‘Kong Iwan at Idol: The April Boy Regino Story.
Bida sa Huwag Mo ‘Kong Iwan sina Rhian Ramos, Tom Rodriguez, at JC de Vera, sa direksiyon ni Joel Lamangan. Prinodyus ito ng BenTria Productions ni Engr. Benjamin Austria.
Bida sa Idol: The April Boy Regino Story sina John Arcenas at Kate Yalung, sa direksiyon ni Efren Reyes Jr. Prinodyus ito ng WaterPlus Productions ni Marynette Gamboa.
Kasama si Tanya Gomez sa Huwag Mo ‘Kong Iwan at Idol: The April Boy Regino Story.
Read: Kathryn Bernardo, Alden Richards weigh in on second chances
NOEL FERRER
For the third time, pinanood ko, kasama ang mga balikbayang naming Kapamilya, ang Hello, Love, Again sa UP Town Center.
Respectable pa rin naman ang crowd sa dalawang sinehan.
Kahit may Wicked na kasabay, mas marami pa rin namang nanonood ng HLA.
KEVIN KREIDER
On third viewing, mas na-appreciate namin ang acting ni Kevin Kreider bilang Uno dahil normal lang siya at walang pag-o-OA kaya effective din siya sa amin.
Korean-American actor Kevin Kreider is best known for his appearance in the reality show Bling Empire.
And as an honorary Filipino, sabi niya, “I expect all my Fil-Am peeps to be here to celebrate.”
Dream come true daw para kay Kevin ang mapasama sa cast ng Hello, Love, Again.
"My first dream was to be an actor. The Filipino-American and the Filipino community were the first community to give me my real first shot [at] acting," he said.
“Obviously, people knew me from Bling Empire. This is the first time I feel support from any Asian community to really get a shot on the map.”
Sana, mas marami pang pelikulang gagawin si Kevin sa ating bansa! All the best!
GORGY RULA
Babalik ba uli ang katamlayan sa mga sinehan pagkatapos ng Hello, Love, Again?
Nandiyan pa ang Moana 2 na inaasahang malakas, at susunod pa ang Gladiator II.
Ang laking challenge nito sa local films natin na hindi natin maaasahan ang lakas kagaya ng sa HLA.
Pero laban lang, sabi nga ng mga maliliit nating producers. Diskarte na lang talaga sa advance selling of tickets at pa-block screenings.
Read: Movie Guide: Horror overload, QCinema, local and foreign films
IDOL: THE APRIL BOY REGINO STORY
Itong Idol: The April Boy Regino Story, ginamit na ni Ms. Marynette Gamboa ng Waterplus Productions ang mga malalapit na kaibigan, mga connection na madagdagan pa sila ng block screenings.
Ganoon na kasi ngayon ang labanan!
May ilang kumukuwestiyon kung bakit sumugal ang Waterplus Productions sa dalawang baguhang artista — sina John Arcenas bilang si April Boy Regino, at si Kate Yalung bilang si Madelyn Regino — na magbida sa kanilang pelikula.
Nagpapasalamat ang dalawa sa pagtitiwala na ibinigay sa kanila.
Sabi ni John, “Hindi naman po mapi-please lahat, di ba? Pero ang sa akin lang po, ang dala-dala ko is yung puso.
“Yun din po yung sinabi ni Direk Efren [Reyes], yun ang isang katangian kung bakit po ako yung napili. Kasi siyempre dito sa pelikulang ito, punung-puno po ng puso, punung-puno ng emosyon na yun po dapat yung makita sa buhay ni April Boy.
“Kaya yun po yung dala ko yung puso ni John Arcenas.”
Sabi naman ni Kate, “Basta ako po, lagi ginagawa ko po yung best ko, yung craft ko po and pinag-aralan ko pong mabuti yung script and yung mga nuances nga po ni Tita Madelyn… ano po talaga, tsinek ko po talaga sa social media account niya kung papano po siya kumilos.
“So, para sa akin, ginagawa ko lang po yung best ko po sa lahat po na ginagawa ko.”
HUWAG MO 'KONG IWAN
Kasabay ring mag-showing sa November 27 ang Huwag Mo ‘Kong Iwan ng Bentria Productions ni Engr. Benjie Austria.
Bilib na bilib si Direk Joel Lamangan sa pagiging generous ni Engr. Benjie dahil lahat ng involved sa production — mula artista, production staff, at sa utility — ay tinitiyak niyang nabibiyayaan pagkatapos ng trabaho.
Sana raw ay hindi sila malugi, para patuloy pa rin sila sa pagpo-produce ng magagandang pelikula.
Read: JC de Vera, inaming nagka-something sila noon ni Rhian Ramos