JERRY OLEA
Sanib-puwersa ang stakeholders ng local movie industry para sa ikatatagumpay ng golden edition ng Metro Manila Film Festival (MMFF).
Record-holder ang nag-submit ng aspiring entries para sa 50th MMFF — 39 screenplays, at 31 finished films.
Read: MMFF 2024: Star power, plus factor sa pagpili ng official entries
Ani MMDA Chairman and concurrent MMFF ExeComm Chairman Atty. Romando “Don” Artes, patunay iyon ng interes ng local filmmakers na gumawa ng mga de kalidad na pelikula.
“It’s unfortunate na sa seventy na isinabmit ay sampu lang talaga ang puwede nating i-accomodate,” sabi ni Chairman Artes nang makatsikahan ng PEP Troika sa grand mediacon ng The Kingdom noong Nobyembre 29, 2024, Biyernes ng gabi, sa Novotel Hotel, Cubao, Quezon City.
“Like ngayon, sa lahat ng activities ng MMFF, very cooperative po ang ating mga artista, mga producers.
“Talagang nagpa-participate sila.”
STAR-STUDDED MMFF 2024 ACTIVITIES
Tatlo ang star-studded MMFF 2024 activities para ma-promote ang sampung opisyal na kalahok:
MMFF Celebrity Golf Tournament — Disyembre 3, Martes, sa Wack Wack Golf and Country Club, Mandaluyong City.
Konsyerto sa Palasyo para sa Pelikulang Pilipino — Disyembre 15, Linggo, sa Kalayaan Grounds ng Malacañang Palace, Manila.
MMFF 2024 Parade of Stars — Disyembre 21, Sabado, mag-uumpisa sa Kartilya ng Katipunan malapit sa Manila City Hall, at magtatapos sa National Museum sa Padre Burgos Ave.
Maliban sa The Kingdom, ang siyam pang official entries ng MMFF 2024 ay Uninvited, Espantaho, My Future You, Isang Himala, Topakk, And The Breadwinner Is…, Green Bones, Hold Me Close, at Strange Frequencies: Taiwan Killer Hospital.
Mensahe ni Chairman Artes: “Sa atin pong mga manonood, hinihikayat ko po kayo na tangkilikin itong Metro Manila Film Festival 2024.
“Kami po ay nag-o-offer sa inyo ng magagandang pelikula. Marami kayong choices kung gusto nyong matakot, kung gusto nyong mainlab, kung gusto nyong maiyak, matawa.
“Kumpleto po itong lineup natin na sana po, panoorin nila. At maa-appreciate po nila na hindi lang po ito for commercial value kung hindi napakaganda po ng pelikula.
“Lahat po, talagang puwede nilang panoorin, depende na lang kung ano ang gusto nilang genre.”
Read: MMFF 2024, mahigitan kaya ang kinita ng MMFF last year?
2ND MANILA INTERNATIONAL FILM FESTIVAL
Inilalatag na ang 2nd Manila International Film Festival (MIFF) sa Enero 28-Pebrero 28, 2025 sa USA. Ipapalabas doon ang sampung entries ng 50th MMFF.
“Nagmiting na po yung producer ng MIFF sa mga producers ng sampung pelikula,” saad ni Chairman Artes.
“May mga ina-iron out lang na mga details na hopefully ma-resolve soon para po maging smooth din yung second edition ng MIFF.”
May mga pagbabago ba sa 2nd MIFF, considering na may mga nagtampo sa inaugural edition niyon?
“Well, dapat, dapat. Kasi birth pains lang naman siguro yun. And definitely, sinabi ko nga dun sa producer ng MIFF na kailangan natin ng substantial improvement para magtuluy-tuloy iyong MIFF sa Hollywood,” tugon ni Chairman Artes.
Magkakaroon na ba ng 2nd edition ang Summer MMFF next year kahit may eleksyon sa Mayo?
“Tapusin lang namin itong Christmas and come January we’ll plan it. Kung kakayanin, we’ll definitely hold the second edition.”
NOEL FERRER
Sa dinami-daming activities lined up para sa 50th MMFF Celebration, nakatuon muna ang focus ng mga tao sa gaganaping Celebrity Golf Tournament sa Wack Wack Golf and Country Club bukas, Disyembre 3, 2024.
Ang beneficiary ng Celebrity Golf Tournament ay ang MOWELFUND, na katulad ng MMFF ay ipinagdiriwang ang kanilang 50th year.
At press time, heto ang nabalitaan nating nag-confirm na Celebrity Players para sa naturang kompetisyon: Boboy Garrovillo, Zanjoe Marudo, Cristine Reyes, Derek Ramsay, LA Tenorio, Cholo Barretto, John Estrada, Epy Quizon, Atoy Co, Paolo Paraiso, Kier Legaspi, Cesar Montano, Jeff Bernaldez, Daisy Reyes, Alex Santos, Hyubs Azarcon, Anthony Suntay, Ivan Carapiet, Jayson Gainza, Nico Capistrano, Emilio Garcia, Nadia Montenegro, Monsour del Rosario, Arnold Clavio, Roco Nacino, Dingdong Avanzado, Mitoy Yonting, Niel Arce, at Christian Bautista.
Nandoon ang PEP Troika sa Ceremonial Tee Off with MMDA Chair Atty. Don Artes at iba pang kasamahan sa press hanggang sa awarding sa gabi!
Read: Movie industry leaders, nakipagpulong kay First Lady Liza Marcos
GORGY RULA
Naintriga ang pagdalo ni MMDA Chairman Don Artes sa grand mediacon ng Uninvited noong Nobyembre 20, Miyerkules, sa Solaire North, Quezon City.
May bias ba si Chairman Artes sa MMFF 2024 entry nina Vilma Santos, Aga Muhlach at Nadine Lustre?
Natawa si Chairman Artes, “Ha! Ha! Ha! Pag inimbitahan po ako at open yung schedule ko, I’ll make time because I really wanted to support yung mga pelikula natin.
“So anytime na imbitahin ako ng kahit anong production company para suportahan yung mga pelikula, pupunta ako time permitting.”
Naimbitahan si Chairman Artes sa grand mediacon ng The Kingdom nina Vic Sotto at Piolo Pascual kaya andoon siya.
Invited din siya sa nalalapit na mediacon ng Espantaho nina Judy Ann Santos at Lorna Tolentino.
“So anytime na imbitahin ako, sabi ko nga sa inyo, kung makakatulong sa pelikula ng MMFF, I’ll make time. I’ll make time.”
Nag-post na ang SM Cinema online ng omnibus poster ng MMFF 2024, tampok ang sampung official entries. Meron pa silang pa-countdown.
Facebook post ni FDCP Chairperson na si Direk Jose Javier Reyes, “Now that the full trailers have been released, it seems like the 50th anniversary of the Metro Manila Film Festival will be ONE BIG SHOWDOWN of some of the best that Filipino movies can offer.
“Hopefully, this will duplicate if not exceed the box office results yielded in the 2023 edition.”