GORGY RULA
Nakatsikahan ng PEP Troika sa birthday party ng isang non-showbiz friend ang baguhang aktres na si Analain Salvador.
Si Analain ay kasama sa cast ng Kapamilya primetime series na Lavender Fields.
Markado ang role na ginagampanan ni Analain bilang si Heather, ang anak ni Edu Manzano at hindi niya kasundo rito ang ate niyang si Janine Gutierrez.
Read: Lavender Fields, namukadkad bilang No. 1 TV Show sa Netflix PH
ANALAIN SALVADOR ON PLAYING A CHALLENGING ROLE
Hindi makapaniwala si Analain na sa kanya ipinagkatiwala ang role. Akala raw niya, magaan lang ang gagampanan niyang role, hindi pala.
“I really didn’t have the idea about the character… I mean, a little bit but not super deep na ganun pala yung character,” pakli ni Analain.
“So, I kinda expected na it’s gonna be this mataray sister na kontrabida lang. But I didn’t expect my character to be as to be as crazy as it’s getting right now. Hindi ko ini-expect.
“So, when I was reading, reading the script, grabe. Wow! Parang natakot ako… parang, 'Kaya ko ba to?' Kakayanin dapat.
"But with the help of Tito Edu, our director, Direk Jojo [Saguin] and Direk Manny [Palo]. kinaya naman.”
Thankful din si Analain kay Janine dahil napakabait daw nito sa kanya at sinusuportahan din siya.
Bale pangalawang show na pala nila ito ni Janine dahil nagkasama rin sila sa Marry Me, Marry You.
Saad ni Analain, “I was very grateful na they gave me the role. I really didn’t expect it.
"Kasi for almost two years, I didn’t have any acting jobs. Lagi lang pong workshop and then, the Star Magic Volleyball, just workshop.
"So, iba pa rin yung feeling na mabigyan ng ganitong role."
Read: How Jericho Rosales balances work and dating Janine Gutierrez
View this post on Instagram
NOEL FERRER
Patindi nang patindi na raw ang mga eksena nila sa Lavender Fields, at malaki ang pasasalamat ni Analain kay Edu Manzano dahil talagang tinutulungan daw siya nito, pati ang iba pa niyang co-actors.
“All the time, especially si Tito Edu na lagi kong kaeksena. Before the scene, nagpapatawa siya. And after the scene, pag alam niyang heavy scenes, nagpapatawa rin siya, just to help me get back to reality parang ganun,” sabi ni Analain.
Bukod sa Lavender Fields ay may sisimulan na rin daw siyang pelikula na pang-online, pero hindi pa raw puwedeng sabihin kung ano ito.
JERRY OLEA
Bahagi ng malaking showbiz clan na Salvador si Analain.
Ang lola raw niyang si Tess Salvador ay kapatid nina Alona Alegre at Phillip Salvador.
Kapatid niya sa ama ang namayapang young actor na si Andrei Sison, ang apo ni Marco Sison.
Read: Sparkle artist Andrei Sison, 17, dies in car accident
Hindi raw niya kilala ang iba pa niyang kamag-anak na Salvador, dahil sa laki nito. Pero mas close daw siya sa kanyang namayapang lola na si Alona Alegre, at okay rin daw sila ni Phillip Salvador.
Read: Former actress and sex symbol Alona Alegre passes away at 70
Happy si Analain sa ginagawa niya sa Lavender Fields. Gusto raw niya ang ganun ka-challenging na role.
Kung sakaling may ipapa-loveteam sa kanya, okay rin daw sa kanya.
“Okay po ako kahit saan po, as long it’s work and as long as it’s acting,” pakli ni Analain.