JERRY OLEA
Tagahanga ni Direk Chito S. Roño si Eugene Domingo noon pa mang 1990s.
“Napanood ko na yung pelikula niya noong ang pangalan pa niya ay si Sixto Kayko,” sambit ni Eugene sa mediacon ng MMFF 2024 entry na Espantaho noong Disyembre 9, 2024, Lunes, sa Novotel Hotel, Cubao, Quezon City.
Ang pelikulang tinutukoy ni Uge ay ang Private Show (1984) na pinagbidahan ni Jaclyn Jose bilang torera.
Tampok din sa pelikulang iyon sina Gino Antonio at Leopoldo Salcedo, at ang production designer ay si Dante Mendoza aka Brillante Mendoza.
Pagpapatuloy ni Uge, “So nung nabigyan ako ng chance na mag-bit player sa pelikulang Laro sa Baga [2000], directed by Chito Roño, sabi ko, ‘Yes! Yes!’
“Oo, nandoon ako. Bukod sa kikita ako, raket yun, e… madidirek pa ako ni Chito Roño."
EUGENE DOMINGO SCARED OF DIREK CHITO RONO?
Napatunayan daw ni Eugene ang mga naririnig niyang kuwento tungkol sa istriktong direktor.
"So, totoo nga ang mga tsika, talagang kailangan on your toes," sabi ng aktres.
“Pag lumampas ka sa iyong mark, naku, dyusko! Makakarinig ka na sana’y hindi ka na lang nabuhay. Parang ganun.
“O kaya, ‘Lupa, lamunin mo ako!’ Ganun, pero siyempre, ginalingan ko! Kasi Theater Arts student ako, dapat magaling ako.
“So, hindi naman ako naputukan noon. Tapos, hindi na kami naulit.
"Pero doon sa pagkakataon na iyon, si Cherry Pie Picache, pinagtapat niya kay Direk Chito.
“Sabi niya, ‘Direk, Direk, iyang si Eugene Domingo, takot sa iyo yan!’ So, anong sabi ni Direk Chito? ‘Ba’t siya matatakot? Sikat ba siya?’
“Sabi! Iyon ay noong 1990. Tapos, e, biglang sumikat si Uge!
"Nagkita kami ulit sa ABS, ‘Direk, Direk, hindi na ako natatakot sa iyo saka sikat na rin ako ngayon!’
“Pero hindi pa rin niya ako kinuha."
Read: Chanda Romero, kasama sa apat na MMFF entries noong 1977
EUGENE BECOMES FRIENDS WITH DIREK CHITO
Naging malapit daw sina Eugene at Direk Chito nang magkasama sila sa Italy.
Kuwrnto ni Uge: "So, after nun, nagkaroon kami ng magandang bonding sa Italy. So, mas naunang maging friends kami bago kami naging magkatrabaho uli.
“So sinasabi ko na sa inyo, kung nakakatakot man sinasabi nila na direktor si Direk Chito, but as a friend, as you know, parang ganyan. Yung kachika mo.
“He’s very generous especially with all the information he can give you. He’s frank because ayaw niya namang bola-bolahin ka sa hindi naman totoo.
“And he really knows what he is doing. Alam niyo, hindi na tayo magkakaroon ng direktor pa na katulad ni Chito Roño.
“So anytime na imbitahin ka ni Chito Roño, kahit na sabihin sa iyo na, ‘O, dito, dadaan ka. O, pupulutin mo ito tapos hindi makikita…’
“Tanggapin mo! We don’t make directors like Chito Roño anymore!”
Ang Espantaho ay prinodyus ni Atty. Joji Alonso ng Quantum Films.
Maliban kay Eugene, nasa cast nito sina Judy Ann Santos, Lorna Tolentino, Chanda Romero, Janice de Belen, JC Santos, Mon Confiado, Tommy Abuel, Donna Cariaga, Archi Adamos, at Nico Antonio.
Read: Judy Ann Santos remains optimistic about working with Vilma
GORGY RULA
Aabangan siyempre ang aktingan ni Eugene Domingo with Judy Ann Santos and Lorna Tolentino sa Espantaho.
Kumusta ang dynamics nila?
Sabi ni Uge kina Juday at LT, “Na-starstruck ako. Na-starstruck ako! Ang galing ninyo! Grabe kayo!
“Walang biro, grabe ka. Grabe! Nagtatrabaho sila sa harap mo, hindi ko maipaliwanag yung sistema ng artista, e.
“Pero you respect your co-actor. Kahit wala sa iyo yung camera, you should be there para su-support ka.
“And they were very consistent. And by the time yung camera, nakatutok na sa kanila, oh my God!
“May binigay pa, times one hundred. Tapos ikaw talaga yung, 'Oh my God, this is the actor at work in front of me.'
“And you cannot do that if you’re not a seasoned actor. These actors are seasoned. I am just seasoning, yes. Yeah.
“These are Chanda Romero, Judy Ann Santos, Lorna Tolentino. Come on! Di ba?!”
NOEL FERRER
Ano ang ginawa ni Eugene Domingo sa horror movie na Espantaho?
Tugon ni Uge, “Si Atty. Joji invited me to join in the project kahit na ang mismong entry ko talaga for MMFF ay iyong pelikula ni Vice, which is And The Breadwinner Is…
“But Attorney said, ‘I want you to join this very special project with a very special role.’ At yun na nga.
“Malalaman natin ang dahilan ng lahat-lahat dahil sa karakter ni Georgia. Iyon ang binigay niya sa akin.
“Sabi ko, ‘Attorney, yes! Yes, yes, yes! I will do that. I love to do that.’”
VERY IMPORTANT ROLE IN ESPANTAHO
Guest role lang siya sa Espantaho? Maikli ang kanyang screen time?
“Medyo mahaba-haba yata, hindi ko pa rin napapanood. Pero while doing it, hindi ko naman naramdaman na parang maiksi,” pahayag ni Eugene.
“Because the role is very important. The role is significant, the character.”
At alam ninyong namamangha ako kay Uge talaga dahil totoo sa kanya yung sinasabing there are no small roles.
Kapag si Eugene Domingo nandiyan, asahan mong magandang trabaho ang ipapakita niya.
And you know what? Noong grand media at fan con ng MMFF 2024 sa Gateway 2 Mall, nakakahanga lang si Uge.
Para sa katulad niyang maituturing na A-lister na artista, napakabukas-palad at ibinibigay ang sentro ng atensiyon kina Juday at Vice, kahit siya mismo ay napakalaking bahagi ng pelikula, ha!!!
Proud talaga ako kay Uge — isang committed at professional na artist all the way!!!