JERRY OLEA
Ginawang sampu ang official entries sa Metro Manila Film Festival (MMFF) last year.
For the first time, apat ang pinarangalang best picture.
Best picture ang Firefly na idinirek ni Zig Dulay. Wagi rin ito bilang best screenplay (Angeli Atienza) at best child performer (Euwenn Mikaell).
Second best picture ang GomBurZa. Ito ang may pinakamaraming awards. Nanalo rin ito sa mga kategoryang best director (Pepe Diokno), best actor (Cedrick Juan), best cinematography (Carlo Mendoza), best production design (Ericson Navarro), best sound (Melvin Rivera at Louie Boy Bauson), at Gatpuno Antonio J. Villegas Cultural Award.
Third best picture ang Mallari na pinagbidahan ni Piolo Pascual. Wagi rin ito sa categories na best supporting actor (JC Santos), best musical score (Von de Guzman), at best visual effects (Gaspar Mangalin).
Fourth best picture naman ang When I Met You In Tokyo. Panalo rin ito sa categories na best actress (Vilma Santos), Fernando Poe Jr. Memorial Award for Excellence, at best float.
Ang Becky & Badette na idinirek ni Jun Robles Lana ay wagi ng Gender Sensitivity Award at best original theme song ("Finggah Lickin’").
Best editing ang horror film na Kampon, na prinodyus ng Quantum Films.
Sa MMFF 2024, horror muli ang entry ng Quantum Films, katuwang ang Cineko Productions — ang Espantaho na idinirek ni Chito S. Roño. Kasama sa cast nito sina Lorna Tolentino, JC Santos, Judy Ann Santos, Chanda Romero, Eugene Domingo, at Janice de Belen.
Take note na sa 11-member jury ng MMFF last year, si Direk Chito ang chairperson, at si Lorna ang vice chairperson. Kabilang ako sa iba pang mga hurado.
May chance na mag-back-to-back bilang best supporting actor si JC Santos. Si Vilma Santos naman ay may chance na mag-back-to-back bilang best actress para sa Uninvited na idinirek ni Dan Villegas at tinatampukan din nina Aga Muhlach, Nadine Lustre, Tirso Cruz III, Lotlot de Leon, Ketchup Eusebio, at Elijah Canlas.
Co-stars din ni Vilma sina Tirso at Lotlot sa When I Met You In Tokyo last year, samantalang kasama sina Ketchup at Elijah sa GomBurZa.
Llamado ang And The Breadwinner Is… ni Direk Jun Robles Lana sa Gender Sensitivity Award. Back-to-back if ever ang pelikula ni Direk Lana sa kategoryang ito.
Bida sa And The Breadwinner Is… si Vice Ganda, kasama si Eugene Domingo (na nasa Becky & Badette last year) at ang kontrobersyal na tandem nina Maris Racal at Anthony Jennings.
Bokya sa awards last year ang Penduko na idinirek ni Jason Paul Laxamana. Babawi kaya si Direk Jason Paul this year sa entry niyang Hold Me Close?
Ang poging singer na si Migo Valid ay nasa Penduko last year, at ngayon naman ay nasa Hold Me Close.
So far ay dalawang pelikulang Pinoy ang tinangkilik nang lubos ng moviegoers ngayong 2024.
Ang una ay ang reunion movie nina Joshua Garcia at Julia Barretto na nag-showing noong Agosto 14 na kasagsagan ng Ghost Month.
Kaya interesting kung ano ang kahihinatnan sa MMFF 2024 ng reunion movie ni Julia with Carlo Aquino, ang Hold Me Close.
Naunang nagtambal sina Julia at Carlo sa Expensive Candy (2022), na si Jason Paul Laxamana rin ang direktor.
Ang best director last year na si Pepe Diokno ay may entry uli sa MMFF this year, ang rock musical na Isang Himala kung saan bida si Aicelle Santos, at may special participation si National Artist for Film and Broadcast Arts Nora Aunor.
Ang Isang Himala ay isang adaptation ng MMFF 1982 entry na Himala, na pinagbidahan ni Nora, at idinirek ni National Artist for Cinema Ishmael Bernal, mula sa panulat ni National Artist for Film and Broadcast Arts Ricky Lee.
Humakot ng siyam na tropeo ang Himala sa MMFF 1982, kabilang ang best actress, best picture, best director, best supporting actress (Gigi Dueñas bilang Nimia), best supporting actor (Spanky Manikan bilang Orly), best sound engineering (Rolly Ruta), best cinematography (Sergio Lobo), best art direction (Raquel Villavicencio), at best editing (Ike Jarlego Jr. at Ben Pelayo).
Nagwagi ng best screenplay si Ricky ay para sa Moral na kasali rin sa festival nung taong yun, at hindi sa Himala.
Ang record na itinala roon ni Ricky na hindi pa napantayan sa kasaysayan ng MMFF — siya ang nagsulat ng screenplay ng best picture (Himala), second best picture (Moral na idinirek ni National Artist for Film and Broadcast Arts Marilou Diaz-Abaya), at third best picture (Haplos).
Sa MMFF 2024 entry na Isang Himala, ang Nimia ay si Kakki Teodoro, at ang Orly ay si David Ezra.
Co-writer ni Ricky sa Isang Himala si Vince de Jesus.
Sa MMFF 2024 entry na Green Bones directed by Zig Dulay, co-writer naman ni Ricky si Angeli Atienza.
Ang best actor ng MMFF 2023 na si Cedrick Juan ay may special participation sa MMFF 2024 entry na The Kingdom, kung saan bida sina Vic Sotto at Piolo Pascual.
Ang huling movie ni Judy Ann Santos sa MMFF ay ang Mindanao (2019) na humakot ng labing-isang tropeo, kabilang ang best actress, best picture, best director (Brillante Mendoza), best actor (Allen Dizon), Gatpuno Antonio J. Villegas Cultural Award, Fernando Poe Jr. Memorial Award for Excellence, Gender Sensitivity Award, at best float.
Sa kasaysayan ng MMFF, si Nora Aunor ang bukod-tanging kinilala bilang best performer para sa Atsay (1978).
Bukod diyan ay may pito pa siyang best actress trophy para sa mga pelikulang Ina Ka Ng Anak Mo (1979, katabla ang co-star na si Lolita Rodriguez), Himala (1982), Bulaklak sa City Jail (1984), Andrea, Paano Ba Ang Maging Isang Ina? (1990), Ang Totoong Buhay ni Pacita M (1991), Muling Umawit Ang Puso (1995), at Thy Womb (2012).
Tiglima ng best actress award sa MMFF sina Vilma Santos at Maricel Soriano.
Wagi ang Star for All Seasons na si Ate Vi para sa Burlesk Queen (1977), Karma (1981), Imortal (1989), Mano Po 3: My Love (2004), at When I Met You In Tokyo (2023).
Nanalo ang Diamond Star na si Marya para sa Nasaan Ang Puso? (1997), Filipinas (2003), Bahay Kubo, The Pinoy Mano Po (2007), Yesterday, Today, Tomorrow (2012), at Girl, Boy, Bakla, Tomboy (2023).
Nagwaging best director si Jun Robles Lana para sa MMFF entry na Big Night! (2021), si Dan Villegas para sa English Only, Please (MMFF 2014), si Chito Roño para sa Yamashita: The Tiger’s Treasure (2001) at Nasaan Ang Puso? (1997).
Ang 16 MMFF icons sa Pilot Mural Painting na in-unveil noong Setyembre 19, 2024 sa EDSA, Makati City ay tinampukan nina National Artists Fernando Poe Jr. and Nora Aunor, kasama sina Dolphy, Vilma Santos, Vice Ganda, Maricel Soriano, Vic Sotto, Eddie Garcia, Gloria Romero, Amy Austria, Christopher de Leon, Cesar Montano, Dingdong Dantes, Marian Rivera, Joseph Estrada, at Anthony Alonzo.
Sa MMFF 2024 awards night sa Disyembre 27, 2024 sa Solaire Resort sa Parañaque City, pagpupugayan sina dating Pangulong Joseph Estrada at dating First Lady Imelda R. Marcos.
NOEL FERRER
Ngayong Disyembre 15, Linggo ng 6:00 P.M., tampok sa Konsyerto Sa Palasyo sina Zsa Zsa Padilla, Dane Mercado, John-Joven Uy, Gian Magdangal, and Molly Langley ng The Clash.
Kakantahin nila ay theme songs ng mga pelikulang Pilipino. Lahat ng mga bituin ng entries sa MMFF 2024 ay inaasahang dumalo.
Pati nga sina Sharon Cuneta at Hilda Koronel ay naimbitahan dito at kumpirmadong dadalo.
Kalat na ang tarps ng posters ng official entries sa EDSA. Sunud-sunod na ang premiere night next week. 'Tapos sa December 21, Parade of Stars na.
Excited na kinakabahan ako sa 50th Edition ng MMFF. In full swing ito at sana talaga, lahat ng may entries at lahat ng may malasakit sa industriya ng Pelikulang Filipino ay suportahan natin.
All the best!!!
GORGY RULA
Present sina His Excellency Ferdinand R. Marcos Jr. at First Lady Liza Araneta Marcos sa Konsyerto sa Palasyo para sa Pelikulang Pilipino tonight sa Kalayaan Grounds ng Malacañang.
Kumpirmadong dadalo ang halos lahat ng major stars ng sampung official entries ng 50th MMFF, kabilang si Vice Ganda. Ang attire dito ay smart casual.
Tingnan natin kung magpapakita sa event na ito sina Maris Racal at Anthony Jennings.
Simula bukas, Lunes ay may premiere screenings na ang mga kalahok sa MMFF 2024. Ang iba’y magkakasabay pa.
Next week ay inaasahan nating ia-announce na kung sino ang chairperson ng Board of Jurors sa golden edition ng MMFF.
Sa Disyembre 21, Sabado ng 2:00 P.M. naman ang Parade of Stars na mag-uumpisa sa Kartilya ng Katipunan sa Ermita, Manila, at magtatapos sa Manila Central Post Office, sa Liwasang Bonifacio, Intramuros, Manila.
Hindi dadaan sa Roxas Blvd. ang parada. Bale 12 kilometro ang haba ng parada na mula sa Kartilya ng Katipunan ay babagtas sa Natividad Lopez Street. Kakanan ito sa P. Burgos, didiretso sa Jones Bridge, Quintin Paredes, at Reina Regente Street.
Daraan sa Recto Avenue, Abad Santos Avenue, Tayuman Street, Lacson Avenue, España Boulevard, Nicanor Reyes St. (Morayta), C.M. Recto Avenue, Legarda Street, P. Casal Street, Ayala Boulevard, Taft Avenue, T.M. Kalaw Street, at Roxas Boulevard P. Burgos Avenue.
Daraan sa Jones Bridge, Magallanes Drive hanggang makarating sa Manila Central Post Office kung saan magkakaroon ng libreng konsyerto at pagtatanghal ang mga artista ng pelikula.
MAKISAYA AT SUPORTAHAN ANG PELIKULANG PILIPINO!!!