JERRY OLEA:
Waley sina Maris Racal at Anthony Jennings sa MMFF 2024 Parade of Stars nitong Disyembre 21, 2024, Sabado, sa Lungsod ng Maynila.
Hindi rin dumating si Piolo Pascual na may prior commitment sa GenSan City, South Cotabato sa Mindanao.
Pinapabagal ang usad ng parada para makahabol sana si Papa P, pero hindi siya nasilayan hanggang magtapos ang parada sa Manila Central Post Office.
Present ang EliKoy/Gavreel na sina Elijah Canlas at Kokoy de Santos na parehong bumati sa akin, pero hindi ko namataan kung nagkita sila.
Bawal kasi sa media people na pumasok sa tent ng artists na adjacent ng tent ng press kung saan nag-meet-the-press ang mga artista bago mag-opening ceremony sa Kartilya ng Katipunan.
Nakita na lang namin sa Facebook post ng CreaZion Studios na nakapagpa-picture si Aicelle Santos ng Isang Himala sa ibang mga artista ng ibang MMFF 2024 entries, na nag-pose nang magkadaop ang mga palad as if nagdarasal.
Nakasama ni Aicelle sa isang litrato si Judy Ann Santos ng Espantaho, at ang tatlong bida ng Uninvited na sina Vilma Santos, Nadine Lustre, at Aga Muhlach.
May litratong magkasama si Direk Zig Dulay ng Green Bones, at si Direk Pepe Diokno ng Isang Himala.
Mahigpit na nagyakapan sina Judy Ann Santos ng Espantaho, at Julia Barretto ng Hold Me Close.
Nagpa-video si Mon Confiado ng Espantaho at ang hiyaw, “Sa December 25, may Isang Himala!”
Facebook shoutout ni Direk Chito S. Roño ng Espantaho (published as is), “Pepe, zig, jun, richard, cris- so happy to see you all!”
Ang tinutukoy ni Direk Chito ay ang ibang mga direktor ng MMFF 2024 entries na sina Direk Pepe Diokno ng Isang Himala, Direk Zig Dulay ng Green Bones, Direk Jun Robles Lana ng And The Breadwinner Is…, Direk Richard Somes ng Topakk, at Direk Crisanto Aquino ng Hold Me Close.
Ewan din kung nagkita sina Bossing Vic Sotto ng Eat Bulaga/The Kingdom, at Vice Ganda ng It’s Showtime/And The Breadwinner Is...
Late dumating si Vice at hindi nakaabot sa meet-the-press bago ang parada. Nakita na lang namin siyang nakasakay sa float nang mag-start ang parade.
Kaarawan ni Lorna Tolentino bukas, Disyembre 23, Lunes. Doon pa lang sa meet-the-press ay binati na siya ng program host na si DJ Jhai Ho.
Palakpakan ang co-stars ni LT sa Espantaho, at bumeso sa ulo niya si Direk Chito S. Roño.
Early bird sa parade ang Cinemalaya 2024 best actor na si Enzo Osorio, na gumanap bilang young Ruru Madrid sa Green Bones. 12:00 N.N. ang calltime ng artists. 11:30 A.M. pa lang ay nandoon na siya. Sabi ng kanyang mommy, excited si Enzo na lumahok sa parada.
Read: Fearless forecast: MMFF 2024 top 4 entries sa box office
MMFF 2024 STARS
Kabilang sa mga artistang nasilayan namin sa parada, sa pagkakasunud-sunod ng kani-kanilang mga karosa:
The Kingdom — Vic Sotto, Cristine Reyes, Sue Ramirez, Sid Lucero, Decrick Juan, Mark Rivera, Dylan Menor.
Topakk — Arjo Atayde, Julia Montes, Enchong Dee, Kokoy de Santos, Sid Lucero, Maureen Mauricio, Cholo Barretto, Ivan Carapiet, Anne Feo, Rosh Barman, Manu Respall, Jeffrey Tam, et al.
Uninvited — Vilma Santos, Aga Muhlach, Nadine Lustre, Elijah Canlas, Tirso Cruz III, RK Bagatsing, Ron Angeles.
Isang Himala — Aicelle Santos, Floyd Tena, Kakki Teodoro, David Ezra.
Hold Me Close — Carlo Aquino, Julia Barretto, Migo Valid, Jairus Aquino.
Espantaho — Judy Ann Santos, Lorna Tolentino, Chanda Romero, JC Santos, Mon Confiado, Eugene Domingo, Kian Co, Donna Cariaga, Nico Antonio.
My Future You — Francine Diaz, Seth Fedelin, Christian Vazquez, Izzy Canillo.
And The Breadwinner Is… — Vice Ganda, Eugene Domingo, Gladys Reyes, Jhong Hilario, Kokoy de Santos, Via Antonio.
Green Bones — Dennis Trillo, Ruru Madrid, Royce Cabrera, Enzo Osorio, Sofia Pablo, Sienna Stevens, Gerhard Acao.
Strange Frequencies: Taiwan Killer Hospital — Enrique Gil, Jane de Leon, Alexa Miro, Rob Gomez, MJ Lastimosa, Raf Pineda, Zarckaroo.
Read: MMFF 2024 grand media and fan con sidelights
MGA BONGGANG PAANDAR
Sa meet-the-press pa lang ay nakapagpa-picture na sa mga artista sina Manila Mayor Honey Lacuña, Manila Vice Mayor Yul Servo, at ang members ng MMFF ExeComm sa pangunguna ni Chairman Atty. Romando “Don” Artes.
Malawak iyong area ng Kartilya ng Katipunan, kaya nakunan nang maayos iyong group photo ng mga artistang lumahok sa MMFF 2024 Parade of Stars.
Twelve kilometers ang binagtas ng parada ng mga bituin. Pasado 7:00 P.M. na dumating sa Manila Central Post Office ang unang float, iyong The Kingdom, kung saan nakaupo sa trono si Bossing Vic.
Bawat entry ay may 15 minutes para sa kani-kanyang paandar. Dumadaan ang float sa harap mismo ng Manila Central Post Office, na kay ganda ng pailaw at 15 vertical LED screens sa pagitan ng pillars.
Sa magkabilang gilid ay may malaking rectangular LED screen na pinagpalabasan ng trailers, teasers, o BTS.
Sa sampung float ng MMFF 2024 entries, wala akong itulak-kabigin sa float ng Topakk at float ng Uninvited. P200,000 ang cash prize para sa best float.
For sure, more than P200,000 pareho ang nagastos ng dalawang produksyon. Biruan pa nang biruan ang producers ng Topakk at Uninvited — ang magkaibigang sina Sylvia Sanchez ng Nathan Studios at Bryan Diamante ng Mentorque Productions.
Parehong may pausok ang kani-kanyang karosa. At sa pagtatapos ng parada, pareho silang may pa-fireworks sa paligid ng Manila Central Post Office! Parehong pasabog!!!
E, iyong sumunod sa kanila na Isang Himala, iyong cast ay nagpatikim lang ng excerpts.
Read: MMFF 2024: Premieres, best actress and best actor race
TSIKAHAN IN BETWEEN
Nakakatuwa na after the parade, tsika-tsika pa si Aga Muhlach ng Uninvited, at ang mag-asawang Art Atayde at Sylvia Sanchez.
Nakatsikahan ko saglit ang MMFF 2023 best actor for GomBurZa na si Cedrick Juan, na may special participation sa The Kingdom.
Kinumusta ko kay Cedrick ang karanasan niya sa pagparada this year.
Aniya, “Same pa rin. Yung parang pakiramdam na… wow! Last year, nag-ikot na sa CaMaNaVa. Ngayon, Manila area naman.
"So, blessed. Sobrang honored. Kasi, nakita natin, mga taga-Maynila naman ngayon. Kaya ang saya sa pakiramdam na nakasama pa rin this year."
Halatang pagod na pagod ang mga artistang lumahok sa parada.
Pagkatapos mag-promote sa stage ng Manila Central Post Office, iyong iba ay dumiretso na ng uwi.
Hindi na nagpunta sa tent, o sa socials area sa Promenade kung saan bongga ang set-up, at talap-talap ang pastries and sorbetes, plus cocktails.
Sa bungad pa lang kasi sa VIP area ay may mga pagkain na ang drinks. Bumaba na agad ng Hold Me Close float sina Carlo Aquino at Jairus Aquino na humahangos para dyuminggel sa aircon na portalet.
Read: Metro Manila Film Festival 2024: Entries, lead cast, synopses
NOEL FERRER:
Pahayag ni MMDA Chairman and concurrent MMFF ExeComm Chairman Atty. Romando “Don” Artes, “We are proud of all the 10 entries in the 50th edition of the MMFF because they truly showcase exceptional quality and talents.
“Because of this, we are optimistic that moviegoers will flock to the cinemas to support all the entries and bring back the Philippine movie industry to its old glory.”
NO RIVALRY AMONG ENTRIES
May Facebook post din si Vincent de Jesus, na writer, composer, musical director ng Isang Himala.
Ani Vincent: “It is so beautiful, progressive and generous that actors, directors, creative teams and production crew of all the ten films are supporting each other at the 50th MMFF.
"Lalo na noong mga premiere nights namin. Actors from the 10 entries would watch each others' films.
"At kaninang Festival Parade they would promote and support each other's films. Guysh, hindi kami magkakaaway. Walang dark drama dito.
"Most us know each other very well, a lot of us worked on so many films for the past decades, many of us are dear friends, and some of us even worked on more than one film for this festival."
HOPING FOR VICTORY FOR ALL PELIKULANG PILIPINO
Diin pa ni Vincent, tulungan ang film industry stakeholders sa pagpapasigla muli ng pelikulang Pilipino.
Patuloy niya: "Yes, it took a village to build this industry and IT WOULD TAKE THE SAME VILLAGE to make this industry thrive again.
"Yung hindi lang fluke yung success nung isa at yung iba laglag. No one in the industry celebrates when someone else's movie fails. No one.
"Recovering from the pandemic, a successful Pinoy film when it strikes gold, should be a collective victory.
"A victory for the community and hopefully something we can sustain for years to come.
"Now it is up to the CINEMAS and the PINOY AUDIENCE to make the 50th year of the festival ground-breaking. Giving all 10 films AN EQUAL CHANCE TO SUCCEED.
"Buhay at Mahusay ang Pelikulang Pilipino! Mabuhay ang 50th Metro Manila Film Festival.
"P.S. Sana unahin niyong panoorin yung pinakamaliit na bilang ng cinemas. ISANG HIMALA only has 31 cinemas for now. We need your help. Mwah.”
Facebook post ni Direk Perci Intalan ng The IdeaFirst Company, “And The Breadwinner Is… all the madlang pipol who showed the ATBI family so much love at the MMFF Parade! Thank you and see you at the cinemas on Dec 25!
“Congrats Breadwinner family and also all the other 9 films! And thank you for the mammoth organizing effort Team MMFF!”
GORGY RULA:
Sa artists tent, nagpa-picture si Dennis Trillo ng Green Bones kasama si Judy Ann Santos ng Espantaho, at si Gladys Reyes ng And The Breadwinner Is…"
"Mara Clara at Ibarra," sey ni Dennis. Sina Judy at Gladys ang OG Mara Clara, samantalang gumanap si Dennis bilang Ibarra sa Kapuso primetime series na Maria Clara at Ibarra.
Sey ni Juday, “Ang witty-witty talaga ng taong ito kahit hindi siya mukhang witty.”
Nang makatsikahan natin si Gladys noong Martes para sa Troika Talk, nasabi niyang bilib na bilib siya sa husay ni Dennis sa Pulang Araw.
Bet ni Gladys na mag-best actor si Dennis sa MMFF 2024 para sa Green Bones. Sa meet-the-press ay pinag-react ni DJ Jhai Ho si Dennis sa usapan na siya ang matunog na magbe-best actor.
Sabi ni Dennis, "Sa totoo lang, mga kaibigan, ngayong Kapaskuhan, ayoko nang magpa-pressure sa pakikipagpagalingan, pakikipagpaligsahan, pataasan ng ihi kung kanino man, di ba?
"Ang gusto ko lang, ma-enjoy ng mga tao yung sampung entries ngayong taon dahil napakaespesyal nito.
"Sigurado ako, napakaganda. Unique yung mga entries, at merong pelikula para sa bawat Pilipino.”
Nakatsikahan namin si MMFF ExeComm Chair Atty. Don Artes nang sa French Baker sa SM Manila matapos ang opening ceremony ng MMFF 2024.
Masayang lahad ni Chair Don Artes, “Sa dami po ng tao, masasabi natin na very successful itong Parade of the Stars.
“Sa simula pa lang ay napakakapal na ng tao, at sa amin pong monitoring, sa lahat po ng dadaanan ng parada ay napakakapal na po ng tao.
“So in so far as this parade is concerned, masasabi ko po na successful. Lahat po ng naglalakihang artista ay dumalo, excited.
“At nakita niyo naman po siguro yung picture-taking kanina. Mahihirapan na po siguro tayong mag-assemble ng ganoon karami at ganoon kalalaking artista sa isang lugar, at sa isang okasyon.”
MMFF CHAIR DON ARTES MUM ABOUT HIS BEST BETS
Wala pang napanood si Chair Don Artes sa sampung entries ng MMFF 2024. Tumanggi siyang sabihin kung alin ang gusto niyang unahing panoorin.
Nakangiting sabi ni Chair Don Artes, “Huwag na lang po…”
Dumalo si Chair Don Artes sa mga presscon ng entries kung saan naimbitahan siya.
“First time ko pong ginawa yang um-attend ng presscon. In fact, marami pong nag-imbita sa akin ng premiere, hindi na ako pumunta!” bulalas ni Chair Don Artes.
“Kasi pag may pinuntahan akong isa at meron akong hindi napuntahan, kailangang panoorin ko lahat.
“E, alam niyo naman, marami rin po tayong trabaho, lalung-lalo na po yung traffic pag Kapaskuhan. Kailangan po nating pagtuunan ng pansin din outside itong MMFF.”
Sa sampung float ng MMFF 2024, may mapipili ba siyang dalawa na pinakamaganda?
Sagot ni Chair Don Artes, “Well, kasama po ako sa magdya-judge ng float pero hindi ko na po sasabihin. Ha! Ha! Ha!
"Marami pong maganda. Halos lahat naman po, magaganda. Yung iba, mas simple. Yung iba, mas elaborate. So tingnan po natin."
Ang ganda ng stage sa Manila Central Post Office. Magkano ang budget nila roon? “
Well, ex-deal po yan. So, wala pong ginastos ang MMFF diyan. So, in-ex-deal po namin, tapos kumuha kami ng mga sponsors.”