JERRY OLEA
Sa Enero 14, 2025, Martes, ang streaming sa Netflix ng ika-100 at huling episode ng Kapamilya primetime series na Lavender Fields.
Sa Enero 17, Biyernes, naman mag-uumpisa ang Netflix streaming ng advance episodes ng Kapamilya seryeng Incognito.
In full force ang pitong bida ng Incognito na sina Daniel Padilla, Richard Gutierrez, Maris Racal, Anthony Jennings, Ian Veneracion, Baron Geisler, at Kaila Estrada sa fan con noong Enero 7, Martes, sa Vista Mall sa Taguig City.
Iyon ang first public appearance ng MaThon tandem matapos sumambulat ang screenshots issue noong Disyembre 3, 2024.
Ayon sa isang kaibigang vlogger na nag-cover sa fan con, tinilian ng fans ang Magnificent Seven ng Incognito, pero mas malakas ang hiyawan kina Daniel, Richard, Maris, at Anthony.
Read: Maris Racal and Anthony Jennings reunite after controversy
NO PERSONAL QUESTIONS
Sama-sama pa rin ang pitong bida ng Incognito sa pa-press junket ng Netflix this Friday, January 10.
Kabilin-bilinan sa mga mag-iinterbyu, “keep all questions focused on the series, NO PERSONAL QUESTIONS.”
Pre-approved ang mga tanong.
Ang deadline ng pagsusumite ng questions ay noong Enero 8, Miyerkules ng 6:00 P.M.
Magkakasama pa rin ang Magnificent Seven sa guesting sa ASAP Natin ‘To sa Enero 19, Linggo.
Nakunan na ito. Walang hiwalay na duet ang MaThon.
Sama-sama ang pitong bida sa isang production number.
Ayon sa source ng PEP Troika, bago mag-umpisang umere ang Incognito ay good for ten weeks na ang natapos.
Tatagal ng 26 weeks ang Incognito.
May mga kukunan pa silang eksena sa Benguet ngayong Enero.
Sa Pebrero ay nakatakdang mag-shoot sila sa Japan.
Ang logline ng Incognito, “In search of redemption, a crew of misfits joins a private military company on a series of deadly missions against the criminal underworld.”
Read: What to expect from Maris Racal, Anthony Jennings in Incognito
GORGY RULA
Maganda at kapana-panabik ngayon ang huling episode ng Lavender Fields.
Bukas, Biyernes ng gabi, pa mapapanood ang kasunod na episode nito.
Patindi nang patindi ang takbo ng kuwento. Sana, ma-maintain hanggang sa ending nito.
Magagaling ang nasa main cast ng Lavender Fields.
Pero ang isa sa napansin ko dito ay ang ganda ng mga eksenang kasali si Race Matias bilang NLEA agent na assistant ni Albert Martinez.
Lumulutang ang karakter na ginagampanan niya, at magaling din kasi siyang umarte. Kaya malamang na mabigyan siya ng mga kasunod na projects na mas malaki ang role at isa na sa mga bida.
Si Race ay anak ni Herbert Bautista.
Read: Race Matias, son of Herbert Bautista, proves acting chops in Linlang
NOEL FERRER
Simula’t sapul, naniniwala ako sa talent ni Maris Racal.
Kaya gusto ko siyang makabawi sa paggawa ng magagandang content tulad na lang ng maganda sanang kalalabasan ng Incognito at yung Toronto International Film Festival entry niyang Sunshine.
Sana talaga, masuportahan pa siya ng mga tao sa magaganda siyang nagagawa -- and I heard may Netflix movie pa sila ni Anthony Jennings na nakakasa na.
Go, go, Maris!!!