GORGY RULA
Masayang ikinuwento ni Regine Velasquez ang pamamanhikan sa stepdaughter niyang si Leila Alcasid.
Nasalang daw sila ni Ogie Alcasid sa kantahan na ikinatuwa ng lahat, lalo na ang pamilya ng fiancé ni Leila na si Mito Curtis.
Nagkasama-sama silang lahat sa pamamanhikan na dinaluhan din ng ina ni Leila na si Michelle Van Eimeren.
Read: Ogie Alcasid's daughter Leila now engaged to BF Curtismith
“Ayun, masaya naman. We got to meet the family of Mito, her fiancé.
"So, we’ve got to meet them, it was a fun dinner. Dinner lang naman, wala namang anything na ano, dinner lang, tapos kumanta lang kami ng asawa ko.
“And they were so happy about the musical numbers, hindi naman nila ini-expect yun. We also didn’t think of doing it, parang last minute lang.
"It was a nice, nice dinner,” saad ni Regine sa media conference ng concert niyang Reset na gaganapin sa Samsung Performing Arts Theatre sa Circuit, Makati City, na nakatakda sa February 14, 15, 21, at 22.
Read: Ogie Alcasid, handa nang maging father of the bride
REGINE ON GIVING ADVICE TO LEILA
Parang anak na ang turing ni Regine sa kanyang stepdaughter, kaya nagbibigay siya ng payo kay Leila.
Pero mas mahalaga pa rin daw siyempre ang sasabihin ng mismong ina ni Leila na si Michelle.
“Normal lang naman yun pag ka nanay ka, kahit unsolicited advice, kahit hindi hinihingi. Oo siyempre, kahit papaano, meron naman konting binibigay.
“But, I’m also… kasi I want her to have her time with her mom, si Michelle. Kasi siyempre meron din siyang sarili na i-impart dun sa daughter niya.
“So, ayun! Meron din akong konti, pero siyempre mas importante yung kay Michelle,” pakli ni Regine.
Read: Regine Velasquez shares wisdom on her four-decade career
NOEL FERRER
Ipinaliwanag ni Regine kung bakit Reset ang pamagat ng kanyang concert.
“Reset, because we thought, you know, it’s the new year. A lot of people want to reset their lives, kung ano yung mga… especially yung mga hindi masyadong naka-experience ng magagandang moments last year.
“Di ba, yun naman yung mga ano natin, as a human being we can always reset? We can pause, and then reset.
“But as far as me is concerned, as far as the show is concerned, it’s really just me singing the old songs and resetting it, and in this moment now.
“Kasi siyempre a lot of these songs, especially yung mga originals, I sang them, like, 20 years ago. So, I’m excited to know how I would interpret those songs.
“Kasi marami din akong mga kantang kakantahin na never naging singles. So, ibig sabihin, isang beses ko lang kinanta nung ni-record ko lang. So, I’m excited,” saad ni Regine.
Sa February 14 at 22 ay originals ang naka-lineup na mga kanta sa Reset, at sa February 15 at 21 ay covers naman.
JERRY OLEA
Bukod sa apat na gabing Reset concert, nakatakda na rin ang U.S. tour ng Asia’s Songbird sa Mayo, at excited din siya sa gagawin niyang pelikula ngayong taong ito.
“For now, yun na lang muna siguro. Siguro I’m excited to see if there’s going to be an acting gig for me. We’ll see,” pakli ni Regine.
Read: Regine Velasquez, planong balikan ang pag-arte ngayong 2025