JERRY OLEA
Lasing si Naldy Padilla sa Frontmen & Rock Chix concert noong Enero 25, 2025, Sabado ng gabi, sa Music Museum sa Greenhills, San Juan City, Metro Manila.
Naitawid pa rin naman ni Naldy ang concert na tinampukan nila nina Cooky Chua, Wency Cornejo, at Lei Bautista, with guest Andrew E.
Siyempre, hindi puwedeng matapos ang concert na hindi nila kakantahin ang kani-kanyang top hits.
For Andrew E, "Banyo Queen" and "Humanap Ka Ng Panget." Nagpaagaw pa siya ng sumbrero.
Kay Cooky, ang elegiac na "Paglisan."
Kay Wency Cornejo, ang pagsamo ng mga kabataang nangangarap, "Next in Line." Napaluha ang butihing ina niyang si Mel Tiangco.
Kay Lei, ang national anthem ng mga natatrapik, "Cool Ka Lang."
At kay Nal-hik, este, Naldy… "Pagsubok."
Read: Frontmen & Rock Chix concert features iconic ’90s lead singers
MADONNA AND MICHAEL JACKSON HITS
Ang pinakapayanig sa concert, iyong paghataw nila ng 1980s hits nina Madonna at Michael Jackson.
Hirit ni Wency, “Eto ang lagay namin para kay Drew. Pero kalokohan lang talaga! Please, huwag ninyong seseryosohin! Never in my life akalain ko, kakantahin ko ang awiting ito!
“Pero lalo na siguro si Naldy Padilla! Dahil hindi ko mawari kung paano niya gagawin ito pero…”
Hiyaw ni Naldy, “Sumabay kayo, ha, dahil hindi namin plinano ito pero baka gusto niyo lang!”
“Sige nga!” sigaw ni Wency, at binanatan ang pagdu-duet nila ni Naldy ng "Like A Virgin."
“I made it through the wilderness/ Somehow I made it through/ Didn't know how lost I was/ Until I found you
“I was beat, incomplete/ I've been had, I was sad and blue/ But you made me feel/ Yeah, you made me feel/ Shiny and new
“Oh, like a virgin/ Touched for the very first time/ Like a virgin/ When your heart beats next to mine”
Pinakiusapan ni Wency ang audience na tumayo, at tumalima ang mga tao, naki-sing-along at nakiindak.
Pag-exit nina Wency at Naldy, umentra sina Cooky at Lei at nag-duet ng "Billie Jean," at kapagkuwan ay sama-sama silang apat sa pag-awit ng "Material Girl" at "Beat It."
Sabi ni Wency afterwards, “All the rest of the songs na kinanta namin, puro ‘90s yon. Ngayon lang po kami nag-‘80s, yan talaga yung pinanggalingan. Yan ang music na kinalakihan namin.”
“Influences!” sey ni Cooky.
NOEL FERRER
“The Queen of our era, with one of the most beautiful songs ever written,” ang pag-introduce ni Wency kay Cooky bago nito kantahin ang "Paglisan."
Pasakalye ni Cooky, “Itong kanta na ito, sobrang ganda ng kanta na sinulat ni Barbi [Cristi]. Si Barbi po ay best friend ko since I was 12 years old.
“And si Mike Villegas naman, best friend ko din since ano bang edad? Sixteen? Ha! Ha! Ha! Ha! Ha!"
Nasa audience ang kabiyak ni Mike na si Bayang Barrios.
Pagpapatuloy ni Cooky, "So, para sa inyong lahat, sana naaalala niyo pa. Been a long time ito, e.”
Palakpakan ang marami at sumabay sa pag-awit ni Cooky ng "Paglisan."
Read: Cooky Chua naiinis noon sa kanta nilang "Paglisan"
NEXT IN LINE
Pag-exit ni Cooky ay umentra si Wency, at tumatagos sa puso ang kanyang litanya.
“Alam niyo minsan kasi, napaisip ako. Now I’m 57 years old, almost 58, and minsan naiisip ko, naaalala pa kaya nung mga tao ko kung sino ako?
“Kasi minsan, minsan tulad nung isang araw, nag-guest ako sa isang TV program… naiisip ko minsan, yun nga, do people still know who I am?
“Because sometimes as a celebrity, you really sort of try to hang on to all that fame, to the adulation.
“But then again, alam nyo, naisip ko, napagtanto ko — it’s not really that important to me anymore.
“What’s important are the songs that I left behind. What’s more important is the legacy of the music that I have written, the music that I have recorded. The music that will stay all throughout time.
“So para sa akin, hindi na talaga importante kung star pa ba ako, laos na ba ako. Ang importante, nandiyan pa rin yung musika na nilikha ko.”
Palakpakan at sigawan nang malakas ang mga tao.
Pagpapatuloy ni Wency, “So ito po, ang kauna-unahang awit na aking inilabas, na tinangkilik malamang ninyong lahat. Malamang sa malamang, ninyong lahat.
“So if you remember the song, I tell you right now, I really don’t mind if you don’t remember me, but please keep the song in your heart.”
Naki-sing along ang audience sa pag-awit ni Wency ng "Next in Line."
Read: Wency Cornejo, hindi tinantanan ang pangarap maging chef
GORGY RULA
Humigit-kumulang tatlong oras ang Frontmen & Rock Chix concert na prinodyus ni Jonathan L. Wee ng Ticket1 Concerts.
Naki-jamming si Ice Seguerra kina Cooky Chua at Lei Bautista sa pagdu-duet ng "Torn" ng alternative rock band na Ednaswap.
Ang pinakasikat na version nito ay iyong 1997 cover ng Australian singer na si Natalie Imbruglia.
Ang ganda ng duet nina Cooky at Wency Cornejo ng "Habang May Buhay."
Dedicated raw ito ni Cooky kay Jo-Ann Maglipon, na sinabi niyang naroon sa "saddest moment of my life." Si Jo-Ann ay editor-in-chief ng PEP.
Gusto sana nila iyong i-record noon ang kanta pero hindi nagkasundo ang kani-kanyang music label na nakakontrata sila.
Sa umpisa pa lang ay nakakalimutan na ni Naldy Padilla kung saan niya inilalagay ang mic.
Si Lei ang MVS, most valuable seller ng tickets. Ang supporters niya, meron pang pa-tarpaulin.
NALDY'S "PADILLA" VOICE
Pinansin ni Wency ang boses ni Naldy na katunog ng iba pang Padilla, kabilang sina Robin at Daniel, pati si BB Gandanghari.
“Pero malamya,” sambot ni Naldy, “mula sa lolo ko hanggang sa amin, ganun talaga kami magsalita.”
Tanong ni Lei, “Bakit?”
Sagot agad ni Naldy, “Hindi ko alam.”
Sambit ni Wency, “It’s in the genes.”
Read: Naldy Padilla, tinawag na "fake" ang relaunched Orient Pearl
COOKY'S FACEBOOK POST
Facebook post ni Cooky noong Enero 27, Linggo: “ang saya saya saya kagabi!!! unang una maraming salamat sir jonathan wee at sa buong staff and office for believing in us. sabi mo nga first time mo mag produce ng january. sobrang challenging pero naitawid!!!
“kay wency na, sabi ko nga sa spiel ko kagabi isang musical genius. sana ay wag mong tuluyan iwan ang musika. napakalaking sayang ng talento kung ganun.
“kay Naldy na sabi nga bayang [barrios], makalaglag panty ang boses! hindi nag flat o sharp.
“kay lei na nagbibigay ng contagious positivity and energy bukod pa sa pagiging top seller namin. salamat sa pagkakaibigan guys, i love you!
“sa pancake 80 with Donnie and Kwachi sa napakahusay at tight na tugtugan. sa glam team ng rock chicks mamarmhaye and may, na nag stay until the end of the show, we labyu!! aaaat sa lahat ng nanuod, nakisayaw, nakikanta-we love youu!!!!”
