JERRY OLEA
Tatlong pelikulang Pinoy ang ipinalabas noong Enero 2025 sa mga sinehan — Her Locket na nag-open noong Enero 22, at Phantosmia at Sampung Utos Kay Josh na nag-open noong Enero 29.
Read: Four-hour movie ni Lav Diaz, palabas na sa local theaters
Ngayong Pebrero 5, Miyerkules, ay anim na bagong foreign movies ang matutunghayan sa local cinemas.
Ang mga ito ay Woodwalkers, The Baby in the Basket, Peter Pan’s Neverland Nightmare, IU Concert: The Winning, at ang exclusive sa SM cinemas na Firefighters at Out of the Nest.
THE RAPISTS OF PEPSI PALOMA
Ngayon sana ang opening day ng ika-17 pelikula ni Direk Darryl Yap na The Rapists of Pepsi Paloma (TROPP), starring Rhed Bustamante.
Hindi nakumpleto ni Direk Darryl iyong mga dokumentong hiningi ng MTRCB para may clearance na rebyuhin ang pelikula.
Kaya hindi narebyu ng MTRCB ang TROPP para maipalabas sa February 5 playdate.
Read: Pepsi Paloma movie, hindi tuloy ang showing sa February 5
Sabi ni Direk Darryl sa Facebook, ang TROPP ay para sa ika-40 anibersaryo ng kamatayan ni Pepsi Paloma.
Sa Mayo 31 pa ang 40th death anniversary ni Pepsi.
Hopefully ay makumpleto ni Direk Darryl ang tatlong certificate na ni-require ng MTRCB upang walang sabit sakaling rebyuhin nila ang pelikula.
Matatandaang hindi rin nirebyu ng MTRCB ang documentary na Lost Sabungeros dahil sa court case kaugnay rito. Baka ma-sub judice ang MTRCB kapag nirebyu nito ang Lost Sabungeros.
Pakiwari ko ay ganoon din ang dilemma ng TROPP.
Dahil sa pasabog na teaser nito noong Enero 1, 2025 ay kinasuhan ito ni Vic Sotto.
Read: Vic Sotto files 19 counts of cyber libel against Darryl Yap
LOST SABUNGEROS AND DEAR SANTA
Take note na may special screenings sana ang Lost Sabungeros sa 20th Cinemalaya filmfest noong Agosto 2024 sa Ayala Malls Manila Bay.
Dahil sa security reasons ay kinansela ang Cinemalaya screenings niyon.
Nag-special screenings ang Lost Sabungeros sa 12th QCinema noong Nobyembre sa Gateway Cineplex 18 sa Cubao, Quezon City.
Naipalabas din iyon sa UP Film Institute sa UP Diliman, Quezon City.
Hindi kasi sakop iyon ng MTRCB.
Maski sa online o streaming platforms ay walang jurisdiction ang MTRCB, kaya puwede roon ang mga palabas na hindi dumaan sa MTRCB.
PERO ang sinuman ay maaaring dumulog sa korte kung may reklamo sila sa nasabing palabas.
Read: Lost Sabungeros director thanks QCinema for showing canceled docu
Iyong pelikulang Dear Santa (dating Dear Satan) nina Paolo Contis at Sienna Stevens ay na-X ng MTRCB.
Didiretso na lang sana iyon na mag-streaming sa Netflix, pero maging doon ay hindi natuloy.
Read: MTRCB says X-rating for Dear Satan is final
Sakaling makumpleto ng distributor o producer ng TROPP ang certificates na hiningi ng MTRCB, at marebyu nila ang pelikula — nariyan ang posibilidad na ma-X ito.
Sakaling ma-X, puwede siyempreng iapela iyon, gaya ng nangyari sa documentary na Alipato at Muog na na-X sa unang rebyu pero pumasa sa second review.
Read: MTRCB, nilinaw na hindi pa nire-review ang Pepsi Paloma movie
NEXT ATTRACTION
At any rate, dalawang Pinoy movies ang kasado na sa February 12 playdate — ang Paquil nina Beauty Gonzalez at JM de Guzman, at Ex Ex Lovers nina Jolina Magdangal at Marvin Agustin.
Makikipagbakbakan ang mga ito sa Captain America: Brave New World, pati sa Bridget Jones: Mad About The Boy.
Nasa February 19 playdate naman ang Mananambal nina Nora Aunor at Bianca Umali.
Nasa February 26 playdate ang Everything About My Wife nina Jennylyn Mercado, Dennis Trillo, at Sam Milby.
Nasa March 5 playdate ang In Thy Name ni McCoy de Leon.
Nasa March 21 playdate ang documentary na Eraserheads: Combo on the Run.
Nasa March 26 playdate ang My Love Will Make You Disappear nina Kim Chiu at Paulo Avelino.
At nasa April 19, Black Saturday, playdate ang Fatherland nina Allen Dizon at Iñigo Pascual.
Maaari pang magkaroon ng pagbabago ang mga playdate na ito.
Para sa updates, bisitahin ang Facebook pages ng Cinema Exhibitors Association of the Philippines (CEAP), SM Cinema, Ayala Malls Cinemas, at Robinsons Movieworld, maging ang website ng Click The City.
Read: Erik Matti at Neil Daza, nagtatalo dahil sa Eddie Garcia Law
GORGY RULA
Marami ang nagsasabing mahihirapan at wala pang katiyakan ang The Rapists of Pepsi Paloma ni Direk Darryl Yap.
Most likely sa streaming service na ito. Pero patulan kaya ito ng Netflix na alam naming umiiwas sa ganitong isyu lalo na’t kung magkakaroon pa ng conflict sa MTRCB?
Pero marami sa producers natin ang naghihintay ng magandang playdate sa pelikula nilang naligwak sa nakaraang MMFF.
Ang iba ay umaasang magkakaroon ng Summer Metro Manila Film Festival, para doon na lang nila isasali ang kanilang mga pelikula.
Sa susunod na araw kaya ay mag-a-announce na ang MMFF kung tuloy ang Summer MMFF sa June?
Hintay-hintay rin tayo kung may big stars pang a-attend sa 2nd Manila International Film Festival sa Marso 4-7 sa U.S.
NOEL FERRER
Pebrero 5-11, 2025 ang Sine Sinta: Pag-ibig at Pelikula na handog ng Film Development Council of the Films (FDCP).
Ang premium films na Gitling at paborito kong Past Lives ay mapapanood sa halagang PHP200 sa Ayala Cinemas (Market! Market!, Trinoma, Circuit) at Cinematheque (Iloilo, Negros, Davao, Nabunturan).
FREE ang screenings sa Cinematheque ng Pinoy movies na Sana Dati ni Jerold Tarrog; Ulan ni Irene Villamor; Sleepless ni Prime Cruz; Kung Mangarap Ka’t Magising ni Mike de Leon; I'm Drunk, I Love You ni JP Habac; Labs Kita... Okey Ka Lang? ni Jerry Lopez Sineneng; Kung Paano Siya Nawala ni Joel Ruiz; at Rainbow’s Sunset ni Joel Lamangan.
“Walk-ins are welcome on a first-come, first-served basis. See you mga kasine-sinta!” sabi pa ng FDCP sa Facebook page nito, kung saan nakadetalye ang mga araw at oras ng screenings.
Itinampok din ang Gitling at Past Lives sa Valentine’s Outdooor Screening noong Pebrero 4, Martes ng gabi, sa MiraNila Heritage House & Library, Mariposa St., Quezon City.
Naka-lineup for February 12 sa Pelikula sa MiraNila ang short films na Living Things at Tokwifi, plus Isa Pa With Feelings.
Ang tiket ay PHP700 para sa regular moviegoer, at PHP560 para sa students.
All these film efforts sa communities and theaters at lower and more affordable rates ay nakakatulong sa pag-push ng mga pelikulang dapat mapanood pa ng mas maraming tao.
Sana talaga, marami pang ibang efforts tulad ng mga Eduk-Sine sa UP o ito ngang napag-uusapang Summer MMFF para lalo pang makatulong sa ating industriya.
Sa huli’t huli, tayo-tayo rin lang ang magtutulungan.