JERRY OLEA
Limang pelikula ang nag-open sa local cinemas ngayong Pebrero 12, 2025, Miyerkules.
Dalawa sa ito ay gawang-Pinoy, ang Ex Ex Lovers nina Jolina Magdangal at Marvin Agustin, at ang Paquil nina Beauty Gonzalez at JM de Guzman.
Tatlo ang foreign films na nag-open today sa ating mga sinehan — ang superhero film na Captain America: Brave New World, ang animated adventure film na Buffalo Kids, at ang romcom film na Bridget Jones: Mad About The Boy.
Ang Buffalo Kids ay locally released ng Nathan Studios. Nabigyan ito ng 54 sinehan sa opening day.
Punong-abala si Sylvia Sanchez sa special screening nito na dinaluhan ng maraming bata noong Pebrero 9, Linggo, sa Gateway Mall II, Cubao, Quezon City.
Read: Sylvia Sanchez, maraming aral na natutunan sa pagsali sa MMFF
Ang Paquil ay nabigyan ng 47 sinehan — 20 sa Metro Manila, 20 sa Luzon, 4 sa Visayas, at 3 sa Mindanao.
Read: Beauty Gonzalez takaw-pansin sa 100-anyos na kasuotan sa premiere
At this writing, ang reunion movie ng MarJo (Marvin at Jolina) na Ex Ex Lovers ay nabigyan ng 187 sinehan — 57 sa NCR, 40 sa Mega Manila, 42 sa Luzon, 25 sa Visayas, at 23 sa Mindanao.
Read: Jolina Magdangal tells Marvin Agustin, "Ang petty natin dati."
Ang Captain America: Brave New World ang ika-35 pelikula sa Marvel Cinematic Universe (MCU).
Bida rito si Anthony Mackie bilang Sam Wilson, ang bagong Captain America.
Nasa cast din sina Danny Ramirez bilang Joaquin Torres aka Falcon, Shira Haas bilang Ruth Bat-Seraph, Giancarlo Esposito bilang scientist na si Seth Voelker aka Sidewinder, at Harrison Ford bilang US President Thaddeus Ross aka Red Hulk.
Ang Bridget Jones: Mad About The Boy ay may 141 sinehan — 80 sa Metro Manila, 26 sa Luzon, at 35 sa VisMin.
CAPTAIN MARJO
Paandar ng SM Cinema sa socmed, kesyo ang “Captain MarJo” ang love triangle na mahirap pagpilian.
Ang tinutukoy riyan ay ang mga pelikulang Captain America: Brave New World at Ex Ex Lovers.
Ang limang pelikulang nag-open today sa mga sinehan ay pawang rated PG (Parental Guidance) ng MTRCB.
Ibig sabihin, kailangan ng patnubay at gabay ng magulang para sa mga batang manonood na edad 12 pababa.
Alin kaya sa mga pelikulang ito ang “pinakbet” (as in pinaka-bet) ng mga magde-date sa Valentine’s Day, Pebrero 14, Biyernes?
NEXT ATTRACTION
O mas bet ng local moviegoers ang mga coming soon na movies sa mga sinehan?
Nasa February 19 playdate ang horror movie na Mananambal starring National Artist Nora Aunor and Bianca Umali.
Kasabay nito ang showing ng The Monkey, Homestead, at The Room Next Door na idinirek ni Pedro Almodovar.
Nasa February 26 ang Everything About My Wife nina Dennis Trillo, Jennylyn Mercado at Sam Milby, pati The Caretakers nina Iza Calzado at Dimples Romana, at iyong Nosferatu.
Nasa March 5 playdate iyong In Thy Name ni McCoy de Leon, at nasa March 12 playdate ang Lilim ni Heaven Peralejo.
Maaari pang magkaroon ng pagbabago ang mga playdate na ito.
Para sa updates, bisitahin ang Facebook pages ng Cinema Exhibitors Association of the Philippines (CEAP), SM Cinema, Ayala Malls Cinemas, at Robinsons Movieworld, maging ang website ng Click The City.
NOEL FERRER
Nakakakaba pero umaasa ako na sana, tangkilikin ng mga kababayan natin ang Ex Ex Lovers na pelikula nina Marvin at Jolina na alam mo naman na pinag-effort-an nila talaga!!!
From the filmmaking with Dan Villegas and Tonet Jadaone to the promo na sobrang sipag nila talaga, they did everything para maging event ang showing ng pelikulang ito talaga!
Sana kumita! Sana talaga!!!
GORGY RULA
Ang nakuha naming info mula sa ilang reliable source ng PEP Troika, hindi pa rin pumapalo ang mga pelikula natin.
As of 3:00 P.M. daw ay hindi pa sumasampa sa PHP1M ang kinita ng Ex Ex Lovers nina Jolina Magdangal at Marvin Agustin, kahit nadagdagan ito ng tatlo pang sinehan.
Kung merong grupong magpapa-block screening sa gabi, baka medyo aangat pa.
Ang Captain America: Brave New World daw ang okay ang takbo sa takilya.
As of 3:00 P.M. ay umabot na raw ito ng PHP2M at ang tantiya, mahigit PHP10M ang first-day earnings nito.
Kung maganda ang feedback nito, puwede pang lumakas hanggang weekend.
Maaring iba sa kanila ito, dahil first time pa lang na isang black na si Anthony Mackie ang gumanap na si Captain America.
May pasok pa ngayon kaya hindi pa naglabasan ang mga bata para manood ng Buffalo Kids.
Tingnan natin sa darating na weekend kung makipagbakbakan ang Buffalo Kids kay Captain America.
Read: MMFF 2024: Tatlo o apat na pelikula lang ang kumita sa box office