GORGY RULA
Ipinakilala si Mavy Legaspi sa It’s Showtime ngayong Biyernes, February 21, 2025, bilang dagdag na host sa Pinoy Big Brother (PBB) Celebrity Collab Edition.
Siya ang tinaguriang "Kapuso Royal Tropa ni Kuya," at ang dagdag na Kapuso host sa Kapamilya reality show.
Read: ABS-CBN, GMA-7 join forces for PBB Celebrity Edition Collab
Nag-judge si Mavy sa segment na "Sexy Babe" ng It’s Showtime, kasama sina Max Collins at Chie Filomeno.
Binati siya nina Vice Ganda sa pagiging bahagi nito ng PBB Celebrity Collab Edition.
Sabi ni Mavy: “I’m very excited actually na makilala yung mga bagong housemates na taga-Sparkle, of course Star Magic.
"And siyempre just to be a part of yung pinakasikat na bahay sa bansa, siyempre ang Bahay ni Kuya.
“I’ve been watching it since when I was a kid. Bata pa lang ako, nanonood na ako ng PBB.
"And now to be one of the hosts together with Gabbi [Garcia], Kim [Chiu]... dapat Ate Kim pala, Kuya Enchong [Dee], Kuya Robi [Domingo], Ms. Melai [Francisco], and of course, Bianca Gonzalez.
“I’m very excited na and, of course, the PBB Celeb Collab Edition. March 9 na yan.”
Read: Gabbi Garcia to host Pinoy Big Brother Celebrity Edition Collab
Ngayon lang uli nabigyan ng project ng GMA-7 ang binata nina Carmina Villarroel at Zoren Legaspi, pagkatapos niyang mag-host sa noontime show na Tahanang Pinakamasaya, na dating umookupa sa timeslot ng It's Showtime sa Kapuso network.
“Siyempre, medyo may kaba," sabi pa ni Mavy.
"Pero I’m very excited na makakasama ko lahat ng amazing hosts, and siyempre ang mga bagong housemates.
"It’s an honor. It’s truly an honor to be a part of PBB."
WHO WILL BE THE HOUSEMATES FROM SPARKLE AND STAR MAGIC?
NOEL FERRER
Ngayon pa lang ay may mga lumulutang nang pangalan kung sinu-sino ang posibleng papasok sa Bahay ni Kuya.
Ayon sa ilang reliable source, kabilang sa Sparkle talents na ipapasok ang baguhang sexy actress na nagho-host minsan sa mga media conference ng ilang Kapuso shows.
Sa pagkakaalala namin ay minsan na-link itong si sexy actress sa isang sikat na Kapamilya actor.
Papasok din daw sa Bahay Ni Kuya ang anak na dalaga ng kilalang aktres at premyadong aktor.
Ngayon lang namin nalamang talent na rin pala siya ng Sparkle.
Read: Mark, payag maging housemate sa PBB Celebrity Edition Collab?
JERRY OLEA
Pagdating naman sa Star Magic talents, totoo kayang papasok sa Bahay ni Kuya ang guwapong baguhang aktor?
Lumulutang din ang pangalan ng sikat na young actress na may ka-loveteam na guwapong aktor.
Sikat ang loveteam nila, pero ang tsika, susubukan daw silang i-partner sa iba.
Baka ipa-partner daw itong si sikat na young actress kay guwapong baguhang aktor.
Susubukan daw sa Bahay Ni Kuya kung may chemistry silang dalawa.
Abangan natin iyan sa March 9 kung totoo itong mga tsikang nasagap ng PEP Troika.
Totoo rin kayang sa GMA-7 lang mapapanood ang PBB Celebrity Collab Edition?