GORGY RULA
Pinasaya ni Melai Cantiveros ang media conference ng Pinoy Big Brother (PBB) Celebrity Collab Edition sa Dolphy Theater noong Sabado, March 1, 2025.
Ang unang pinaglaruan n Melai ay si Robi Domingo, na ikinonek ang paghahain nito ng reklamo sa National Bureau of Investigation dahil sa threat na natanggap mula sa alleged DonBelle fan.
Read: Robi Domingo seeks NBI help, warns public vs online harassment
Napag-usapan kasi ang sa online streaming ng PBB Celebrity Collab Edition sa Pinoy Big Brother YouTube page, Kapamilya Online Live, at iWant TFC.
Pagdating sa free TV ay sa GMA-7 lang ito mapapanood ng alas-diyes ng gabi mula Lunes hanggang Biyernes, at 6:15 ng gabi pagdating ng weekends.
ROBI DOMINGO ON ONLINBE BASHERS
Sabi ni Robi, pagdating sa online ay inaasahan na nila ang matitinding komento, mga bashing sa housemates, at pati na rin sa kanilang mga host.
Posibleng mas puputaktihin ito ng bashers dahil celebrities ang magiging housemates na taga-Sparkle at Star Magic, ang talent management arm ng GMA-7 at ABS-CBN, respectively.
Sabi ni Robi: “I think pag sinabing celebrity ano na agad e, engraved na sa kanya yung defense systems... yung mechanism na you have to really prepare.
“Especially when you go online, di ba? Ang daming mga unnecessary comments, mga trolls.
“Being viral is a good thing. Pero may mga repercussions din siya siyempre. May mga effects siya.
"So, last season, yung first na parang stern warning.
“Actually, every week nagpapaalala kami na be kind sa social media.
“Kasi grabe na yung mga threats talaga na nare-receive ng mga housemates, and their families are involved as well.
“Kaya, grabe kami sa pag-prepare ng mga sarili namin.”
Read: ABS-CBN, GMA-7 join forces for PBB Celebrity Edition Collab
Kahit ang celebrities na magiging housemates sa Bahay Ni Kuya ay pinaghahandaan na rin nila ito.
“Actually for this season, especially ang mga celebrities, handa sila.
"But at the same time, yung mga celebrities, gumagawa ng social media para ipakita yung kakaibang side, di ba?
“Na marunong din akong magluto, eto rin yung mga hobbies ko, tao rin ako.
"The end of the day, celebrities are people as well like you and me, just like everyone else.
“Kaya makikita nila yung difference all the celebrities from Sparkle and from Star Magic,” sabi pa ni Robi.
NOEL FERRER
Hindi pa nagbibigay ng update si Robi Domingo tungkol sa pagdulog niya sa NBI. May proseso raw ito.
Pero natanong uli sa kanya ang pag-message ni Belle Mariano para tiyaking hindi gagawin ng mga totoong fans niya ang ganoong klaseng pananakot.
Read: Belle Mariano reaches out to Robi Domingo after alleged threat from DonBelle fan
“I have the message here. Ang sabi lang niya sa akin, ‘Rest assured, Kuya, my real fans won’t do that. I’m just here.’
“I really appreciated that. Hindi naman niya kailangang gawin yun, kasi I did my research. Alam kong troll yung taong nagbigay ng comment na yun.
“But for me kasi, troll o hindi, may tao pa rin sa likod ng keyboard na yun, na nag-type nun.
“And this is really setting an example na maging accountable ka naman sa lahat na mga tina-type,” saad ni Robi.
Hindi pa maibigay ni Robi ang buong detalye kung natunton na ba kung sino ang gumawa niyon.
Nagawa raw nila ito dahil na rin sa tulong ng fans na talagang kinalkal kung sino ang may kagagawan nito.
“Everything. It’s not just because of me, it’s because of the fans.
“Nag-chat sila e. Kasi dahil nga sa virality na nangyari, I don’t have to do anything. I just let them do everything,” sabi pa ni Robi.
JERRY OLEA
Pinaalalahanan naman ni Melai Cantiveros ang mga bagong host na bahagi ng PBB na sina Gabbi Garcia at Mavy Legaspi, na paghandaan na rin ang matinding bashing kapag magsisimula na sila.
“Reminder din ito kay Mavy and kay Gabbi, because pati mga host, pine-pressure din ng mga basher.
“Be ready lang kayo, kasi grabe talaga sila. Magpa-NBI na rin kayo,” bulalas ni Melai.
Read: Mavy Legaspi addresses critics following announcement of PBB gig
HISTORIC COLLAB BETWEEN ABS-CBN AND GMA-7
Ang kaabang-abang dito sa PBB Celebrity Collab Edition ay ang panibagong collaboration na ngayon lang mangyayari sa PBB after twenty years.
Kaya hindi lang excitement ang nararamdaman ng main host na si Bianca Gonzalez, kundi kaba na rin.
“This is the first time in history na ang Pinoy Big Brother will air on GMA. So, yun pa lang, napakalaking bagay na.
“Honestly, as everyone here is so excited. But I would say, 50 percent excited, but 50 percent nervous.
“Nervous, because it’s an entirely different audience.
“Paano kami tatanggapin ng mga Kapusong loyal fans? Will they like the format, di ba? Will they like our storytelling?
“That’s why we super appreciate that Gabbi [Garcia] and Mavy [Legaspi] are joining us for this season.
"Kasi sa kanila mas familiar, di ba, ang mga loyal Kapuso fans,” saad ni Bianca.
Bukod kina Robi, Melai, Bianca, Gabbi, at Mavy, kasama rin nilang host si Alexa Ilacad.
