GORGY RULA
Mukhang nakatulong ang Pinoy Big Brother (PBB) Celebrity Collab Edition sa My Ilonggo Girl dahil tumaas ang viewership nito nang nagsimula ang reality show na collab ng GMA-7 at ABS-CBN.
Noong Lunes, March 10, 2025, ay naka-5.1% ang PBB, at mukhang inaabangan ito ng marami.
Sa My Ilonggo Girl pa lang ay marami na ang nanood, kaya naka-7.9% ito.
Noong Martes, March 11, ay 4.8% ang PBB, ang My Ilonggo Girl ay 8.1%, at ang Saving Grace ay 5.4 percent.
Read: Kapamilya, Kapuso housemates for PBB Celebrity Collab revealed
HAPPENINGS INSIDE BAHAY NI KUYA
Pinag-uusapan nang husto sa social media ang mga nagaganap sa Bahay ni Kuya.
Kinukuyog ng boys si Ivana Alawi.
Pati ang pagbibigay ni Mavy Legaspi ng tubig sa seksing aktres ay may isyu sa netizens.
May drama rin si Ashley Ortega, at may isyu rin ang closeness nina Brent Manalo at Esnyr.
Pero kilig-kiligan pa rin ang kabadingan kina River Joseph, Josh Ford, Dustin Yu, at pati kina Will Ashley at Ralph de Leon.
Narito ang ratings ng iba pang programa sa primetime noong Martes, March 11...
Ang 24 Oras ay 14%, ang Lolong: Bayani ng Bayan ay 9.3%, at ang FPJ’s Batang Quiapo ay 17.1%.
Kasunod ang Mga Batang Riles na 8.7%, at ang Incognito at 10.7%.
Read: Sinu-sino ang agaw-pansin sa Day 1 ng PBB Celebrity Collab?
NOEL FERRER
Narito ang iba pang TV ratings noong Lunes, Marso 10...
Ang TiktoClock ay naka-2.6%.
Ang It’s Showtime ay 6.4%, at ang Eat Bulaga! ay 3.5%.
Ang Prinsesa ng City Jail ay 6.3%, ang Mommy Dearest ay 6.6%, at ang Binibining Marikit ay 5.9%.
Less than 1% ang ratings ng replay ng Huwag Kang Mangamba at Viral Scandal.
Ang Fast Talk with Boy Abunda ay 4.1%. Ang Wil to Win ay 1.0%.
Ang Perfect Marriage Revenge ay 3.0%.
Pinakamalakas muli sa mga programa sa hapon ang Family Feud na naka-7.6%.
Naglaban sa nasabing episode ang cast ng Liwanag sa Dilim musical at ang Sugarcane.
Ang nagbalik na Meteor Garden ay 1.1%, at ang Frontline Pilipinas ay 2.4%.
JERRY OLEA
Abang-abang ang mga accla at inday badidang sa mga pa-Felix Bacat ng boys sa PBB Collab. Pinapakalat ang mga iyon sa TikTok!
Mukhang nadaragdagan ang supporters ni Michael Sager dahil sa exposure niya sa PBB.
BATANG QUIAPO CONTINUES REIGN
Samantala, patuloy ang pamamayagpag ng FPJ’s Batang Quiapo ni Coco Martin.
Iyong taxi na nasakyan ko kahapon, paulit-ulit na pinapanood o pinapakinggan sa kasagsagan ng trapik ang highlights sa recent episodes ng FPJ’s Batang Quiapo.
Sa mga panghapong drama series ng Kapuso Network ay consistent na weakest link ang Binibining Marikit.
Dapat sigurong “magbago” ang Lolong: Bayani ng Bayan at Binibining Marikit, o tapusin na ang mga ito sa lalong madaling panahon.
Read: Binibining Marikit, hindi pa humahataw nang todo sa ratings