GORGY RULA
Papasok na sa Mga Batang Riles ang karakter na gagampanan ni Paolo Contis, bilang si Jackson Romano na lider ng isang sindikato.
Read: Paolo Contis says he's now single amid breakup rumors with Yen
Kontrabida siya rito at talagang matindi raw ang kabuktutan ng karakter niya.
Makakasagupa niya ang mga batang riles na ginagampanan nina Miguel Tanfelix, Kokoy de Santos, Raheel Bhyria, at Anton Vinzon.
Ilang araw na rin siyang nagte-taping, pero si Bruce Roeland pa lang ang nakakaeksena niya.
Wala raw siyang problema sa mga batang bida ng Kapuso primetime series.
"Very professional, always wiling to learn, always listens naman. Baka this week ko makakatrabaho ang buong cast.
"Nakatrabaho ko naman sila, si Miguel, si Kokoy. Si Anton ang first time kong maka-work.
"Pero I’m sure... I’ve heard good things about him," saad ni Paolo.
PAOLO'S MOVIE WITH BEAUTY GONZALEZ
Nakatsikahan ko si Paolo sa meeting niya sa 3:16 Media Productions kasama si Beauty Gonzalez.
Excited si Paolo sa proyektong pagsasamahan nila ni Beauty, at ididirek ni Sid Pascua.
Finally, matutuloy na rin daw ang tambalang "Beauty-Contis."
Light lang daw ang project na isu-shoot nila sa Vietnam.
Pangalawang pelikula na ito ni Paolo sa 3:16 Media.
Ang una niyang ginawa ay ang Lost and Found, na dinirek ni Louie Ignacio, at kinunan sa New Zealand.
Natutuwa si Paolo dahil kinuha siya uli ng produksiyon, at nagkasundo sila rito ng producer na si Ms. Len Carillo.
Kuwento ng aktor: "Naging kaibigan ko sila sa New Zealand. Sobrang maalaga naman ang 3:16 Media.
"That’s why when they called me para gawin itong pelikula sa Vietnam with Beauty Gonzalez, I was very excited.
"Nabasa ko na ang script, it’s fun, it’s light. I’m very thankful na kinuha nila ako ulit," pakli ng Kapuso actor.
Nagpapasalamat din si Paolo sa GMA-7 dahil tuluy-tuloy na ang trabaho niya.
Bukod sa ilang pelikulang nagawa niya, regular ang taping niya sa Mga Batang Riles at ang gag show nilang Bubble Gang.
Read: Paolo Contis afraid of daughters dating someone like him
NOEL FERRER
Marami na rin ang nakakapansin sa madalas na pagkikita ni Paolo Contis at ng mga kaibigan niya sa Tabing Ilog na sina John Lloyd Cruz at Patrick Garcia.
Ang Tabing Ilog ay ang weekly drama show ng ABS-CBN na pinagbidahan nina John Lloyd, Paolo, Patrick, Baron Geisler, Kaye Abad, Jodi Sta. Maria, at Desiree del Valle mula 1999-2003.
Meron ba silang pinag-uusapang project na pagsasamahan nilang magkakaibigan?
"Hindi mawawala yung plano," pag-amin ni Paolo.
"Ang sa amin, siyempre napapag-usapan, we always think that we want to do something.
"Ngayon, pag mag-materialize, bakit hindi? Yun naman yun.
"Pero hindi kami nagkikita dahil ang purpose namin ay magtrabaho na magkakasama, di ba?
"Actually, naging maganda yung weekly nagkikita kami. Parang ang saya-saya na nakapagkita kami, nakakuwentuhan ng mga bagay-bagay.”
Read: Paolo at Patrick, tahimik tungkol sa isyu sa nawalay na mga anak
JERRY OLEA
Pero may binabalak bang pelikula o TV show sina Paolo, John Lloyd, at Patrick?
“Yes. We’re hoping na may magawa kami na sana matuloy,” sambit ni Paolo.
“We will see. Of course, marami yan, e. Puwedeng movie... May napapag-usapan kaming project, hindi mawawala yan, e.”
Mukhang handa naman si Lloydie na magpaka-active uli sa pag-arte.
"Alam mo, si John Lloyd, hindi mawawala yung pagiging aktor, yung pagiging artist niya," ani Paolo.
"I think, we will just take the right project, the right cast, for him to want to really work. Hindi mawawala yun.
"Nasa dugo na ni John Lloyd ang pagiging artista. I think siyempre sa dami ng mga nagawa na niya, ang gusto naman niya, iba-iba."