JERRY OLEA
Pinaka-prolific sa lipon ng mga direktor sa VMX (dating Vivamax) si Roman S. Perez Jr. mula noong 2021 na nag-umpisa ang nasabing streaming platform.
Sa mga artista ng VMX, babae at lalaki, sinu-sino sa tingin ni Direk Roman ang nakaaangat ngayon?
“Sa ngayon, ha, yung new breed, malakas yung Christy Imperial, yung cousin ni Meg Imperial,” pahayag ni Direk Roman nang makatsikahan ng PEP Troika noong Marso 16, 2025, Linggo, sa Gateway Cineplex 18, Cubao, Quezon City.
“Malakas yon. Tapos abangan nila yung Aliya Raymundo. Ay! Iba siya! Iba rin siya, iba rin siya.
“Yung Denise! Denise Esteban siyempre. Si Denise Esteban, parang nakakatawid na ngayon.”
Si Denise ay understudy ni Elora Españo sa dulang Anino sa Likod ng Buwan, na huling weekend na ang pagtatanghal sa Marso 22-23, Biyernes hanggang Linggo, sa PETA Theater Center, New Manila, Quezon City.
Read: Denise Esteban may pagkakaiba ang paghuhubad sa VMX at sa teatro?
Pagpapatuloy ni Direk Roman: “May dalawang horror movies si Denise. At meron siyang Pihit sa production namin. Pole dancer naman siya, napakagandang kuwento.
“Saka napakagaling niyang dancer pala. Hindi siya marunong ng pole dancing, natuto! Ang galing niya, napakahusay.
“Ayun, umiikot, nag-e-evolve yung VMX. Napupunta sila sa iba’t ibang sectors.
“Abangan din nila yung Angeli Khang, meron nang GMA show. Iba-iba, e.”
Read: Direk Roman Perez Jr., iniintriga dahil sa Vivamax King title
WHO IS THE TOP VMX MALE STAR?
Sa mga lalaki, sino ang pumukaw sa kanyang pansin?
“Sa mga ngayon siguro, ang nakikita ko, yung nag-aaral, si VR Relosa. Victor Relosa. Magaling si VR,” tugon ni Direk Roman.
“Lagi niya akong binibigyan ng bagong akting. Nag-aaral, e. Kasama siya sa stage project na siya yung lead, saka si Denise Esteban.
“Magpo-frontal daw si VR. Willing.”
Sa VMX film na Kabit directed by Lawrence Fajardo, naka-prosthetic penis si VR, ganoon din si Josef Elizalde.
“Dito sa stage play, he’s willing to do frontal. Walang problema sa kanya,” sambit ni Direk Roman.
“Meaning ganun siya katapang saka ganun niya pinaghahandaan.”
Read: Victor Relosa na-weirduhan sa paggamit ng prosthetic sa pelikula
NOEL FERRER
Ano ba ang dapat gawin ng isang artista sa VMX upang magtagal siya sa industriya?
“Siyempre, yung akting, importante. Saka yung thinking actors. Dapat nag-iisip,” sagot ni Direk Roman Perez Jr.
“Hindi naman puwedeng laging naghuhubad. Hindi ka naman laging maganda ang katawan mo, at guwapo ka. Tumatanda!
“Tumatanda sila. Tumatanda na, walang nangyayari. Sa akin, isa si VR Relosa sa magtatagal.
"Si Gold Aceron, napakahusay.
“Abangan din ninyo yung ginawa namin with Gold Aceron. Ngayon, may stage play siya, yung Para Kay B.
“Artista ko si Gold sa gagawin kong Kalakal. Isasali rin namin sa festival. Napakahusay niya.
“Kasama rin siya sa Lilim. Yun nga, iba rin, nada-divert yung galing ng mga tao talaga.”
Read: Gold Aceron, matapang na humarap sa audience sa maselang eksena niya sa 'Dicktalk'
Napaka-competitive ngayon sa mga artista. Napakaraming artista…
“Sobra! Sobra, napakarami. Kaya dapat, galingan mo, e. Pag hindi ka magaling talaga, hindi ka magtatagal, e,” saad ni Direk Roman.
“Hindi ka makakakuha ng another project. Kung nagloko ka sa isang project, alam mo yun, hindi ka magtatagal, e.
“Ngayon actually, masusukat natin, e, yung tumatagal. Sila naman yung nalilipat ng ibang platform.
“Nakakatawid ng TV. Nakakatawid ng independent film. Nakakatawid ng pelikula. Nakakatawid ng stage. Nagkakaroon ng ibang platform.”
Read: Hubadero 2024 Yearender: Male Celebrities Who Dared To Bare
GORGY RULA
Nakakatuwa iyong ibang beteranong artista na palaban sa VMX.
Andiyan sina Francis Mata, Julio Diaz, at Alan Paule.
May mga paborito ba siya sa veteran actors na nag-VMX?
“Marami. Siyempre, Jay Manalo… si Kuya Joko, Joko Diaz. Si Kuya Mon, Mon Confiado. Laban yun, laban yun!” bulalas ni Direk Roman Perez Jr.
“Tito Joonee Gamboa, pero hindi siya naghubad. Kunwari BJ. Yun, nakakatuwa rin yung support nila sa mga artistang mas nakababata sa kanila.
“Sino pa ba? Kung nabubuhay lang si Tito Eddie, mapapaarte ko yun, e. Laban yun, e! Tito Eddie Garcia, laban yun! Lalaban yun.
“Gusto ko sana, makabalik uli si Tito Albert, e. Tito Albert Martinez. Lumabas sa The Housemaid [2021]. Gusto ko siyang bumalik ulit.
“Sana makabalik siya sa isang pang-award na material.”
Inaasam din ni Direk Roman na mag-VMX sina Leandro Baldemor at Cesar Montano.
“Parang homage din sa dati nilang movies. Si Leandro, magpapapayat lang daw siya, sabi niya,” sey ni Direk Roman.
“What if, kunwari, si Kuya Cesar. Hindi naman love scene pero si Kuya Cesar Montano, baka gusto niyang gumawa ng pelikula na pang-award.
“Na may isang love scene na may butt exposure siya, yung mga ganun. Yung di natin inaasahan, gagawin pala nila. Nakakatuwa din.”
Read: Direk Roman Perez Jr., pabor bang saklawin ng MTRCB ang VMX?