GORGY RULA
Sobrang happy sina Julie Anne San Jose at Gabbi Garcia sa kani-kanilang boyfriend kaya ang saya lang ng tsikahan namin sa media conference ng bagong primetime series nilang Slay kahapon, Marso 19, 2025.
Ang ganda ng ngiti ni Julie Anne nang sinabi namin sa kanyang siya raw ang vocal coach ng boyfriend na si Rayver Cruz.
Si Rayver ang isa sa mga bida sa pelikulang Sinagtala kung saan miyembro ng isang banda ang kanyang role.
Read: Rayver Cruz feels sure that he wants to marry Julie Anne San Jose
JULIE ANNE AS RAYVER'S VOCAL COACH
Sabi ni Rayver sa media conference ng Sinagtala last week: “Naka-inspire sa akin si Julie na mahalin yung music, lalo kasi nga alam naman ng lahat na pag sinabi mong si Rayver, mananayaw.
“Pero especially yung talagang minahal ko nang todo-todo si Julie, minahal ko na rin yung music.
“Masuwerte nga ako, e, kasi palagi akong may voice coach, libre pa.
"And nakatulong sa akin magbigay ng kumpiyansa, every time na… especially na pag kasama ko siya. Yun ang wala sa akin, yung kumpiyansa.
“Siya ang isa sa nagpu-push sa akin na, 'Kumanta ka nang kumanta kasi, sayang nga, marunong ka at nandun yung boses.'”
Kinorek si Rayver ng co-stars niyang sina Rhian Ramos at Glaiza de Castro. Maganda raw ang boses ni Rayver, hindi yung may boses lang.
Sabi naman ni Julie Anne: “Every time na may gagawin siyang movie, talagang sine-share niya sa akin.
"Sobrang hands-on siya. Sobrang perfectionist kasi talaga ni Ray.
“Naniniwala kasi ako na nananalaytay talaga sa dugo niya ang pagiging musikero, as a Cruz. Bilang family of musicians, family of singers talaga sila.
“So, I guess, talagang kailangan niyang i-ignite ulit yun.
“I’m very, very happy that I am able to share those things with him. And sobrang nakaka-proud talaga siya.
"Sobrang proud na proud ako sa kanya kasi parang every day pagaling talaga siya nang pagaling."
Magsisimula ang Slay sa Lunes, March 24, 2025, sa GMA Prime, pagkatapos ng Mga Batang Riles.
Read: Julie Anne at Rayver, hindi pa puwedeng magpakasal sa 2025
NOEL FERRER
Nang nakatsikahan ng PEP Troika si Gabbi Garcia sa mediacon ng Slay, hindi pa na-announce na si Khalil Ramos ang best actor sa Puregold CinePanalo Film Festival 2025.
Nanalo si Khalil para sa kanyang pagganap sa Olsen’s Day.
Tuwang-tuwa si Gabbi na naisingit niya sa kanyang schedule ang panonood ng Olsen’s Day, at sobrang proud daw siya sa nobyo.
Pati sa stageplay ni Khalil na Liwanag sa Dilim, gustung-gusto rin daw niya ang singer-actor.
Kuwento ni Gabbi: “Alam mo napanood ko nga yung Olsen’s Day, naisiksik ko sa schedule ko, napanood ko.
“I’m so proud of him. Kahit no bias, ha?
"Kahit hindi ko siya dyowa, whenever I watch him perform, sa theater man yan o sa pelikula, lalo na itong Liwanag sa Dilim at yung Olsen’s Day, ang galing-galing talaga!
“As in, I look up to him as an actor. No bias, magaling talaga siya, ang galing-galing niya.”
GABBI PROUD OF KHALIL'S PASSION FOR ACTING
Bilib daw si Gabbi kung paano pinag-aralan ni Khalil ang project na ipinagkakatiwala rito.
“And you know, hindi yun ano, ha? Hindi yung tipong wala siyang ginagawa, he really prepares for every project, pinag-aaralan niya talaga.
“At yung aral niya, hindi lang yung tipong niraramdam niya or whatever, talagang hinihimay niya lahat. He makes it his own…
"For example yung sa Liwanag sa Dilim, okay, ito yung points ng director, talagang nakikipag-collaborate siya na 'Eto yung feeling ko na puwede pang gawin, puwede pang palawakin yung character.'
"Kaya kung ano yung nakikita niyo sa screen or on stage, produkto yun ng many many adjustments, many many tweaks, a lot of process to be able to land on that performance.
“Kapag nakikita ko siya, iba talaga yung takbo ng utak niya when it comes to his craft,” sabi pa ni Gabbi.
Read: Gabbi Garcia and Khalil Ramos "just waiting for the right time"
JERRY OLEA
Tabla ang best actor sa inaugural edition ng Puregold CinePanalo filmfest last year sa Gateway Mall, Cubao, Quezon City.
Wagi si Jeff Moses for Under A Piaya Moon, at si Carlos Siguion-Reyna for Pushcart Tales.
Sa sophomore edition ng CinePanalo ay tabla uli ang best actor.
Wagi si Khalil Ramos for Olsen’s Day, at si JP Larroder for Tigkiliwi.
Nakatsikahan ko sandali si Khalil sa green carpet, habang kauumpisa pa lang ng awards ceremony nitong Marso 19, Miyerkules, sa The Elements, Eton Centris, Quezon City.
Sinabi ko kay Khalil na llamado siyang mag-best actor. Ang galing ng nuances niya!
“Very different yung film na ito sa mga nagawa ko in the past. It’s a more subtle performance,” sambit ni Khalil.
“So I really had to… Kasi, manipis lang yung script namin, e.”
Ang ganda ng dynamics nila ni Romnick Sarmenta.
“Yes, grabe kasi si Kuya Nick, alam naman ng lahat kung gaano siya kahusay na aktor. Napaka-giving niya, sobrang generous ni Kuya Nick.
“Hindi ko magagawa yun kung wala siya.”
Masaya si Khalil na dumalo sa awards night ng Puregold CinePanalo 2025.
Aniya: “It’s always nice to attend sa awards night. It’s a celebration of Filipino films. Nakakatuwa na kahit papaano, buhay ang industriya natin, ang pelikulang Pilipino.
“Thanks to Puregold CinePanalo for giving us a platform to be able to communicate stories that we want to tell.”