JERRY OLEA
Napaluha at napahalakhak ako kina Jackie Lou Blanco at JC Santos sa one-act play na The Foxtrot nitong Marso 29, 2025, Sabado ng gabi, sa The Mirror Studio Theatre 2, SJG Centre, Brgy. Poblacion, Makati City.
Maging ang seatmates kong sina Tita Raquel Villavicencio at Tita Madeleine Nicolas ay naka-relate sa dulang idinirek ni Paul Alexander Morales, mula sa panulat ni Chesie Galvez-Cariño.
Ang husay-husay nina Jackie Lou at JC sa range of emotions — from joy and playfulness, to angst and vulnerability — kaalinsabay man ang pagsasayaw.
Wala silang bitaw habang nasa intimate na venue, at kitang-kita ko ang tagaktak ng pawis ni JC.
At iyong sexual tension sa kanilang pagitan… siksik, liglig, nag-uumapaw, so to speak!
Read: Ross Pesigan, ipinaglaban ang frontal nudity sa Anino Sa Likod ng Buwan
JACKIE LOU ON WORKING WITH JC
Nakatsikahan ng PEP Troika sandali si Jackie Lou kapagkuwan.
Bulalas ng 61-anyos na beteranang aktres, “Hay! Nakakanerbiyos! Second show namin ito, kanina may matinee.
“At least naano na, natapos na yung first day. We have two [shows] again tomorrow. So masarap lang na, at least, parang ano na.”
Ang hirap ng ginawa nila, huh?! Napaka-physical, at napaka-sensual.
“Yes, sobrang hirap, the dance saka yung rollercoaster ng emotions, di ba?” sey ni Jackie Lou.
“Happy muna, loko-lokohan, tapos biglang mag-aano. So medyo tiring for us, for me and JC.”
Kumusta si JC bilang ka-partner?
Mabilis na tugon ni Jackie Lou: “Mahusay, sobrang husay. I’ve worked with JC na in Buwan at Baril (2017). And he did it already for Virgin Lab Fest with Liesl [Batucan].
“So, anlaking tulong. Kasi number one, napakahusay niyang aktor. I’m very comfortable with him, at saka andami niyang binibigay na pointers.
“Kasi siyempre, sa theatre, mas bihasa siya. So such a big help for me! Kahit na I’ve done theater pero siyempre, mas babad siya.”
Ka-twinbill ng The Foxtrot sa palabas na Dedma ang one-act play ding Let’s Do Lunch, starring Naths Everett, Issa Litton, and Ash Nicanor.
Idinirek naman ito ni Maribel Legarda.
Itatanghal pa ang Dedma twinbill sa Abril 4, 5, 6, 11, 12, at 13 sa kaparehong venue, The Mirror Studio Theatre 2.
Read: Ricky Lee, nagulat sa theatrical adaptation ng Para Kay B
NOEL FERRER
Ang buod ng The Foxtrot: “The play gives us a glimpse of the taut relationship between Diego, a dance instructor, and Anna, a wealthy matron, at their last rehearsal for an amateur ballroom dancing competition.”
NO RESERVATION
Nagkaroon ba si Jackie Lou Blanco ng hesitation or reservation na tanggapin ang The Foxtrot?
“Hindi. Kasi when I read the script, ang ganda, e! Actor’s piece siya. So, parang antanga ko na siguro kung magno-‘No’ ako,” sambit ng aktres.
“I mean unless siguro I couldn’t make it, or busy ako, pero it’s such a beautiful piece!
“I mean, even if siguro you don’t have a relationship with your D.I., or you don’t dance, you can relate to it on so many levels, e.”
Isang buwan pinag-aralan ni Jackie Lou ang choreography sa The Foxtrot.
“Three times a week. Kasi nga si JC, alam na niya. Pero siyempre, iba yung timpla naming dalawa,” saad ni Jackie Lou.
“We have to get used to, 'Paano ba, paano ba ang ano natin?'”
Read: John "Sweet" Lapus returns to theater via musical Delia D.
GORGY RULA
Proud si Jackie Lou sa ginawa niya rito sa The Foxtrot dahil iba raw talaga ang satisfaction kapag mag-perform ka sa entablado kumpara sa TV at pelikula.
“It’s very different. Kasi ang theater, you have to… kumbaga sa baril, kailangan na from beginning to finish, nakakasa ka, parang ready,” bulalas ng magaling na aktres.
“Ang maganda rin sa theater kasi, every performance is different. Parang you can, kung let’s say today was not such a good day, the next performance, you can do it better.
“And that’s what’s happening to JC and I. Every performance is different.
“Ay! Iba yung bitaw, iba yung ganun. Iyon yung maganda.
“Let’s say siguro yung unang performance, parang hindi ka masyadong happy, puwede kang bumawi.”
NOT A MAY-DECEMBER LOVE AFFAIR
Nang nagkita kami sa pa-mass sa kanilang tahanan ngayong Linggo ng umaga, March 30, tinanong ni Congresswoman Lani Mercado kung saang theater ang pinagtanghalan ng play ni Jackie Lou.
Best friends kasi sila at siguro gusto rin niyang suportahan itong pagte-teatro ng kaibigan niya.
Tinanong din ako ni Lani kung kuwento ba ng May-December love affair ang The Foxtrot.
Hindi naman naka-relate si Jackie Lou na na-experience niyang magkaroon ng May-December na relasyon. Sa ibang aspeto raw siya naka-relate dito sa The Foxtrot.
“Siguro, I can relate na if you really like something... kunyari, 'no, may mga problema ka, and then you find something that makes you happy…
“It’s like you cling to it, yung parang you don’t want to let go. So, parang yun yung nangyari,” sabi ni Jackie.
Read: Elora Espano, "nag-orgasm" pagkatapos ng Anino sa Likod ng Buwan