JERRY OLEA
Pepsi Paloma na lamang ang title ng controversial movie ni Direk Darryl Yap kung saan bida si Rhed Bustamante, hindi na The Rapists of Pepsi Paloma (TROPP).
Inamin ito ni Direk JR Olinares sa presscon ng pelikulang Beyond the Call of Duty noong Abril 1, 2025, Martes, sa mansion ni former Governor Chavit Singson sa Corinthian Gardens.
Si Direk JR ang nasa likod ng Pinoyflix Films and Entertainment Production, Inc., na distributor ng Pepsi Paloma.
Siya rin ang direktor at supervising producer ng Beyond the Call of Duty.
Read: Darryl Yap movies: Sparking conversations, stirring up controversies
“I’m distributor also in local films. Ako yung tumanggap nung Pepsi Paloma, 'no,” malumanay na lahad ni Direk JR.
“Now, which is ako naman ay malinis naman din ang konsensiya ko bilang distributor, although alam ko lahat sa mga news na tinanggihan na ng ibang mga ano.
“Pero sinubukan kong tanggapin, pero siyempre nagpa-follow pa rin ako sa rules nung MTRCB.
“Since sinabi ni MTRCB na kailangan kong ibigay yung ganitong mga requirements, nag-comply ako — but may mga hindi pa na-comply na ibang requirements, kaya medyo ipinagpaliban ko muna iyon.”
PEPSI PALOMA MOVIE PLAYDATE
Pebrero 5, 2025 ang target playdate noon ng controversial movie, kung saan nasa cast din sina Mon Confiado bilang Dr. Rey de la Cruz, at Gina Alajar bilang Charito Solis.
Sa Mayo 31 ang ika-40 anibersaryo ng pagpanaw ni Pepsi, na Delia Smith sa totoong buhay. Kailan kaya maipapalabas ang Pepsi Paloma movie?
“Yan nga, e. Yung last namin na usap ni Direk Darryl, medyo wala pa raw balita dun sa certification sa Muntinlupa Trial Court, at saka doon sa prosecutor sa Muntinlupa,” tugon ni Direk Jr.
“Kasi, nung chineck namin sa legal team ng Pinoyflix, nabigyan kami ng isang certification, DOJ, na wala naman siyang kaso.
“Dalawa na lang yung hinihingi ko. From Muntinlupa saka yung sa prosecutor. Nung chineck namin, wala namang TRO yung movie.
“So sa tingin ko naman, papayagan kung mabigay yung tatlo, yung requirements ni MTRCB.
“Pero as of now, pinagpaliban ko muna kasi busy ako sa film ko na itong Beyond the Call of Duty.
“At the same time, meron din akong ginawang iba pang pelikula. Kaka-pack up ko lang kagabi. Ako yung direktor sa isang film na hindi naman sa akin, kinuha lang ako. Si Angeli Khang at Mark Herras yun, e.
“So, hindi ko na muna medyo… kumbaga waiting ako sa update ni Direk Darryl.”
Read: Pepsi Paloma movie, maipalabas pa kaya sa mga sinehan?
MARK HERRAS-ANGELI KHANG MOVIE
Pam-VMX ba iyong movie nina Angeli at Mark?
“Hindi po. It’s an independent production. Tapos parang ano lang… parang biopic. Hindi sexy,” sambit ni Direk JR.
Reliever lang si Direk JR for two days sa nasabing project.
Iyong Beyond the Call of Duty ay naka-two shooting days pa lang. Bale ten more shooting days to go. Magsu-shoot sila maski Semana Santa.
Mayo 28 ang target playdate ng Beyond the Call of Duty, kung saan kasama sa cast sina Martin del Rosario, Maxine Trinidad, Paolo Gumabao, Devon Seron, Christian Singson, Martin Escudero, Jeffrey Santos, Alex Medina, Dindo Arroyo, Lance Lucido, Lovely Rivero, Valerie Concepcion, at Bella Thompson.
Si Direk JR din ang nagdirek ng mga pelikulang Sagrada Luna (dating The Virgin Sisters), Badge of Honor: To Serve and Protect, at The Buy Bust Queen.
NOEL FERRER
If ever, after the May 2025 elections na maipapalabas ang Pepsi Paloma movie?
“I think so pero wala po ako sa legal, hindi ko po alam yung legal problem nila,” tugon ni Direk JR.
“Basta sa akin, sabi sa akin ni MTRCB, ‘Once you have that certification, then balik ka sa amin. Then we will review the film.’”
Producer ba siya ng Pepsi Paloma?
“Hindi po. Distributor.”
Hindi pa sure kung kailan iyon maipapalabas…
“Wala pang date.”
Ang inireklamo ni Vic Sotto sa korte kaugnay sa sa Pepsi Paloma movie ay ang online teaser nito na pinasabog noong Enero 1, 2025.
Hindi pa na-review ng MTRCB ang Pepsi Paloma.
Humingi ng tatlong certificates ang MTRCB sa Pinoyflix na distributor ng movie, bago nila ito rebyuhin.
Isang certificate pa lang ang nakuha ng Pinoyflix. Kulang pa ng dalawa.
May hinanakit ba si Direk JR sa MTRCB?
Napailing si Direk JR: “Wala, wala. Ano kami, last December, ako yung independent distributor na naka-release ng maraming pelikula. May award ako sa MTRCB last December!
“So, yun nga, ang sa akin naman, as bilang independent distributor, advocacy ko lang na mabigyan ng chance kumbaga yung mga pelikula na hindi kinuha ng malalaking distributors.”
Read: Mon Confiado, nagbigay ng pahayag tungkol sa Pepsi Paloma movie
GORGY RULA
Sa pa-presscon ng Film Development Council of the Philippines (FDCP) noong Marso 28, Biyernes, sa Seda Vertis North hotel, Quezon City, nahingan ng komento si FDCP Chairperson Jose Javier Reyes aka Direk Joey kaugnay sa Pepsi Paloma movie.
Sabi ni Direk Joey: “I was talking to lawyers regarding it, hindi siya maipapalabas until ma-resolve ang kaso.
“Hindi puwedeng i-review ng MTRCB hanggang bukas pa ang kaso kaya… sabi ko talaga, oh my God! “Talagang… talagang… my God! Ahh I mean, ahhh Darryl should have known.”
Nakakagimbal ang pasabog na teaser ng Pepsi Paloma noong Enero 1, 2025.
It’s a first, iyong ganoong klaseng marketing strategy para sa pelikula.
“Yeah, yeah. I mean, at saka… we don’t even know what the movie is about, or what is the conclusion of the movie,” sambit ng multi-awarded scriptwriter-director.
“It’s because of the teaser that was released… kaya nakakalokah, sabi ko.”
Read: Darryl Yap nag-ingay agad with The Rapists of Pepsi Paloma teaser
MTRCB UPDATE
Samantala, in-ireport ng MTRCB sa Facebook page nila na mahigit 22,000 TV, film, and other materials ang nirebyu nila noong Pebrero 2025.
Ayon sa report, “The Movie and Television Review and Classification Board (MTRCB) has reviewed a total of 22,677 materials for February 2025, with some 22,460 materials coming from television programs, plugs and trailers.
“The Board also reviewed 121 publicity materials, 47 movie trailers and 49 films, 20 of which were local and 29 foreign.
“These figures show the dedication of the Board to ensure age-appropriateness to all submitted materials, in order to protect viewers, particularly the children, from inappropriate and harmful content.
“The Agency remains dedicated to working with industry stakeholders to foster a safe and responsible media environment for Filipino families, especially the children.”
Read: MTRCB, nilinaw na hindi pa nire-review ang Pepsi Paloma movie