JERRY OLEA:
Nalalapit na ang pagtatapos sa TV5 ng Lumuhod Ka Sa Lupa, ang unang teleseryeng pinagbidahan ni Kiko Estrada.
Read: Kiko Estrada, bibida bilang Totoy Bato; naalala si Paquito Diaz
Noong Abril 8, 2025, Martes, ang unang anibersaryo nito.
May kasunod nang teleserye si Kiko sa TV5, ang Totoy Bato, na nag-storycon at table reading noong Abril 10, Huwebes, sa TV5 Media Center, Reliance St., Mandaluyong City.
HISTORY OF TOTOY BATO
Kagaya ng Lumuhod Ka Sa Lupa, ang kuwento ni Totoy Bato ay likha ni Carlo J. Caparas.
Ang pelikulang Lumuhod Ka Sa Lupa! (1986) ay tinampukan nina Rudy Fernandez, Jackie. Ang director ay si Manuel “Fyke” Cinco.
Ang pelikulang Totoy Bato (1977) ay pinagbidahan ni Fernando Poe Jr., sa direksyon ni Abraham Cruz.
Nasa cast din nito sina Lita Vasquez, Van de Leon, Vic Diaz, Dencio Padilla, Lito Anzures, at ang lolo ni Kiko na si Paquito Diaz.
Sa pelikulang Durugin si Totoy Bato (1979), bida pa rin si FPJ, kasama sina Charo Santos, Julie Vega, Roland Dantes, at Paquito Diaz. Ang director ay si Armando A. Herrera.
Sa Kapuso prime-time series na Totoy Bato (Pebrero-Hulyo 2009), bida si Robin Padilla, kasama sina Regine Velasquez, Eddie Garcia, at Manny Pacquiao.
TOTOY BATO REMAKE 2025
Sa action-drama series ng TV5 na Totoy Bato, co-stars ni Kiko sina Bea Binene, Cindy Miranda, at Diego Loyzaga. Kasama rin sina Nonie Buencamino, Mon Confiado, Art Acuña, Mark Anthony Fernandez, at Eula Valdes.
May special participation sina Joko Diaz, Katya Santos, Kean Cipriano, at Jackie Lou Blanco.
Nasa cast din sina Andrew Muhlach, Bily Villeta, Ivan Padilla, Lester Llansang, Benz Sangalang, Gold Aceron, at si CJ Caparas na anak ni Direk Carlo J.
Sa direksyon ni Albert S. Langitan, kasama sina Zyro Radoc, at Ambo Gonzales, ang Totoy Bato ay iprinodyus ng MavenPro at Sari Sari Network Inc., sa produksyon ng Studio Viva.
Read: Kiko Estrada, inaming non-showbiz ang current girlfriend
GORGY RULA:
Sa finale mediacon ng teleseryeng Lumuhod Ka Sa Lupa noong Abril 2, Miyerkules, sa TV5 Media Center, kamao ang ipinakita sa maikling teaser para sa next teleserye na bida si Kiko Estrada.
Inamin ni Kiko na nagsasanay siya pagboboksing, at noon pa man ay pangarap niyang gampanan ang Carlo J. Caparas characters na Panday at Totoy Bato.
Nangako si Sen. Bong Revilla na gagawa pa siya ng Panday project, kaya hindi na tayo nagulat na ito ngang Totoy Bato ang bagong teleserye ni Kiko after Lumuhod Ka Sa Lupa.
Sabi ni Kiko, trial-and-error ang ginawa nila sa Lumuhod Ka Sa Lupa, pero ang follow-up project “is gonna be all the good ones.”
Misyon ni Kiko na quality ng pelikula ang teleseryeng Totoy Bato. Inaasam ni Kiko na maka-collab ang tatay niyang si Gary Estrada.
"Akala ko nga, mangyayari… I really wanted him,” pagtatapat ni Kiko.
“I guess, hindi siya pinayagan. Hindi ko alam. I don’t know his contractual obligations, I really don’t know."
Si Gary ay bahagi ng Sparkle, ang talent management arm ng GMA-7, mula noong May 16, 2024.
Patuloy ni Kiko, “Yung sa akin, I’m sure, if he could do it, he would do it. Di ba? But it’s sad. It’s sad, but it’s OK!
“Like what you guys said, I wish my father was there, pero it’s not meant to be, I guess.
"Pero it could be wonderful, but I guess, on the next time siguro.
"Tapos I promise you, magagaling naman yung mga kasama ko sa susunod, at I’m trying to be a good guy.
"I’m trying to be the guy I should have been when I was a kid. And this is me now.”
Read: Kiko Estrada, natuto ng disiplina mula kay Gary Estrada
NOEL FERRER:
Masaya ang daughter ni Direk Carlo J. Caparas na si Peach Caparas na pagbibidahan ni Kiko Estrada ang teleseryeng Totoy Bato sa TV5.
Pahayag ni Peach via Messenger ngayong Abril 11, Biyernes, “Matagal na pong ipinagkatiwala ni Daddy ang beloved characters niya sa Viva.
"Maliban sa Panday, e, 2019 pa po namin pinagpaplanuhan ang universe niya.
"Dumating lang talaga ang pandemic kaya umabot ng ganito katagal bago namin ma-put into motion lahat ng plano dati.
"Kiko Estrada is truly proving to be a dynamic actor. We’re happy with what we’ve seen from him so far.
"I, personally, also love the team behind-the-scenes. We put our faith in Direk Albert and Direk Zyro and their entire production team with Lumuhod Ka Sa Lupa.
"And ang lupit ng kinalabasan, di ba? So, we’re taking a more active role with them now in tackling Totoy Bato kasi this time po, e, isa na sa mga heroes ni Direk Carlo ito.
"The first coming out without him around anymore. Pero nandito pa rin po sa amin lahat ng pinaplano namin noon.
"And we intend on conveying them to each installment in the CJC Universe."
Masaya rin si Peachy na kasama ang kapatid niyang si CJ sa Lumuhod Sa Lupa.
"Some of our dad’s last words to CJ po is sana makita niya si CJ sa Lumuhod Ka Sa Lupa.
"And thankfully, nagbalik-loob naman po siya sa acting para magampanan character niya sa Lumuhod.
"Ngayon po continued devotion na po namin yun sa legacy ni Daddy that we are both actively involved in its development and undertaking."