GORGY RULA:
Nakatakdang magharap sa pre-trial sina Rita Daniela at Archie Alemania sa April 29, 2025, Martes ng hapon.
Naglabas na ng order si Presiding Judge Mary Rocelyn Lim-Guillano ng Municipal Trial Court ng Bacoor City na kailangan nilang dumalo sa araw na iyun.
Para ito sa preliminary conference at arraignment kaugnay ng kasong Acts of Lasciviousness, na isinampa ni Rita laban kay Archie.
Bahagi ng nakasaad sa order, “The accused is WARNED that absence on the scheduled hearing may result in the forfeiture of his bail bond and in the issuance of a bench warrant of arrest.
"The prosecution witnesses are WARNED that their failure to appear before the Court on the said date and on subsequent hearings may result in the dismissal of the case for failure to prosecute."
Kaya kailangan nilang dumalo sa araw na iyun.
Sinubukan pa rin naming hingan ng pahayag si Rita, pero hindi raw muna siya magsasalita lalo na’t umakyat na ang kaso.
Si Archie naman at kahit ang legal counsel nito ay tikom din ang bibig.
Pero ayon sa ilang napagtanungan namin, apektado raw talaga ang asawa ni Archie na si Gee Canlas, at ayaw na rin sana nilang makaapekto ito sa kanilang mga anak.
Read: Archie Alemania, kinasuhan ng acts of lasciviousness
NOEL FERRER:
Ang date ng issuance ng warrant of arrest kay Archie Alemania ay noong March 18.
Napag-alamang nag-post ng bail ang aktor noong March 31. Kaya ni-recall agad ang warrant of arrest.
Kung magkakaroon ito ng mediation, lalambot kaya ang puso ni Rita kung magpakumbaba si Archie at makipag-areglo sa kanya?
Sa puntong ito, hindi pa man nagsisimula ang paglilitis, parang naparusahan na si Archie dahil natigil ang kanyang mga trabaho.
Ano kaya ang pinagkakaabalahan niya ngayon, at paano siya kumikita ng kanyang pambuhay sa kanyang pamilya?
Read: Rita Daniela details text exchange with Archie Alemania
JERRY OLEA:
Sabi ng abogado ni Rita Daniela na si Atty. Maggie Abraham-Garduque, sana’y isipin din kung paano ito nakaapekto sa kanyang kliyente.
"I understand how it affects the family of Archie. But we have to underscore as well how this affected the victim, Rita, and her family.
"Rita has a 2-year old son as well,” text ni Atty. Garduque sa PEP Troika.
Sa Miyerkules Santo, Abril 16, streaming na sa Netflix ang Kapuso series na Widows’ War, kung saan kasama sa cast sina Rita at Archie.