JERRY OLEA
Heavy drama ang pelikulang Fatherland, kung saan mag-ama ang papel nina Allen Dizon at Iñigo Pascual.
“I didn’t know I could do a movie like this,” sambit ni Iñigo bago ang celebrity premiere screening ng Fatherland noong Abril 22, 2025, Martes, sa Gateway Cineplex, Cubao, Quezon City.
“Heavy drama po ito, I’ve never done anything like this. Hindi ko alam na kaya ko palang ma-push ang sarili ko in terms of acting.”
Read: Fatherland cast members share their dad stories
CHALLENGED BY ANGEL AQUINO AND ALEN DIZON
Kasama sa cast ng Fatherland sina Cherry Pie Picache, Mercedes Cabral, Richard Yap, Angel Aquino, Max Eigenmann, Abed Green, Jeric Gonzales, Ara Davao, Bo Bautista, Kazel Kinouchi, Benjie Felipe, Rico Barrera, at Jim Pebanco.
Kanino siya mas na-challenge sa mga kaeksena niya?
“Siguro ang intense ng mga eksena nina Tita Angel at Tito Allen. Yung karakter ko kasi, para akong nagte-teleport dun sa past,” saad ni Iñigo.
“So, even nung mga eksenang pinapanood ko lang sila, natsa-challenge ako, kasi antaas ng ibinibigay nila.
“Tapos ako, wala akong linya. Nanonood lang ako. Parang nag-travel back in time ako. So, ang hirap!
“Dun ko lang natutunan sa sarili ko na ang hirap palang umarte nang wala kang linya.
“Kasi iiyak ka habang pinapanood mo pero mas mailalabas mo kasi pag nagsasalita ka. Minsan, mas naiiyak ka nga pag nagsasalita ka sa nararamdaman mo.
“Dito, tahimik ka lang, pinapanood mo lang. Mahirap. Mahirap pala nun. Siguro yun ang pinaka… not a specific person, pero yun ang isa sa pinakamahirap na ginawa ko for the movie.
“A lot of the scenes, I’m watching. I’m physically there, watching the flashbacks, but I have no lines. And a lot of them are very emotional.”
Ang Fatherland ay nag-umpisang mag-showing sa local cinemas noong Abril 19, Sabado de Gloria.
Idinirek ito ni Joel Lamangan, at joint venture ng Bentria Productions at Heaven’s Best Entertainment.
Read: Joel Lamangan, nilinaw na walang iniendorsong kandidato ang Fatherland
NOEL FERRER
Sobrang grateful si Iñigo Pascual sa guidance sa kanya ni Direk Joel Lamangan.
Ani Iñigo, minsan lang siya pinagalitan ng 70-anyos na direktor.
Natatawang kuwento ng 27-anyos na si Iñigo, “Kami ni Ara [Davao]. Ha! Ha! Ha! Kasi, sobrang close kami ni Ara.
“Ang hirap pag katrabaho mo, kaibigan mo kasi, di ba? Parang… tapos seryoso pa ang eksena.
“Ang hirap pag bigla kaming, you know, coming from nagtatawanan kami, tapos biglang seryoso yung eksena. Ang hirap magseryoso!
“Lalo na kung mga 2:00 A.M. na, di ba? Parang mga 1:00 A.M. naman. Hindi kami umabot sa 2:00 A.M. Ha! Ha! Ha!
“Yun lang, doon lang ako nasigawan ni Direk Joel. Si Direk, sobra yung preparation na binibigay niya sa akin bawat eksena.
“Habang nire-rehearse namin, ini-explain niya sa amin. ‘Ito ang pinagdadaanan mo, dito ka nanggaling, dito nanggaling yung karakter mo. Eto yung gusto mong malaman tungkol sa tatay mo.’
“Tapos dun, habang pinapanood ko yung nangyayari, nate-teleport talaga ako dun. And dito ako masyadong talagang nagamit ko yung method acting.
“Turning into the character itself. Turning into Alex. This movie, dun ko parang natutunan na umarte na hindi lang gamitin yung sarili mong hugot or sarili mong experience.
“Pero becoming the character itself. Becoming Alex. Ambigat lahat! Halos siguro seventy, eighty percent of the movie, umiiyak ako. Ha! Ha! Ha!”
GORGY RULA
Nahirapan pa ba siyang umiyak sa shooting ng Fatherland?
Natatawang tugon ni Iñigo Pascual, “Siyempre, may mga araw na ubos na ubos ka na sa luha. Iniiyak ko na lang, ‘Pauwiin nyo na ako!’ Ha! Ha! Ha!
“‘Gusto ko nang umuwi!’ Ha! Ha! Ha! Ha! Ginagamit kong motivation! Ha! Ha! Ha! Ha! Ha! Ha!
“Pag ubos na ubos na talaga, pero Direk Joel. Direk Joel, siyempre, kesa masigawan pa ako, iyak na lang tayo. Ha! Ha! Ha!”
Personally, sa tingin ni Iñigo ay na-push niya ang sarili to a limit na hindi niya alam na magagawa niya.
Tapos na siya sa pa-cute na roles, at ipinagpapasalamat niya iyon kay Lord.
Kaya na ba niyang sumabak sa passionate love scene?
“Puwede naman. Dun sa Monarch, meron akong love scenes. Dito sa ‘Pinas, wala pa.”
Kung seryoso ang pelikula na gaya ng Dekada ‘70, kakayanin na niya ang butt exposure?
“Game. Game!” mabilis na sagot ni Iñigo.
Read: Inigo Pascual recounts how he got his big break in Hollywood TV series, Monarch