JERRY OLEA
Mag-uumpisa ang Motorsport Carnivale 2025 sa Mayo 4, Linggo, sa Okada Manila, Parañaque City.
Sanib-puwersa sa racing events nito ang Okada Manila at Yllana Racing ni Jomari Yllana.
Two years ago nang ilunsad ang Motorsport Carnivale doon din sa Okada, at magre-reunion sana doon si Jomari at ang dalawang kasama niya sa Guwapings na sina Eric Fructuoso at Mark Anthony Fernandez.
Read: Mark Anthony Fernandez, sobrang happy sa rave reviews ng Guwapings reunion movie
“Guwapings? Familiar, sino yon?” napangiting sambit ni Jomari sa mediacon nitong Abril 29, Martes, sa Glass Ballroom ng Okada Manila.
“Excited naman, kasi excited talaga. I wish some producer there would, you know... could be, could be, more organized in, like, setting up something for us.
“As a small event, I’ll ask Tito Nestor [Cuartero] to invite Eric and Mark para magka-reunion kami. Tutal, nandito na si Abby Viduya.”
Ikinasal sina Abby at Jomari noong Nobyembre 5, 2023 sa Las Vegas, Nevada.
Tampok sina Abby, Jomari, Eric at Mark Anthony sa 1992 Regal movie na Guwapings: The First Adventure, written and directed by Jose Javier Reyes.
Natawang dagdag ni Jomari, “Mag-ano tayo, reunion tayo. Di ba, di ba? It would be nice. I would love to see us together in a photo.”
Read: Mark Anthony Fernandez at Jomari Yllana, nagkaayos na matapos ng malalim na hidwaan
JOMARI ON MARK ANTHONY'S VIDEO SCANDAL
Kailan niya huling nakita si Mark? Nagkausap ba sila?
Natigilan sandali si Jomari bago sumagot, “Nung event namin nung 2023, nagkausap kami ni Mark.
“I think I saw Mark last... parang ASAP na event, or one of Mr. M’s birthdays."
(Si Mr. M ay si Johnny Manahan, long-time boss ng ABS-CBN talent management arm na Star Magic, na binuo niya kasama ni Freddie M. Garcia.)
“Okay naman kami. Ganyan naman kami lagi. Bihirang magkita pero ang napapag-usapan pa rin, panahon namin.
“Puro kalokohan pa rin. Puro kalokohan pa rin nung panahon namin.”
Inurirat ng katotong Allan Diones kung nag-message ba si Jomari kay Mark nang mapag-usapan ito lately, na ang tinutukoy ay ang scandalous videos ni Mark.
Napakunot-noong bulalas ni Jomari, “Baka i-quote ako! Siyempre, anlaki ng reaction ko.
“Sabi ko, ‘Anong nangyari diyan? Hindi ka naman ganyan kalaki nun!’ Joke! Maku-quote ako, di ba?
“Nagulat ako. ‘Anong nangyari?!!!’ Ganyan naman kami, alaga ni Douglas would always joke like that."
(Douglas Quijano, aka Tito Dougs, was considered first among equals in the community of talent managers. He handled the Guwapings, Richard Gomez, John Estrada, Joey Marquez, Janice de Belen, and many other big stars.)
“Ganyan kami, make fun of each other. But dikit-dikit na yung mga pusod namin.
“Bihira lang kami magkita pero ganyan naman kami palagi.”
Susog pa ni Allan Diones, nagulat din siya sa pasabog ni Mark.
Poker-faced na tumango si Jomari, “Yeah, very impressive.”
Read: Mark Anthony Fernandez owns up to viral sex video scandal
GORGY RULA
Nang naka-lunch namin ang mag-asawang Jomari Yllana at Abby Viduya noong nakaraang Biyernes, April 25, nabanggit din ang tungkol sa reunion project ng Guwapings, pero marami pa siyang pinagkakaabalahan.
Isa na itong Motorsport Carnivale 2025 na nakakatuwa raw dahil marami na ang gustong mag-sponsor.
Bukod pa riyan ay sobrang hands-on din si Jomari sa pangangampanya ni Abby sa 1st district ng Parañaque.
Ang isa nga sa gusto sana niyang maging bahagi rito sa Motorsport Carnivale ay ang anak niyang si Andre Yllana.
Pero sobrang busy raw ngayon ni Andre sa pagiging aktor. Kaya naisasantabi na muna ang racing.
Read: Abby Viduya weds Jomari Yllana in Las Vegas, Nevada
JOMARI YLLANA ON SON ANDRE
Proud naman si Jomari kay Andre dahil nakikilala na raw ito lalo na sa mga kabataan.
Bahagi si Andre sa serye ng Viva na Ang Mutya ng Section E, at Lumuhod Ka Sa Lupa: Ang Huling Yugto na magtatapos sa Mayo 2, Biyernes.
“Pinagkakaguluhan ako dito, ‘Uy, yung tatay ni Aries [character ni Andre sa Section E]!’ Sikat na sikat yung bata sa mga kabataan.
“Yung hilig niya sa motor sports nandiyan pa. Kaya lang, shooting nang shooting, taping nang taping. Laging puyat, umaga natatapos.
“Pero ano e… cute yung ano niya e, Section E, sa Viva. Kasama yung Andres [Muhlach], hit yun. Tapos yung Lumuhod Ka Sa Lupa, TV5 yata yan. So, dalawa yung show niya na hit.
“Pinagkakaguluhan ako ng mga bata, ako raw yung tatay niya,” saad ni Jomari.
Sa ngayon ay hindi pa raw niya nakikita kay Andre na magkakahilig ito sa public service.
“I don’t see in him. He’s very happy with his craft, yung pagiging aktor. Iyon, niyayakap niya yun. Pagdating sa pagiging aktor, seryoso di ba? So, ang daming hinihinging pointers, daming hinihinging guidance…
“Pero I get really good feedback from him sa ginagawa niya,” dagdag ni Jomari.
Read: Andre Yllana, "muntik nang maging kapatid" si Andres Muhlach
NOEL FERRER
Madaming ganap sa pag-uumpisa ng Motorsport Carnivale 2025 sa Mayo 4, Linggo, sa Boardwalk and Gardens, ang seaside area just outside Okada Manila. 6:00 A.M. hanggang 6:00 P.M. ang Super Sprint.
Pagsapit ng 7:00 P.M. ang Grand Car Meet: Legends of the ‘90s.
Sa Mayo 31 naman ang Jom’s Cup, ang 1/8-mile drag racing challenge.
Asahan ang maigting na competition sa mga kategoryang Super Car, Muscle Car, at Vintage Car.
“We have prepared a couple of exciting motorsport events for everyone,” pahayag ni Jomari.
“And I am proud to announce that we are going to put the Philippines back in the world map of motorsports, together with our sponsors.
“Our main sponsors, of course Okada Manila — we have found a home of motorsport on the biggest integrated casino in the country. Together also with the Parañaque LGU, and all our sponsors.
“I remember announcing wayback 2023 that we are going to wake up a sleeping giant. Now the giant is awake. Gising na gising siya, gutom na gutom, at uhaw na uhaw.
“And we are preparing for it. The first event will be on May 4, followed by a series of events on May and June.
“And we are here as proud producers coming from the industry of automotive, motorsport, and entertainment.
“Gusto natin ibalik yung mga karera in the heart of Metro Manila. So, I welcome everyone to Motorsport Carnivale 2.0!”