GORGY RULA
Maganda ang ibinalita ng mag-inang Roselle at Keith Monteverde ng Regal Entertainment sa premiere night ng pelikulang Untold na ginanap sa Cinema 3 ng SM Megamall nung Martes, April 29, 2025.
Showing na ang Untold sa mga sinehan simula ngayong Miyerkules, April 30, at mapapanood ito ng mga estudyante sa halagang PHP250 lamang.
Read: Jodi Sta. Maria, "woman in love" nga ba?
Saad ni Roselle: “We’re giving students the chance to really watch this. Nasa 250 pesos for students.
"Kasi, there are so many things they can learn from this, dahil responsibility in reporting.
“So, it’s really important for the youth to know that.”
Ipakita lang daw ng mga estudyante ang kanilang school ID sa takilyera para ma-avail nila ang naturang discount.
Nagpasalamat sina Roselle at Keith sa SM at Ayala Cinemas na pumayag sa request nilang babaan ang presyo ng ticket sa sinehan. Inaasahan nilang sumunod din ang Robinsons Movieworld.
“We need to defend kung why and bakit kailangan sa horror movie. Kasi, we really want to reach the youth,” sabi pa ni Roselle.
Read: Roselle Monteverde, masaya sa resulta ng My Future You sa MMFF
UNTOLD: PSYCHOLOGICAL HORROR FILM
Napapanahon ang tema ng psychological horror film na Untold na dapat daw mapanood ng mga kabataan.
Ginagampanan ni Jodi ang broadcaster na si Vivian Vera na lahat ay ginagawa para maka-scoop sa balita.
Kahit nasaksihan ni Vivian ang isang krimen, mas concern niya ang makakuha ng balita kesa tumulong sa mga biktima.
Sabi ni Jodi bago nagsimula ang screening: “People rarely do crazy things simply for the sake of being crazy.
“Minsan po they convince themselves that what you are doing is noble, is necessary, and sometimes, the most dangerous thing is that it hides behind the guise of good intentions.
“And I do hope tonight, you leave this theater not only entertained but also in deep reflection of its message.”
Magaling si Jodi sa Untold.
Pero malaki ang naitulong ng co-stars niya para lalong mapaganda ang pelikula.
Kabilang sa din sa cast sina JK Labajo, Gloria Diaz, Mylene Dizon, Lianne Valentin, Joem Bascon, Kaori Oinuma, Sarah Edwards, Francis Mata, at magaling silang lahat.
Read: Lianne Valentin not closing doors to joining beauty pageants
NOEL FERRER
Nagpapasalamat si Jodi Sta. Maria sa co-stars niyang napaka-cooperative daw at agree siyang magaling silang lahat.
“We’re very thankful po siyempre sa buong cast… it’s really important po talaga that everyone would work together, para mag-work yung film.
“Very timely po, and we’re just really praying na mag-speak dun sa mga tao na nakanood nung pelikula,” saad ni Jodi.
Ang gusto ni Direk Derick Cabrido na maiparating lalo na sa mga kabataan ang gusto nilang iparating na mensahe ng pelikulang ito.
“Una sa lahat… kumbaga, let’s be careful kung ano yung paniniwalaan natin sa balita.
“Let’s double check, and then at the same time don’t forget na maganda yung isang pangarap natin kung maganda ang kahinatnan nito sa buhay natin,” saad ni Direk Derick.
Suportado ng Film Development Council of the Philippines (FDCP) ang Untold.
Nabigyan ito ng P3M grant mula sa naturang ahensya dahil sa kanilang CreateFilms Philippines Program.
JERRY OLEA
R-13 without cuts ang rating ng MTRCB sa Untold.
Ang Vera na apelyido ng karakter ni Jodi Sta. Maria ay nangangahulugang faith, true, or truth.
Ang ganda ng tandem nina Direk Derick Cabrido at scriptwriter Enrico Santos na nagkatrabaho sa horror movie ni Piolo Pascual na Mallari.
Bongga ang maraming one-liners sa Untold!
Mae-enjoy ng magbabarkadang teenagers ang pelikula na sagana sa jump scares.
Kapuri-puri ang ensemble acting, sa pangunguna ni Jodi.
Read: Gloria Diaz "no filter" ang obserbasyon sa beauty pageants