JERRY OLEA
Punong-abala si Sylvia Sanchez ng Nathan Studios sa premiere night ng animated film na Buffalo Kids noong Pebrero 9, 2025 sa Gateway Mall, Cubao, Quezon City.
Ang next release ng Nathan Studios ay ang Tagalized version ng 2024 South Korean drama film na Picnic.
Sa premiere night ng Picnic noong Mayo 6, 2025, Martes, maliban kay Sylvia ay punong-abala rin ang daughter niyang si Ria Atayde.
Read: Sylvia Sanchez, maraming aral na natutunan sa pagsali sa MMFF
Sinabihan namin si Ria na na-miss namin siya sa premiere ng Buffalo Kids.
“Ay, oo! Hindi po ako nakapunta kasi peak pa iyon ng breastfeeding, ganun,” napangiting sambit ni Ria.
“Medyo nakakalabas-labas na po talaga now. But still, mainly at home. Not really…
“Just for this. Kasi, obviously, I have to be here for Nathan.”
Noong nakaraang Setyembre 23 isinilang ni Ria ang panganay nila ng husband na si Zanjoe Marudo.
Akala namin, si Ria na ang magpapatakbo ng production company ng kanilang pamilya.
“I mean, I do naman. Yung mga behind-the-scenes work that we do. I still continue to work on it. Things I can do at home, mainly our meetings, ganyan.
“I get to go to meetings... I just can’t do anything that takes me out of the house longer than siguro three to four hours, ganyan.”
Read: Zanjoe at Ria, binibiro sina Arjo at Maine sa pagkakaroon ng baby
WORK-FROM-HOME MOM
Hanggang kailan pa siya magwo-work from home?
“Ideally kasi, I wanna make my baby breastfeed until he’s a year old. So maybe, I’m already what, seven months in. So, five more months,” tugon ni Ria.
Magpe-premiere ang movie ni Zanjoe na How To Get Away From My Toxic Family sa Mayo 18, Linggo ng 2:00 P.M. sa Lumiere Cinema Music Hall Theater sa Beverly Hills, California, USA.
Ipapalabas din iyon sa iba pang cities sa U.S., ayon sa Hollywood correspondent na si Oliver Carnay.
If ever, sasamahan ba ni Ria si Zanjoe sa U.S.?
“If the timing is OK. Basta we’re going on vacation din muna with the baby and then let’s see, let’s see kung kaya,” saad ni Ria.
“Basta I don’t wanna leave the baby kasi din. Mahirap pa talaga since we’re breastfeeding.”
Read: Zanjoe Marudo and Ria Atayde welcome first child
NOEL FERRER
Kumusta na siya bilang mother?
“I love it! Hmmm wala, I’m loving it. It’s, I mean, you know, it’s equally challenging and rewarding,” matamis na pagngiti ni Ria.
“It’s, you know, pushing you to limits na hindi mo alam na kaya mo pala and all of that.
“Yeah, I take it day by day lang talaga para hindi siya nakakalula.”
Si Zanjoe ba, hands-on din bilang daddy?
“Yeah, super! He’s great, as in I’m glad na he’s my partner in all of this, in figuring out parenthood,” sagot ni Ria.
“Kasi he’s been nothing but supportive and great help. Yung I’ve never felt I’m alone.
“I’m able to do things pa rin for myself because he’s there, you know, like saluhan. It’s nice.”
Read: Sylvia Sanchez, ibinahagi ang pagiging first-time lola
GORGY RULA
Back to work na si Ria sa Nathan Studios pagkatapos niyang manganak.
Sabi nga ni Sylvia Sanchez, ang anak niya ang talagang nag-aasikaso nito, ang pa-premiere night nila sa Picnic, at iba pang dapat ayusin.
“Si Ria na, kasi di ba? Nakapanganak na… so, si Ria na talaga. Yung nakita niyo na video kanina, si Ria na gumawa nun. Concept na niya,” pakli ni Sylvia.
Pero priority pa rin ni Ria ang pagiging nanay dahil mas nakatutok pa rin siya sa anak nila ni Zanjoe.
Kaya si Sylvia pa rin mag-aasikaso sa mga susunod nilang bibilhing pelikula.
Nakatakda silang umalis pa-Cannes International Film Festival, dahil sila rin ang magdi-distribute ng Japanese film na Renoir na kasali sa main competition sa Cannes.
“May 15, pupunta na naman ako ng Cannes kasi, nakita niyo yung Renoir na pelikulang ipinakita kanina? Kasama siya sa competition,” kuwento ni Sylvia.
“Nakapasok siya sa main competition ng Cannes. Na-co-produce namin sa Japan with Alember Ang. Pupunta kami dun sa competition.”
Read: Sylvia Sanchez, isinama sina Maine at Zanjoe sa Nathan Studios
Kabilang sa nag-dub ng Tagalized version ng Picnic sina Ces Quesada, Nova Villa, Bodjie Pascua, Fyang Smith, at JM Ibarra.
Kasabay ng Picnic na showing today sa local cinemas ang The Last Goodbye nina Matt Lozano at Daniela Stranner, In Between nina Sue Ramirez at Diego Loyzaga, Rosario, Shadow Force, Black Bag, at Creation of the Gods II: Demon Force.