GORGY RULA
Inaasahang magbubukas na ang bagong wine store na pag-aari ng magkakapatid na Quizon kung saan ibebenta ang kanilang Banayad Whisky.
Pagbabahagi ni Eric Quizon: “We are opening a store in Katipunan, dun sa White Plains. Magkakaroon kami doon sa malapit kami sa Choi Garden, sa tabi.
"We will try to open probably early June.
"And then sa Parañaque, magkakaroon din kami ng parang branch doon, where they can order."
Nakapanayam ng PEP Troika si Eric sa office ng Brightlight Productions sa Samar Avenue, Quezon City, noong Martes, Mayo 27, 2025.
FILIPINO BRAND WITH A TOUCH OF SCOTTISH BRAND
Kararating lang ni Eric galing Scotland kasama ang mga kapatid na sina Epy at Vandolph, at pamangkin na si Boy2 Quizon.
Sa Scotland ginagawa ang Banayad Whisky, na hango sa isang eksena ni Dolphy sa pelikulang Father en Son (1995).
Ang yumaong Comedy King na si Dolphy ang ama nina Eric, Epy, at Vandolph.
Read: Eric Quizon sells Pidol's Banayad Whisky inspired by Dolphy movie
Ayon kay Eric, naka-partner nila ang isang distillery kung saan sa Scotland pa ginagawa ang kanilang inumin.
Kuwento ni Eric: “Yung partner namin dun sa Scotland, in-invite kami para makita namin kung papaano ginagawa yung Banayad Whisky.
“Because Banayad Whisky, it is a Filipino brand, but at the same time it has a Scottish brand because it is made and bottled in Scotland.
"So siyempre, gusto naming makita kung papaano siya binobote, kung papaano siya ginagawa.
“Basically, ang content lang naman ng whisky is really just barley, water, at yeast.
"At ang pinakaimportante dun is yung source of water. The more pure the water source is, the better. Parang ganun, e.
“So, para malaman namin, dinala kami dun sa Speyside. Speyside is the place where a lot of the top whiskies are made.
“Yung Speyside, makikita mo talaga yung river na nandun talaga nanggagaling yung… may bukal dun, may spring yun kung saan nanggagaling yun.
“Kaya yung distillery na gumagawa ng whisky, nandun siya.”
Kaya itong ibebenta nilang Banayad Whisky ay talagang doon daw ginagawa at naka-bottle na siyang dadalhin dito sa Pilipinas.
Ang dalawang klase ng alak na ito ay nagkakahalaga ng PHP1,999 at PHP2,999.
Read: Eric Quizon prefers directing to acting?
View this post on Instagram
NOEL FERRER
Ayon pa kay Eric, labinsiyam silang magkakapatid na may kinalaman sa Banayad Whisky.
Lahat daw sila ay involved dito, pero si Eric ang pinagkatiwalaang maging executor o administrator.
May isang distillery na partner nila sa Banayad Whisky, at lahat silang magkakapatid ay magkakahati sa kikitain nito.
Ganito rin daw ang ginagawa nila sa ibang mga negosyo na mula sa mga ari-ariang iniwan ng kanilang yumaong ama.
Saad ni Eric, “It’s a joint venture... there’s a company that puts it up together. And then ang mga heirs will get royalty from it.”
Maayos daw nila itong inilatag kung saan lahat silang magkakapatid ay may bahagi sa mabebenta.
Hindi raw naging isyu sa kanila ang hatian ng dibidendo.
“Alam mo, so far, wala. Kasi alam naman nila na whenever we do a transaction, lahat sila nakapirma.
“Hindi naman ako gagalaw nang walang pirma nila, nang walang consent,” pakli ni Eric.
“So lahat ng projects na pinapasukan namin, even Pidol’s Bakery, lahat yan merong SPA [Special Power of Attorney], may kontrata yan with the heirs.
“Ako kasi ang executor. So, ako talaga yung ina-assign nila.
"Ako lang yung nakikipag-deal. So siyempre, of course, korporasyon ito.
“Ang mga korporasyon, ang bigayan ng mga dibidendo, matagal yan. Hindi yung parang every day or hindi yung pagkabenta, bigay.”
Read: Direk Eric Quizon reveals how he handles "bobong artista"
JERRY OLEA
Pagbalik ni Eric Quizon galing Scotland ay kaagad siyang nakipag-meeting sa grupong SPEEd (Society of Philippine Entertainment Editors) para sa 8th Eddys awards na naka-schedule na sa July 20, 2025.
“This is going to be a celebration of the lives of people who have given us so much in the industry.
"So, they may have moved on, but somehow, their memories will still be alive in all of us. Iyan ang aabangan nila sa Eddys awards,” bulalas ni Eric.
Gaya ng dati ay mamimigay ang SPEEd ng 14 acting at technical awards, na pipiliin mula sa mga nominadong pelikulang ipinalabas sa mga sinehan at ilang digital platforms noong 2024.
Meron ding parangal para sa EDDYS Icons, Box Office Heroes, Producer of the Year, Isah V. Red Award, Joe Quirino Award, at Manny Pichel Award.
Ang SPEEd ay binubuo ng mga current at former entertainment editors ng mga leading broadsheet, top tabloid newspaper, at online portals sa Pilipinas.
Ang inyong lingkod ay isa sa officers ng samahang ito.
Read: Eric Quizon, baka "mag-walling" sa ide-demolish na Dolphy Theater