JERRY OLEA
Handa ba si Sue Ramirez makatrabaho muli sa isang project si Bea Alonzo, ang ex-fiancée ng boyfriend niyang si Dominic Roque? O awkward iyon masyado?
Nagkasama na sina Bea at Sue sa pelikulang A Second Chance (2015) na tinampukan din ni John Lloyd Cruz.
“Why not?!” bulalas ni Sue sa mediacon ng pelikulang Lasting Moments noong Hunyo 2, 2025, Lunes, sa Max’s restaurant ng SM Megamall, Mandaluyong City.
“Ako, wala naman po akong ganun. I think naman also for her, it’s not a big deal anymore.
“It’s just the people online who start making chika, and start creating conflict na wala naman na po talaga!
“Actually, I think masaya na rin siya. And everyone is just happy, it’s just the people talaga who are making issues and ikinakaskas yung bato para magkaroon ng apoy.
“Pero sa totoo lang, wala naman na po talagang problema, and we’re all happy.
“And we hope that you become happy for each and every one of us.”
Read: Sue Ramirez amusedly recalls her childhood ambition
JOAO CONSTANCIA OPEN TO WORK WITH EX SUE RAMIREZ
Ang ex-boyfriend niyang si Joao Constancia, nang mainterbyu ng PEP Troika sa mediacon ng Puregold online series na Si Sol at si Luna noong Mayo 16 sa World Trade Center, Pasay City, ay nagsabing OK sa kanya na maka-work si Sue.
“Oo naman! Ako, OK din ako. Actually OK din ako to work with him. We’re in good terms,” sambit ni Sue.
“Every time I see him, I make sure I give him a hug. He was part of my life. For two years, he was my boyfriend.
“And I can’t take that away. I can’t deny the fact that I will see him again in the future. Of course, it’s a small industry.
“And I don’t want bad blood with anyone.”
Nagkita na ba sila ni Bea matapos silang magkamabutihan ni Dominic?
Natigilan sandali si Sue bago mahinay na sumagot, “Parang hindi pa po.”
Sa Hulyo 30 pa ipapalabas sa mga sinehan ang drama film na Lasting Moments, kung saan co-stars ni Sue sina JM de Guzman at Victor Silayan.
Mauuna ang showing sa Hunyo 18 ng comedy movie ni Sue na Flower Girl.
Read: Joao Constancia reacts to ex-girlfriend Sue Ramirez's happy love life
NOEL FERRER
Kumusta ang personal na buhay ni Sue Ramirez nowadays? Gaano siya kasaya?
“Sobrang saya ko po. Wala po akong inaalala, wala akong problems,” pagngiti ni Sue.
“Very happy lang ako. I’ve been spending time with my family also. I’ve been working again.
“I have a TV series coming up, kasama rin si JM [de Guzman]. Ahhhh! So exciting! Exciting!
“Sobrang grateful ako where I am now. Grabe!”
Halatang blooming si Sue. Dahil na rin sa kanyang love life!
“Hindi ba puwede because of myself? Pag blooming ba kami, dahil sa lalaki?” sey ni Sue.
“Hindi. Parang hindi. Well recently, well, yun nga, sabi ko, masaya po talaga yung heart ko, I think.”
Heart lang ba?
“Heart, body, hair, eyes, everything,” pagmumuwestra ni Sue.
“Chareng! Hindi, lahat. Masayang-masaya talaga, my whole being, my soul. I’m in a very, very good place.”
Read: Sue Ramirez explains context of viral kiss with Dominic Roque
SUE RAMIREZ ON DOMINIC ROQUE
Mas open na siya ngayon sa relasyon nila ni Dominic Roque.
“Oo naman. Parang hindi naman namin kinailangang itago. Wala kaming choice!” natatawang pag-amin ni Sue.
“Parang nalaman niyo na rin agad. Opo, hindi naman kami nagtatago. We post stories from time to time.”
Ano ang special kay Dominic?
“I love the way he takes care of me. Parang I’ve never been taken care of like this before,” pagtatapat ni Sue.
“Parang… iba talaga, nakakababae. Chareng! Ha! Ha! Ha! Ha! Ha! Ha! Nakakababae talaga.
“Saka sobrang bait kasi ni Dom, e. He makes me laugh all the time. Sobrang sweet niya, not only to me but also to my friends.
“He spends time with my family. He really sees to it na he shows you na it’s not only you… that it’s part of my world, ‘I want your whole world to be part of mine also.’
“So, we’re on that stage trying to get to know each other more and also our family and friends.”
Gaano katanggap ng kanyang pamilya si Dominic?
Ang tamis ng ngiti ni Sue pagsagot: “Super! Kahapon, kahapon ba? Nag-lunch kami with my mom.
“Tapos sobrang cute ni Dom, kasi kahit wala kaming mahanap na parking, kahit ang tagal na naming naghanap ng parking, hindi niya talaga sasabihin na, ‘I-cancel na lang natin. Mahirap ang parking.’
“Hindi, sasabihin niya, ‘Hanapin natin ang parking, we don’t want your mom to feel that na hindi tayo…’
“Grabe talaga siya. Yung sa kanya nanggagaling yung mga ganung effort, that I really, really appreciate, because family is very important to me.
“And I’m very close to my mom, and my mom is 70 years old. So, you know, talagang naghahanap na ng lambing yun.
“And nakakatuwa na si Dom is very willing to always give, like spend time with my mom.”
Read: Sue Ramirez admits real score with Dominic Roque
GORGY RULA
Hindi pa katagalan ang relationship nila ni Dominic Roque. May napapag-usapan na ba silang something…?
“Wala naman. Parang hindi pa namin ino-open yung topic na yun. Though hindi rin naman siya closed topic, no?” saad ni Sue Ramirez.
“Kasi parang nasa edad naman kami na puwede naman naming pag-usapan.
“But we really don’t put the pressure on each other. Parang ngayon, tingnan natin. Tingnan natin kung okay ba talaga.
“And if it’s not, then we can remain friends. Hindi siya… parang we’re mature enough to realize, if it’s not for you, it’s not for you.
“But you always have that special effort to make it worth your while. Na habang nandiyan pa, sobrang enjoy-in mo.
“If it works, it works. If it doesn’t, move on, di ba? Hopefully find somebody new.
“But full effort ka, lagi kang A-game when it comes to… pag nasa relationship ka, and you have a problem, lagi kang A-game na ayusin yung problema. Hindi tatalikod.”
If ever, ready na ba siyang mag-settle down? Bumuo ng family?
“Hindi ko alam. Parang ngayon, nagwo-work pa ako. Parang hindi pa naman ako talaga stable kumbaga,” lahad ni Sue.
“Bata pa ako, 28 pa lang ako. Marami pang gustong gawin pero kung ibibigay sa akin, OK lang.
“Parang I think, OK lang din ako.”
IS DOMINIC HUSBAND-MATERIAL?
Sa tingin ba niya, husband material si Dom?
Mabilis na tugon ni Sue: “I do. I do actually find him, he’s very husband material. He’s a provider. He really makes sure that I eat properly.
“Alam mo yun. He really takes care of me.
"Yun nga, nakikita ko yung his efforts with his family. He loves kids, he’s God-fearing. Very, very religious.”
Loves kids talaga, ha?!
“Na-a-amaze ako na sobrang attached siya sa nieces and nephews.”
Napag-usapan ba nila ni Dom ang kani-kanyang ex?
“Paanong napag-usapan? Napagkuwentuhan? Oo naman, siyempre. Oo, actually. Hindi naman siya isyu,” sabi ni Sue.
“Actually, kailangan siya [pag-usapan], e. Parang sobrang crucial niya to make a relationship work is to actually talk about the traumas, di ba?
“What made this person this way, and how do I understand him? I have to know where he’s coming from. And I have to accept where he’s coming from.
“The same goes with him, for me. So ganun lang yun. It’s always a process of accepting.
“And wala, hindi mo siya mababago, e. Ano yun, ‘Ibahin natin yung past. Huwag nating pag-usapan.’
“Hindi natin ito mababago. It’s upfront in your face and you can’t change it.
“The only thing that you can do is accept, and help each other get through whatever it is, ma-resolve yung mga issues, traumas, di ba? Tulungan kayo.”
Noong magkamabutihan sila ni Dominic, pareho ba silang hurting, nasa healing process? Nagtulungan silang maghilom ang isa’t isa?
“Parang hindi na. Hindi na. Parang hindi na, parang OK na ako nung nagkakilala kami. Siya din, I think,” pagtangu-tango ni Sue.
“Oo, parang actually, mas nauna silang maghiwalay ata sa pagkakaalam ko.
“Mas nauna silang mag-break kesa sa amin [ni Javi Benitez]. Pero kami kasi, when we broke up, parang I already had that understanding na this is the end of the line.
“And I will be OK. Alam mo yun, yung parang I will not dwell on a feeling na malungkot, but I’m happy that it happened.
“I’m not so happy that it ended already. Of course I wanted it to work out.
“But you know, I’m still grateful for everything na napagdaanan ko. Kasi nga, yun nga, it opens the doors to meet new people.
“Actually find out also through other people kung ano ba talaga yung mga kailangan ko.
“Akala ko all this time, wala akong type. Type ko pala si Dom! Ha! Ha! Ha! Ha!
“Ang landi ko! Ha! Ha! Ha! Ha! Ha!” paghalakhak pa ni Sue.