GORGY RULA
Consistent si Barbie Forteza sa pag-iwas na sagutin ang isyu nila ng ex-boyfriend niyang si Jak Roberto nang nakapanayam siya ng PEP Troika sa media conference ng teleseryeng Beauty Empire.
Pakiramdam namin ay chinarut-charot lang niya kami kapag tungkol sa hiwalayan nila ni Jak ang tanong.
Read: Barbie Forteza evades questions about lovelife
Pero naging totoo naman siya nang tanungin namin kung nag-e-entertain na ba siya ngayon ng mga manliligaw.
“Honestly, wala po talaga. Totoo po yun, walang echos yun. Walang nanliligaw,” diin ni Barbie.
Sinundan namin ng tanong kung bukas na ba siya sa panibagong relasyon sakaling meron nang magpursiging manligaw sa kanya.
Aniya: “I am still enjoying my time. But, I am open to meet people.
"Kasi ano naman, e, ang saya kaya. Ang saya pala maging ano, maging outgoing, di ba?
"To be more out there, ang sarap tumakbo sa labas.”
Ang tinutukoy ni Barbie ay ang pagiging aktibo niya sa mga fun run.
ON RUFFA GUTIERREZ'S ADVICE
Nag-e-enjoy raw si Barbie sa Beauty Empire dahil lalo silang naging close ng co-star niyang si Kyline Alcantara.
Nadagdag pa si Ruffa Gutierrez na madalas daw ay nahihingan nila ng payo.
Kuwento ni Barbie: “Alam niyo po, sa totoo lang, si Ms. Ruffa, minsan po, when we ask for it and even when we don’t, she’s really generous in giving advice.
“Not just about personal life, but also yung mga work ethics, even sa set.
"Kasi nga, having been in the industry for so many years, ang dami niya po talagang nasi-share sa amin na mga professional tips.
“Mga advice on how to be a better actor, better artist, how to communicate better on set, yung professionalism, yun po.”
Inurirat din ng PEP Troika kung ano ang mga personal na isyung napag-usapan nila ni Ruffa, at ano ang ibinigay nitong payo sa kanila.
“E, di po ba, sabi niyo po, personal?” nakangiting pag-iwas ni Barbie.
Read: Trans woman Kylie Celebre falls in love with trans man Jan Pablo
NOEL FERRER
Sa July 7 magsisimulang umere ang Beauty Empire sa GMA Primetime, pagkatapos ng Sanggang Dikit nina Dennis Trillo at Jennylyn Mercado.
Nagsimula na sa Viu ang Beauty Empire, pero hindi pa ito nangunguna sa Top 20 series ng naturang streaming service.
Maayos naman ang pagkakagawa nito na mukhang ginastusan talaga ang production nito.
Sa unang episode pa lang ay nakakaaliw na ang drama rito ni Ruffa Gutierrez na natagpuang patay na nakaupo sa kanyang bonggang trono at may nakasabit pang ring light sa kanyang leeg.
Vaklang-vakla ang eksena!
Tingnan natin kung patok ito sa televiewers ng free TV.
Ang papalitan nito ay ang timeslot ng PBB Celebrity Collab Edition na halos 4 percent lang ang naitatalang ratings. Pero napakalakas sa streaming at sa social media.
Tingnan natin kung lalagpasan ito ng Beauty Empire.
Read: Kylie Padilla still “heartbroken” over Amihan’s death in Encantadia
JERRY OLEA
Kaugnay sa ika-75 anibersaryo ng GMA Network, may fourth season ang "Kapuso Lucky Numbers of the Day."
Nag-umpisa ito noong Hunyo 16 at magtatapos sa Agosto 3.
Loyal Kapuso viewers will have more chances to take home cash prizes just by watching and engaging with their favorite Kapuso shows.
To participate, viewers simply need to tune in to participating GMA programs and watch out for the Kapuso Lucky Numbers that will flash on their screens during the broadcast.
Once the numbers are revealed, participants can submit their entries by visiting the website of GMA Network.
They will need to register their first and last name (as it appears on a valid ID), complete address, mobile number, and e-mail address.
Lalabas ang Kapuso Lucky Numbers sa Encantadia Chronicles: Sang’gre, Mga Batang Riles, Sanggang Dikit FR, Beauty Empire, at Amazing Earth kung weeknights.
Kung weekends, abangan ang mga masusuwerteng numero sa Pepito Manaloto, Magpakailanman (Saturday); Bubble Gang (Sunday); at The Boobay and Tekla Show (Sunday).
Kapuso Lucky Numbers of the Day Season 4 is giving away weekly cash prizes, and a grand prize of PHP50,000.
Hopefully, makatulong sa TV ratings ng Kapuso programs ang Kapuso Lucky Numbers of the Day!
Read: Shuvee Etrata publicly declares Anthony Constantino her "TDH"