GORGY RULA
Nagpasiklab nang bongga sa ratings ang dalawang huling episodes ng Pilipinas Got Talent (PGT) noong Hunyo 21 at 22, 2025, Sabado at Linggo.
Bukod sa nag-trending ang PGT, mukhang inabangan talaga ito ng sambayanan dahil mataas ang naitalang ratings nito.
Lumaban ito sa mga katapat na programa sa GMA-7.
Noong Sabado, June 21, ay naka-6.6% ang PGT.
8.1% naman ang Pepito Manaloto, at kahit paano may viewers din ang PBA sa RPTV na naka-2.2%.
Noong Linggo, June 22, kung saan idineklarang si Cardong Trumpo ng Cavite ang grand champion, ay naka-7.8% ang PGT.
Bahagya nitong natalo ang The Clash na naka-7.5%.
Read: Dennis Trillo calls out bashers for inappropriate comments about Jennylyn Mercado's son
MGA BATANG RILES FINALE
Noong Biyernes, June 20, naman ay mataas din ang finale episode ng Mga Batang Riles na naka-8.6%.
Ang katapat nitong Incognito ay 7.8%.
Noong Sabado, June 21, naman natapos ang Prinsesa ng City Jail na naka-7%.
Mukhang mababa ang viewership nung araw na yun dahil kahit ang ibang programa ay hindi rin ganun kataas.
Ang It’s Showtime, kung saan pinag-usapan ang guesting ni Klarisse de Guzman, ay naka-5%.
Ang Eat Bulaga! na nag-finals ang kanilang "Gimme 5" segment ay 3.6% ang naitalang rating.
Pagkatapos ng Prinsesa ng City Jail ay ang Tadhana na naka-5.8%.
Sumunod ang Wish Ko Lang! na 5.3%, at ang Maka ay 4%.
Siyangapala! Nadagdagan pa ng bagong characters ang Maka na gagampanan nina Anton Vinzon, Raheel Bhyria, at ang Sparkle Campus Cutie winner na si Mad Ramos.
Read: Meet Mad Ramos, the first Sparkle Campus Cutie winner
NOEL FERRER
Noong Biyernes, Hunyo 20, ay hindi rin ganoon kataas ang viewership ng mga panghapaong programa na madalas ay mas mataas pa sa ilang primetime shows.
Ang It’s Showtime ay 5.3%, at 3.3% naman ang Eat Bulaga!.
Ang penultimate episode ng Prinsesa ng City Jail ay naka-6.5%.
Mas mataas nang konti ang Mommy Dearest na 6.6%.
Sumunod ang Binibining Marikit na 6.5%, at ang Fast Talk With Boy Abunda ay 4.4%.
Ang Red Balloon ay 2.4%.
Ang Family Feud, kung saan na nag-promote ang cast ng Sanggang Dikit, ay 7.2%.
Sa primetime naman nung Sabado, June 21, ay halos ganun pa rin ang viewers ng Pinoy Big Brother (PBB) Celebrity Collab Edition, dahil naka-6.7% ito.
Nakapagtataka lang na mainit na pinag-uusapan online at madalas na nagte-trending ang PBB Celebrity Collab, pero hindi gaanong umaalagwa ang ratings nito sa free TV.
Hindi katulad ng Pilipinas Got Talent na malakas din online, at pinanood din siya sa free TV.
JERRY OLEA
Kinabog ni Cardong Trumpo sina Ody Sto. Domingo, Femme MNL, JB Bangcaya, Jessie J, NDDU GNRLS, Carl Quion, at Manza sa final showdown ng PGT last Sunday sa The Theater, Solaire Resort Entertainment City sa Parañaque City.
Nagkamit si Cardong Trumpo ng grand prize na PHP2M.
Hurados sa paligsahan sina Freddie M. Garcia, Eugene Domingo, Donny Pangilinan, at Kathryn Bernardo.
Read: Construction worker Cardong Trumpo is Pilipinas Got Talent Season 7 grand winner
KAPAMILYA LIVE IN KENYA POSTPONED
Siyangapala, hindi tuloy ang Kapamilya Live in Kenya na gaganapin sana sa Hunyo 28, Sabado, sa Nairobi Cinema.
Ini-announce ng ABS-CBN noong Hunyo 21, Sabado: “We know our Kenyan fans have been looking forward to our KAPAMILYA LIVE IN KENYA to see Coco Martin and Julia Montes, who are as excited to meet and perform for them.
“Unfortunately, due to the ongoing conflict in the Middle East affecting airspace safety and flight cancellations, we regret to inform you that Kapamilya Live in Kenya is postponed until further notice.
“We are committed to bringing Coco and Julia to Kenya, and we will announce the new dates soon. Asanteni sana for the love, understanding, and support!”
Read: Cremated remains ni Red Sternberg, iuuwi sa Pilipinas
