GORGY RULA
Isa sa nami-miss ni Janine Gutierrez mula nang pumanaw ang kanyang paternal grandmother na si Pilita Corrales ay ang bonding ng kanilang buong pamilya tuwing Linggo.
Ito ang isa sa napag-usapan sa nakaraang media launch ng iniendorso niyang health care plan na iCare.
Tinanong kay Janine ang tungkol sa balak niyang ipag-produce ng documentary film ang kanyang Mamita na si Pilita.
Pero sa kanilang pamilya, hinahanap daw talaga ni Janine ang lunch ng buong pamilya tuwing Linggo na ginagawa sa bahay ni Pilita.
Read: Janine Gutierrez, pursigidong tapusin ang Pilita Corrales docu
Ani Janine, “In the short term, my hope is that we're able to continue our family Sundays. Kasi ang Sunday talaga namin is with Mamita, every Sunday.
“So when she passed away, parang, 'How do we keep this tradition alive?'
"And, of course, strength para sa parents ko mostly at sa mga pinsan ko, kasi sila talaga yung, you know, affected.”
Pero ngayon ay nagagawa na raw nila ulit ito.
“Kahit papaano, this past ano… parang nung nag-lie low na lahat. Ah oo… as much as possible,” sey ni Janine.
“Wala pa kaming maisip na bagong homebase, kasi siyempre sa bahay ni Mamita. Pero baka ako na lang ang mag-volunteer.
“Madami lang na huhugasan na pinggan pag sa bahay ko, pero kaya natin yan.”
DOUIMENTARY FILM ABOUT PILITA CORRALES
Ire-resume na rin daw ni Janine ang documentary film para kay Pilita Corrales. Natigil lang daw kasi ito nung nakaratay ang Mamita niya.
“Actually, last year lang talaga namin naumpisahan yung interviews. Pero siyempre nag-on, off ako kasi yung health issues ni Mamita, yun na yung naging priority ko,” saad ni Janine.
“Parang hindi ko rin ginusto na i-film pa siya considering her condition. Yung parang mas ginusto na lang namin to spend time with her.
“Kasi sa tingin ko, madami namang footage talaga na magagamit sa decades long career niya.”
Pumanaw si Pilita Corrales sa edad na 87 noong April 12, 2025.
Read: Janine Gutierrez, nilinaw ang "hard launch" nila ni Jericho sa burol
NOEL FERRER
Apat na araw lamang matapos pumanaw si Pilita ay sumakabilang buhay rin ang maternal grandmother ni Janine, ang Superstar at National Artist na si Nora Aunor.
Pagdating sa Mama Guy ni Janine, nandiyan lang daw ang suporta niya para sa kanyang inang si Lotlot de Leon.
Hanggang ngayon ay nakikita niyang nagdadalamhati pa rin ang ina.
“I’m just here to support my mom, kung anumang maiaalay kong comfort sa kanya.
“And wala… parang pagmamahal lang ang maibibigay namin sa anyone who’s going through something difficult,” sabi ng Kapamilya actress.
Hindi naman daw sila gaanong nagkikita dahil pareho silang abala sa taping. Pero nagkakausap naman daw sila kahit paano.
“Tinatawagan ko lang siya. And I know na she’s really grieving talaga right now. So, medyo malungkot talaga siya,” sabi pa ni Janine.
Read: Jericho Rosales makes it official: “I'm Janine's boyfriend.”
JERRY OLEA
Kumusta si Janine pagkatapos ng sunud-sunod na pagpanaw ng miyembro ng pamilya?
Nauna ang Mamita niyang si Pilita Corrales, sumunod ang Mama Guy niyang si Nora Aunor, at panghuli ang tiyuhin niyang si Ricky Davao.
“Still recovering,” malumanay niyang sagot.
“Siyempre malungkot pa rin. Sobrang ano kasi, e. Nagsabay-sabay. Parang, we lost three family members in three weeks.
“So, ano, ayun. There are good days, there are bad days.
"But it’s also a testament to how important family is. Kasi talagang naramdaman namin yung support ng isa’t isa.
“Actually, parang medyo kinakabahan ako kanina coming here in St. Luke’s because my uncle was here in the ano, in the ICU here. So, medyo parang fresh pa.
“Pero, I guess, it’s also part of my message din na, you know, you’ll never really know what’s gonna happen.
"And no matter how prepared you think you are, it’s so important to have people to rely on na masasandalan mo.
“Para kung hindi ka okay today, sila yung haharap sa tao today or kung may tanong ka, I mean, I’m so grateful to doctors and to health care kasi napakalaking bagay. It’s really life or death sometimes.
“So, ano nga, e… parang yun na yata talaga yung ma-suggest ko sa mga tao now na, you know, really take care of your health and live life to the fullest and always find the best part…
“Parang, at the end of the day, it’s really the people around you na talagang parang makakaangat sa ‘yo in times of need,” saad ni Janine.
Read: Janine Gutierrez mourns death of two lolas, Pilita and Nora